Lk 18:14 - Meta’

¹⁴ Mə ghà ɨ nən ni, ənɨ əfetɨ mɨ̀tagsɨ̀ we nyaʼa wò ɨnuʼ, wɨ̀ nyaʼa ghɨ̀ ənû nɨ kuʼnɨ ɨfě Ŋwiə̀ chè Farisiî we. Mbə̀ kyerɨ ni wə̀d jìm we nɨ nɔ i ɨnyod, Ŋwìə̀ bɨrɨ swi əməd, àyɨə wə̀d jìm we nɨ swi i ɨnyod, Ŋwìə̀ bɨrɨ nɔ əməd.”

Ikan feg

¹⁴ Mə gha tesiʼ inən gha, wə̀dtag gho̰ ya təm kòʼ imbìghè abə Ŋwiye chè Farìsi we bɔŋ mbi ya se bə̀ndə̀ ghò a achan. Mbə̀ kyeri gha, wə̀d ne nɔ̀ nyɔd, Ŋwiye biri swi aməd. Wə̀d ne swi ìwi nyɔd, Ŋwiye biri nɔ̀ aməd.”

Lk 18:14 Referans Kwoze

Lk 14:11

ɨmbə̀ʼ ɨghəm nɨ wə̀d jìm we nɨ nɔ i ɨnyod, Ŋwìə̀ bɨrɨ swi əməd, we nɨ swi i ɨnyod, Ŋwìə̀ bɨrɨ nɔ əməd.”

Lk 16:15

Àyɨə Yeso nyaʼa ghà əmbɨ mɨ̀mə̌d ni, “Mbə yɨə bə̂d mbe nɨə chwi ɨfě bə̂d ni mbə̀ mbɨə ghɨ̀ ɨnû nɨ kuʼnɨ, àyɨə Ŋwìə̀ ə kyerɨ tə fîŋ. Mbə̀ zə rəŋgu ni ɨnû mbe nɨ Ŋwiə̀ ə bànə̀ yɨ mbe nɨ bə̂d ə kɔndɨə ni mbɨ yɨ ɨnû kyeŋ.

Jems 4:10

Mbə̀ swi ɨnyod ɨfě Ə̀nùŋɨ̀sɨg, əne wɨ̀ bɨrɨ nɔ əwən.

Matìyò 23:12

Wə̀d jìm we nɨ nɔ i ɨnyod, Ŋwìə̀ bɨrɨ swi əməd, we nɨ swi i ɨnyod, Ŋwìə̀ bɨrɨ nɔ əməd.

Jems 4:6

À yɨə Ŋwìə̀ ə ghɨ̀ ɨ̀chɔ̀m ənɨ ə na ɨmbə̀ʼ tɨ berɨ ɨka nɨ baŋ ɨnû rɨbɔ̀ŋ. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ wɨə tonə bə̂d mbe nɨə nɔ̀ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

Lk 1:52

Wɨ̀ fə swi mɨfɔ̂n kyeŋ tɨ ɨgun ɨtən ɨfɔ̀n mɨ̀mə̌d. Wɨ̀ fə bə̀ nɔ̀ɔ̀rɨ̀ ɨnatɨ bə̂d.

Matìyò 5:3

“Ŋwìə̀ zɨ əbɔrəbɔd ɨgun ə bə̂d mbe nɨ saŋ mbə ɨnû jìm ɨŋga tɨkyerɨ-ɨbɔ məd, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Rm 4:5

Ŋwìə̀ wɨə nɨŋ ə wə̀d we nɨ chəi wɨə fàʼ ɨ bɔ ɨghabɨ ni wɨ̀ fə təm kùʼnɨ̀, ɨmbə̀ʼ ɨghəm nɨ wə̀d we ə nuŋ i fîŋ ɨgun ə Ŋwiə̀ we nɨə nɨŋə ni bə̂d mbe nɨ chəi mbɨə wumnɨ əməd fə təm kùʼnɨ̀.

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Lk 10:29

Àyɨə ɨchî nɨ mbaŋə̀ ze nyaʼə kə̀b chwiə ni ənû ze nɨ tə gha ə kùʼ, wɨ̀ nyaʼa wɨrɨ yì biirɨ əmbɨ Yeso ni, “Wə̀d nɨ tindɨ ɨban num kɨə we?”

Rm 8:33

À kɨə we nɨ bɨrɨ zɨ ɨsaʼi ɨgun ə bə̂d mbe nɨ Ŋwìə̀ chɔʼ ə? À yɨə Ŋwìə̀ benɨ ni mbɨ fə təm kùʼnɨ̀.

Rm 5:1

Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.