Lk 21:34 - Meta’

³⁴ “Mbə̀ we ə ni tɨ mbə̀ zɨ ə tə fîŋ ənɨ ənû nɨ jɨg əku, ənɨ ənû nɨ nɔ be bə̀ fɔrɨ ənɨ ənû ɨmbə̀ʼ ɨghɨ rɨŋga ɨsɨg, njɨ əni ze ə bɨrɨ saʼ yeʼe ɨgwɨ nən ɨchî nɨ ətam ə gywɨ̀ə̀ nyam,

Ikan feg

³⁴ Mbə̀ we awən, imbə̀ʼ ìtən fìŋ nɔ̀ʼ yaʼ ane anug ni jəg chè ndò, tì ane anug ni no be fɔrɔ anug ni ghə̀ʼrì ighi igun isəg, nji aneg ze biri yeʼe igun inən icheg ne atam ze gwìye nyam.

Lk 21:34 Referans Kwoze

Mk 4:19

ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg, ənû nɨ berɨ mbɔ̂n, fɔrɨ ənû nɨ feenɨ ɨghɨ nɔnɔʼ, mbɨ fumnɨ ɨŋgam we, chəi wɨ kɔ rɨtam.

Lk 12:40

Əne mbən bə̂, mbə̀ tekɨ ɨnyod ɨmbə̀ʼ ɨghəm nɨ Wan Wə̀d wɨə yeʼe ənɨ ə nyùmə̀ we nɨ chəi mbə̀ə wòm əməd.”

1 Kɔrèn 6:10

kɨ̀ mɨjɨ, kɨ̀ bə̂d mbe nɨə ghɨ̀ əjə, kɨ̀ mbe nɨə nɔə beə, kɨ̀ mbe nɨə chə̀kɨ̀ rɨkum bə̂d, kɨ̀ mɨjɨ bagɨ.

Ɨnû 3:3

Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.

Gàlesìyà 5:20

ənû nɨ wumnɨ mbɨ̀anèŋ, ənû nɨ ghɨ mɨ̀sà, ənû nɨ ghɨ pə̀n, ənû nɨ chɔb, ənû nɨ ghɨ ə̀dìì, ənû nɨ sə ɨtəm, ənû nɨ ghɨ ɨghabɨ ni àmei mbə̀nə berɨ ɨghɨ, ənû nɨ ghabrɨ bə̂d, ənû nɨ ghɨ tɨfɔtɨ kwa kwa,

1 Kɔrèn 5:11

Àyɨə rɨ̀nîn, mə wɨə ŋwàʼnɨ̀ ɨ nən yeʼ ni tɨ mbə̀ jɨg ə̀sə̀ʼ mbɨ wə̀d mɔʼɔ we nɨ gha ni tə ben ə Kristo, àyɨə ɨ wɨə kɨrɨ ghɨ ɨfabrɨ-ɨnû, kɨ̀ ɨ wɨə ghɨ̀ əjə, kɨ̀ ɨ wɨə wumnɨ mbɨ̀anèŋ, kɨ̀ ɨ wɨə chə̀kɨ̀ rɨkum bə̂d, kɨ̀ ɨ wɨə nɔə beə, kɨ̀ ɨ wɨə jɨə. Tɨ mbə̀ be jɨg ə mbɨ ɨkwɨ wə̀d wɔ̂.

Matìyò 13:22

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨ ɨghabɨ bə̂d mbe nɨ zu ɨŋgam Ŋwiə̀, əne ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg mbɨ ənû nɨ berɨ mbɔ̂n, mbɨ fumnɨ ɨŋgam we, chəi wɨ kɔ rɨtam.

Lk 21:8

Wɨ̀ nyaʼa wììrɨ̀ ni, “Mbə we əwən ɨmbə̀ʼ tɨ wə̀d mɔʼɔ ghɨ i ni mbə̀ febə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ yeʼe nɨŋ mɨ ɨkum yènə̀ ghàə̀ ni, 'Mə yɨ wɨwən!' fɔrɨ ni, 'Nyùmə̀ fə tiinɨ!' Tɨ̀ mbə beenɨ ə əbɔʼ mɨ̀mə̌d.

