Lk 18:9 - Meta’

⁹ Yeso nyaʼa bə̀ yì ghà ənû ə mɨgɨ zɔ̂ əmbɨ ə bə̂d mɔʼɔ mbe nɨ nyaʼə ghàə̀ ni mbə mbɨə ghɨ̀ ɨnû nɨ kuʼnɨ, əne sɨə tə̀ə̀nɨ̀ə̀ bə̂d cherə.

Ikan feg

⁹ Yeso ya ghàm ìngam məgri abə bəd ne yaya nɔ̀ nyɔd gha mbɔb təm kòʼ bə̀ se wèghè mə̀mbin.

Lk 18:9 Referans Kwoze

Lk 16:15

Àyɨə Yeso nyaʼa ghà əmbɨ mɨ̀mə̌d ni, “Mbə yɨə bə̂d mbe nɨə chwi ɨfě bə̂d ni mbə̀ mbɨə ghɨ̀ ɨnû nɨ kuʼnɨ, àyɨə Ŋwìə̀ ə kyerɨ tə fîŋ. Mbə̀ zə rəŋgu ni ɨnû mbe nɨ Ŋwiə̀ ə bànə̀ yɨ mbe nɨ bə̂d ə kɔndɨə ni mbɨ yɨ ɨnû kyeŋ.

Rm 10:3

Chəi mbɨ kyerɨ ɨchî nɨ Ŋwiə̀ ə ghɨ̀ ni bə̂d təm kùʼnɨ̀. Ɨ mbɨə kə̀bə̀ yeʼ mbə mɨnə̂njɨ̀ nɨ ghɨ ni mbə̀ təm kùʼnɨ̀. Chəi mbɨ nyaʼa gundɨ ə si ɨmbə̀ʼ Ŋwiə̀ ghɨ ni mbɨ təm kùʼnɨ̀.

Rm 14:10

“À kɨə sob ɨsaʼi ɨgwɨ we aŋgɔb ɨmbə̀ʼ ə ye? Kɨ̀ à kɨə tə̀ə̀nɨ̀ we aŋgɔb ɨmbə̀ʼ ə ye? Mbə̀ kyerɨ ni mba mɨjìm bɨrɨ təm ɨfě Ŋwiə̀ ni wɨ̀ saʼ əwa.

Lk 7:39

Ənɨ Farisiî we nɨ nyaʼa tɔŋ ə Yeso nyaʼa zə ənû ze, wɨ̀ nyaʼa ghà ɨŋga i fîŋ ni, “Mbaŋə̀ zɔ̂ mɨ kàŋ kə̀ʼ yeʼ wə̀d ɨ̀kə̀n Ŋwìə̀, njɨ wɨ̀ kyerɨ əyi wɔ̂ nɨə bètɨ̀ əməd bə̀ kyerɨ ɨkwɨ əyi we nɨ wɨ̀ yeʼ wɨwən, ɨmbə̀ʼ ɨghəm nɨ əyi wɔ̂ wɨə ghɨ̀ ɨnû rɨbɔ̀ŋ.”

Rm 7:9

Mə nyaʼa kweʼ chub ɨkǎ ənɨ chəi nyaʼa i rɨkə. Àyɨə ənɨ rɨkə nyaʼa yeʼe, ɨnû rɨbɔ̀ŋ nyaʼa wɨrɨ nɔʼ,

Lk 19:7

Bə̂d mɨ̀jìm mbe nɨ nyaʼa zə ənû ze, nyaʼa kɔ dumbɨ ghàə̀ ni, “Wɨ̀ fə wò mò wə̀d nɨə ghɨ̀ ɨnû rɨbɔ̀ŋ!”

Lk 18:11

Ənɨ mbɨ nyaʼa wò əne, Farisiî we nyaʼa nɔʼ təm kɔ̀ŋgɨ̀ ə Ŋwiə̀ ɨmbə̀ʼ i ɨnyod ghà ni, 'Ŋwìə̀, məben-əwe ni chəi əmɨ ɨghabɨ ə bə̂d cherə mbe nɨə fè ɨghɨ bə̂d ənɨ ɨka, kɨ̀ ɨghabɨ mbe nɨ chəi mbɨə ghɨ̀ ɨnû nɨ kuʼnɨ, kɨ̀ ɨghabɨ mbe nɨə ni məyi bə̂d cherə, kɨ̀ be ɨghabɨ əfetɨ mɨ̀tagsɨ̀ wɔ̂.

Ɨ̀fàʼì 22:21

Ə̀nùŋɨ̀sɨg nyaʼa ghà ɨ num ni, 'Ndə̀, ɨmbə̀ʼ ɨghəm nɨ mə bɨrɨ cha əwe əsa əgha əsɨ ə bə̂d mbe nɨ kaʼi mɨ̀Jû.'”

Jn 9:34

Mbɨ nyaʼa wììrɨ̀ ɨ bɔ ni, “Mbɨ nyaʼa gywɨ əwe à kwi ɨŋga ɨnû rɨbɔ̀ŋ əne à wa bɨrɨ chwi ɨnû ɨ na ə?” Mbɨ nyaʼa ghà əne, fid əməd tɨ ɨŋga nəb ə̀kàtɨ̀ ze.

Jn 9:28

Mbɨ nyaʼa zɔ̀m əməd ghà ni, “Àwɔ̀ yɨ ə̀mə̀ə̀nɨ̀-ɨnû məd. À yeʼ ɨmbə̀ʼ əwa, tɨ̀ yɨ mə̀mə̀ə̀nɨ̀-ɨnû Mose.

Jn 8:48

Bə̂d mbe nyaʼa biirɨ əmbɨ Yeso ni, “Tɨ̀ rɨ wa kùʼ a nɨ gha ni àwɔ̀ yɨ rɨ ə Sàmàriyà fɔrɨ ni əzwî rɨbɔ̀ŋ ə zɨ ɨŋga nè ə?”

Lk 15:2

Mɨ̀Farisiî mbɨ məchwiə̀ rɨ̀kə̌ nyaʼa zə əne kɔ zuʼnɨ ghàə̀ ni, “Wə̀d wɔ̂ wɨə nɨŋə bə̂d mbe nɨə ghɨ̀ ɨnû rɨbɔ̀ŋ bə̀ jɨgə mbɨ mɨ̀mə̌d.”

Lk 10:29

Àyɨə ɨchî nɨ mbaŋə̀ ze nyaʼə kə̀b chwiə ni ənû ze nɨ tə gha ə kùʼ, wɨ̀ nyaʼa wɨrɨ yì biirɨ əmbɨ Yeso ni, “Wə̀d nɨ tindɨ ɨban num kɨə we?”

Rm 14:3

Tɨ we nɨə jɨg ɨghɨjìm təənɨ i we nɨ chəi wɨə jɨg ɨghɨjìm. Tɨ we nɨ chəi wɨə jɨg ɨghɨjìm bɨ sob i ɨsaʼi ɨgwɨ we nɨə jɨg ɨghɨjìm, ɨmbə̀ʼ ɨghəm nɨ Ŋwìə̀ fə nɨŋ əməd ənɨ wi.