Lk 17:22 - Meta’

²² Yeso nyaʼa yì ghà əmbɨ mbi mə̀mə̀ə̀nɨ̀-ɨnû ni, “Nyùmə̀ wɨə yeʼe nɨ mbə bɨrɨ kəb chub ka àbei əni ə mɔʼ mbɨ Wan Wə̀d, àyɨə chəi mbə bɨrɨ zə əmɨ ənɨ ə nyùmə̀ we.

Ikan feg

²² Yeso ya si ghà abə ìmbi mə̀mə̀nənùg gha, “Nyùmə̀ we yèʼe ne mbə̀ biri kə̀b ni bàd aneg mɔ̀ʼɔ amɔʼ inga ineg Ŋwan Wə̀d, si ya gha, chəyi mbə̀ biri bèrì apan ze.

Lk 17:22 Referans Kwoze

Lk 5:35

Ɨni mbɨə yeʼe nɨ mbɨ bɨrɨ nɨŋ ɨnom ɨgən we rəkaʼ mɨ̀mə̌d. Ɨni ze ə mɨ pè, mbɨ kɨ chubɨ rɨ jɨg.”

Matìyò 9:15

Yeso nyaʼa wììrɨ̀ əmbɨ mɨ̀mə̌d ni, “Tɨ̀ bə̂d mbe nɨ wo jɨg ɨgən chub ənɨ ə̀kə̀nɨ̀ ənɨ ɨnom ɨgən kɨrɨ i mbɨ mɨ̀mə̌d ə? Ɨni mbɨə yeʼe nɨ mbɨ bɨrɨ nɨŋ ɨnom ɨgən we rəkaʼ mɨ̀mə̌d. Ɨni mbe mɨ pè, mbɨ kɨ chubɨ rɨ jɨg.

Jn 13:33

Mbɨ bɔn, mə bɨrɨ kɨrɨ chubɨ mbɨ nən ənɨ ɨkə nyùmə̀. Ɨ nɔʼ rɨ əwɔ, mbə bɨrɨ kəb əmɨ rəkan. Ənû ze nɨ mə̀ nyaʼa gha əmbɨ ə bə̂d mbe nɨə tekɨ ɨnû ɨŋga əbeŋ mɨ̀Jû, mə yɨ əni ghà ɨ nən ni, 'Chəi ənɨ tɨ̀ mbə yeʼe əsɨ ze nɨ mɨə wò əŋgu.'

Mk 2:20

Ɨni mbɨə yeʼe nɨ mbɨ bɨrɨ nɨŋ ɨnom ɨgən we rəkaʼ mɨ̀mə̌d. Ɨni mbe mɨ pè, mbɨ kɨ chubɨ rɨ jɨg.

Jn 12:35

Yeso nyaʼa ghà əmbɨ mɨ̀mə̌d ni, “Ɨzeŋɨ zeŋɨ wɨə kɨrɨ əkaʼ nən ənɨ ɨkə nyumə̀. Mbə̀ yen ənɨ ɨsɨ ə kɨrɨ zeŋə, ɨmbə̀ʼ tɨ əfub ə kən i əwən. Chəi wə̀d we nɨə yèn əkaʼ əfub kyerɨ əsɨ ze nɨ wɨə wò əŋgu.

Lk 13:35

Zə, mbɨ fə waʼ e nəb. Mə ghà ɨ ne ni chəi à bɨrɨ wɨrɨ zə əmɨ pè əni ze à gha ni, 'Ŋwìə̀ zɨ əbɔrəbɔd ɨgun ə wə̀d we nɨə yeʼe ənɨ ɨkum Ə̀nùŋɨ̀sɨg!'”