Fìlipì 4:6

Tɨ mbə̀ nwìʼ ə ɨnyod ɨmbə̀ʼ ənû ə mɔʼɔ, àyɨə mbə kɔŋgɨ ə Ŋwiə̀ ɨmbə̀ʼ ɨnû jìm, nɔn ɨnû jìm mbe nɨ mbə kwaŋɨ bə̀ nàʼ məben-əwe ɨ bɔ.

Lk 17:3

Mbə̀ we əwən! “We aŋgɔb mɨ ghɨ̀ ənû rɨbɔ̀ŋ, à ghàm əbɔʼ məd. Wɨ̀ mɨ bèŋ i fîŋ, à waʼ ɨnû rɨbɔ̀ŋ məd.

Lk 10:41

Àyɨə Ə̀nùŋɨ̀sɨg nyaʼa wììrɨ̀ ɨ bɔ ni, “Màta, Màta! À wɨə nwìʼ ɨnyod əku bə̀ zəə ŋgəʼ ɨmbə̀ʼ ɨnû nɔnɔʼ.

Lk 8:14

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨə bə̂d mbe nɨ fə zu ɨŋgam we, àyɨə ɨchî nɨ mbɨə yènə̀ wòə̀, ɨnû ɨmbə̀ʼ ɨghɨ rɨŋga ɨsɨg, ənû nɨ zɨ fîŋ ənɨ ɨkab mbɨ ɨnû nɨ ghɨ ɨnû mbe nɨ nyamnyod ə feenɨə, mbɨ yeʼe nib ɨghɨ mbe, ghɨ̀ chəi ɨbenɨ mɨ̀mə̌d kaanə.

Mk 13:9

“Àyɨə mbə̀ we əwən. Mbɨ bɨrɨ gywɨ əwən nàʼ əmbɨ mə̀saʼ ɨbeŋ. Mbɨ bɨrɨ som əwən ɨŋga nəb rɨ ə̀kàtɨ̀. Mbə bɨrɨ təm ɨfě mɨ̀gɔmnà bə̀ təm ɨfě mɨfɔ̂n ənɨ mɨ ɨkum ɨmbə̀ʼ ghà ɨkə̂n chɔ̀m əmbɨ mɨ̀mə̌d.

Mə̀Hibrù 12:15

Mbə̀ zə ni tɨ wə̀d mɔʼɔ sam i ɨ̀chɔ̀m we nɨ Ŋwiə̀ ə ghɨ̀ə̀, bə̀ zə ni tɨ wə̀d mɔʼɔ yeʼi ɨghabɨ ɨghaŋ nɨə nywɨ̀ə̀ nɨə kwiə ghɨ̀ə̀ ni bə̂d mɨ̀nɔnɔʼ zə ŋgəʼ mbɨ ɨniʼ we nɨə jwɨ̀ rəŋgu.

2 Pità 3:10

Àyɨə əni ze nɨ Ə̀nùŋɨ̀sɨg bɨrɨ wɨrɨ yeʼe ə zɨ ɨghabɨ ɨchî nɨ ɨjɨ ə yeʼe. Əni ze, ɨkaŋ bɨrɨ jùʼ rɨkǎ nim. Ɨwid bɨrɨ tɔn ɨghɨjìm mbe nɨ yeʼ ɨkaŋ, mbɨ sam. Ɨwid bɨrɨ tɔn si bə̀ tɔ̀n ɨghɨjìm mbe nɨ yeʼ ɨgwɨ ə si, mbɨ nim.

Lk 21:35

ɨmbə̀ʼ ɨghəm nɨ əni ze ə bɨrɨ yeʼe ɨgwɨ ə bə̂d mɨ̀jìm mbe nɨ yeʼ ɨgwɨ ə si.