Lk 15:10 - Meta’

¹⁰ Mə ghà ɨ nən ni, à yɨ əndəŋ əndəŋ ni mbɨ̀aŋgɨrə̀ mbɨə ghaʼ ənɨ wə̀d fibɨ̀ tɨ̀ əbɔʼ mbe nɨə ghɨ̀ ɨnû rɨbɔ̀ŋ beŋ i fîŋ.”

Ikan feg

¹⁰ Mə gha tesiʼ inən gha, à ya bə̀ ane ne mbè angirə̀ Ŋwiye biri ya gyènde anyumə̀ ne wə̀d imɔʼ ne kə̀ ghìyə̀ inug tibɔ̀ŋ bə̀ŋi ìzi fìŋ.”

Lk 15:10 Referans Kwoze

Lk 15:7

Mə ghà ɨ nən ni, à yɨ əndəŋ əndəŋ ni ɨghaʼi bɨrɨ nɔʼ ɨkaŋ ənɨ wə̀d ɨnû rɨbɔ̀ŋ fibɨ̀ beŋ i fîŋ chè ɨchî nɨ wɨ bɨrɨ nɔʼ ɨgwɨ ə bə̂d ɨwum ə̀bùə chɔ̀b ə̀bùə nɨə ghɨ̀ ɨnû nɨ kuʼnɨ nɨ chəi mbɨ berɨ nɨ beŋ tə fîŋ.

2 Kɔrèn 7:10

Ɨkwɨ ə̀kə̀nɨ̀ we nɨ Ŋwiə̀ kəb ə zɨə ghɨ̀ ni bə̂d beŋ tə fîŋ. Ə zɨə ghɨ̀ ni bə̂d jwɨ rəŋgəʼ. Chəi bə̂d berɨ nɨ kə̀n ɨmbə̀ʼ ənû zɔ̂! Àyɨə ɨkwɨ ə̀kə̀nɨ̀ we nɨ bə̂d rɨŋga ɨsɨg kəb ə zɨə ghɨ̀ ni bə̂d kwɨ.

Lk 13:5

Mə ghà ɨ nən ni, Chə̂! Mbɨ mɨ ton beŋ ə tə fîŋ, njɨ mbə̀n mɨjìm bɨrɨ bɨ kwɨ.”

Matìyò 18:14

Əne kaʼ à yɨə bəi ɨkɔndɨ mɨ Mbǎʼ we nɨ yeʼ ɨkaŋ ni wan kwa mɔʼɔ rəbɔʼ mbɔ̂ nim.

Mə̀Hibrù 1:14

Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Lk 7:47

Əne mə wɨə ghà ɨ ne ni, mbɨ fə waʼ ɨnû rɨbɔ̀ŋ məd mbe nɨ nyaʼa kaŋ nɔʼ, ɨmbə̀ʼ ɨghəm nɨ wɨ̀ bə chwi ɨghaʼi nɔnɔʼ. Àyɨə wə̀d we nɨ mbɨ waʼ ɨnû rɨbɔ̀ŋ məd rɨpiî bɨrɨ bɨ chwi àmei ɨghaʼ rɨpiî.”

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Filemɔ̀n 1:15

Ɨghə̀m, à yɨ əton nɨ wɨ̀ nyaʼa saŋ əwe ənɨ ɨkə nyumə̀, ɨmbə̀ʼ à we tɨ̀ à wɨrɨ nɨŋ əməd rəbɔʼ koŋ.

Ɨ̀fàʼì 5:19

À nyaʼa ɨzimɨ we, aŋgɨrə̀ Ə̀nùŋɨ̀sɨg nyaʼa wò fìʼ mɨchû nəb ndəŋ ze, chɨ̀ mɨ̀mə̌d chà əsaŋ, ghà əmbɨ mɨ̀mə̌d ni,

Matìyò 10:32

“Wə̀d jìm we nɨ ben ɨfě bə̂d ni tə kyerɨ əmɨ, mə bɨrɨ bɨ ben ɨfě mɨ Mbǎʼ we nɨ yeʼ ɨkaŋ ni mə kyerɨ əməd.

Lk 12:8

“Mə ghà ɨ nən ni, wə̀d jìm we nɨ ben ɨfě bə̂d ni tə kyerɨ əmɨ, Wan Wə̀d bɨrɨ bɨ ben ɨfě mbɨ̀aŋgɨrə̀ Ŋwiə̀ ni tə kyerɨ əməd.

Lk 12:9

Àyɨə wə̀d mɔʼɔ we nɨ ton ɨfě bə̂d ni chəi tə kyerɨ əmɨ, Wan Wə̀d bɨrɨ bɨ ton ɨfě mbɨ̀aŋgɨrə̀ Ŋwiə̀ ni chəi tə kyerɨ əməd.

Lk 15:9

Ənɨ wɨ̀ zə, wɨ̀ bɨrɨ tɔŋ mbi mɨ̀sə̀ʼ mbɨ ə bə̂d rɨ ɨban əkwɨ ghà ni, 'Mbə̀ yeʼe tɨ̀ ghaʼ ɨchî nɨ mə fə zə ɨkab we nɨ kəʼ nim.'

Lk 15:11

Yeso nyaʼa wò ɨmbì ghà ni, “Mbaŋə̀ mɔʼɔ zɨə nyaