Lk 16:11 - Meta’

¹¹ À mɨ yeʼ nɨ chəi mbə̀ə fàʼ ənɨ tə fîŋ rɨjìm nɨ yim mbɔ̂n rɨŋga ɨsɨg, njɨ à kɨə we bɨrɨ naʼ mbɔ̂n rəsìʼ ɨ nən ə?

Ikan feg

¹¹ Ane, Àkə mə̀ chəyi mbə̀ nyimi ighi ikab mbe igun isəg aŋa icheg chɔm, wə̀d ne biri si nàʼ ijiʼi ighi ikab inən àkə we?

Lk 16:11 Referans Kwoze

Lk 12:33

Mbə̀ fendɨ mbə ɨghɨ, nàʼ ɨkab we əmbɨ ə bə̂d ɨkwaŋ. Mbə berɨ tɨtagɨ nɨ ka tɨ bɨrɨ nun i. Mbə̀ bə̀ nùŋ ə mbɔ̂n ɨkaŋ əsɨ ze nɨ chəi zɨ̀ bɨrɨ mì, nɨ chəi ənɨ tɨ̀ ɨjɨ tindɨ ɨban bə̀ fɔrɨ ənɨ chəi ənɨ tɨ̀ ɨsəʼɨ chə̀kɨ̀.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Lk 18:22

Ənɨ Yeso nyaʼa zu ənû zɔ̂, wɨ̀ nyaʼa ghà ɨ bɔ ni, “À kɨrɨ kwaŋ əghɨ ə mɔʼɔ. Ndə̀ wo fèndɨ̀ ɨghɨjìm mbe nɨ à berɨ, ghàpɨ̀ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Lk 16:9

Yeso nyaʼa wò ɨmbì ghà ni, “Mə ghà ɨ nən ni mbə̀ nɨŋ mbɔ̂n ze nɨ mbə̀ berɨ ɨchî rɨbɔ̀ŋ ghɨ̀ mbə mɨ̀sə̀ʼ əŋgu, ɨmbə̀ʼ ənɨ mbɔ̂n ze mi i, mbɨ nɨŋ əwən ɨŋga ɨkwɨ mbe nɨ tən i koŋ.

Ɨnû 3:18

Əne mə wɨə kəərɨ əwe ni à zon ə gôl rɨ num, nɨ yeʼ ə gôl we nɨ mbɨ tɔn ɨŋga ɨwid chiʼ kwàʼ ɨchî chɔ̀m. À mɨ ghɨ̀ əne à bɨrɨ berɨ mbɔ̂n. Bə zon ngywɨ̌ rɨ̀fɨ zɨ̀, ɨmbə̀ʼ chɨ tɨ̀nìd ətu we nɨ bə̂d ə zəə ni à wɨ rɨ̀sɔ̀ʼ ɨkyerɨ. Zon ɨfuʼ əghə zɨ̀ ɨŋga e əghə ɨmbə̀ʼ à wɨrɨ zə ɨsɨ.

Matìyò 6:24

“Chəi wə̀d mɔʼɔ əŋgu nɨ tɨ̀ wɨ̀ fàʼ əmbɨ mɨ̀mbǎʼ ə̀fàʼì mɨbe, ɨmbə̀ʼ ɨghəm nɨ wɨ̀ bɨrɨ ban wɨ fìbɨ̀ ghaʼ wɨ fìbɨ̀, kɨ̀ wɨ̀ fàʼ əmbɨ wɨ fìbɨ̀ ənɨ i fîŋ jìm tə̀ə̀nɨ̀ wɨ fìbɨ̀. Chəi ənɨ tɨ̀ à fàʼ əmbɨ ə Ŋwiə̀ bə̀ faʼ nɨ berɨ mbɔ̂n əwu əwən.

Lk 16:12

À mɨ yeʼ nɨ chəi mbə̀ə fàʼ ənɨ tə fîŋ rɨjìm mbɨ ɨghɨ mbe ni yeʼ mbɨ wə̀d cherə, njɨ à kɨə we bɨrɨ naʼ mbe nɨ yeʼ mbən ɨ nən ə?