Lk 22:36 - Meta’

³⁶ Wɨ̀ nyaʼa ghà əmbɨ mɨ̀mə̌d ni, “Àyɨə tɨ̀nîn, wə̀d we nɨ berɨ fɨ̀tàgɨ, nɨŋ, we nɨ berɨ ə̀bàmɨ̀, nɨŋ. We nɨ chəi wɨ̀ berɨ ɨbi, fen i ngywɨ̌ maʼi zon wɨ mɔʼɔ.

Ikan feg

³⁶ Wì ya si ghà inɔb gha, “Amad anìŋ, wə̀d ne beri ikab, we niŋ. Wə̀d ne beri àbàn, we niŋ. Wə̀d ne chəyi wì beri ibeg ibid, tengàŋ fḛ ìzi ndwi ze igun, zon ibeg ibid.

Lk 22:36 Referans Kwoze

1 Tèsàlonikà 3:4

Mbə kyerɨ ə ni ənɨ tɨ̀ nyaʼa mbɨ nən, tɨ̀ nyaʼə ghà ɨ nən ni mbɨ bɨrɨ nwendɨ ta rɨkyerɨ-ɨwu. Ənû ze ə fə jwɨ̀ àmei ɨchî nɨ tɨ̀ nyaʼa gha ɨ nən.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

1 Pità 4:1

Kristo nyaʼa zə ŋgəʼ ənɨ mbɨ nyaʼa kombɨ əməd, əne mbə berɨ bɨ berɨ tɨkwɨ rɨkɔndɨ te nɨ wɨ̀ nyaʼa berɨ, ɨmbə̀ʼ ɨghəm nɨ chəi wə̀d mɔʼɔ we nɨ fə zə ŋgəʼ bɨrɨ wɨrɨ berɨ ənû nɨ ghɨ̀ mbɨ ɨnû rɨbɔ̀ŋ.

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Matìyò 10:10

Tɨ mbə̀ nɨŋ ə ə̀bàm ɨghanɨ, kɨ̀ ngywɨ̌ cherə, kɨ̀ ɨtabɨ, kɨ̀ mbàŋ. Zɨə kùʼ ni bə̂d jə wə̀d ə̀fàʼì.

Lk 22:35

Yeso nyaʼa biirɨ əmbɨ mbi mə̀mə̀ə̀nɨ̀-ɨnû ni, “Ənɨ mə̀ nyaʼa tom əwən ghà ni tɨ mbə̀ nɨŋ ə fɨ̀tàgɨ, kɨ̀ ə̀bàmɨ̀, kɨ̀ ɨbi, kɨ̀ ɨtabɨ, mbə wa nyaʼa kwaŋ əghɨ ə mɔʼɔ ə?” Mbɨ nyaʼa wììrɨ̀ ni, “Chə̂.”

Lk 22:37

Mə ghà ɨ nən ni ɨŋgam Ŋwiə̀ we nɨ gha ni, 'Mbɨ nyaʼa fɔtɨ əməd əbɔʼ bə̂d mbe nɨə ghɨ̀ ɨnû rɨbɔ̀ŋ,' ə berɨ jwɨ ənɨ rəsìʼ, ɨghəm nɨ ɨnû jìm mbe nɨ mbɨ nyaʼa ŋwaʼnɨ ɨmbə̀ʼ əmɨ berɨ jwɨ ənɨ rəsìʼ.”

Lk 22:38

Mbɨ nyaʼa ghà ɨ bɔ ni, “Ə̀nùŋɨ̀sɨg, à yɨ tɨbi rɨ̀be tɔ̂.” Wɨ̀ nyaʼa wììrɨ̀ ni, “Tɨ ə kùʼ əne.”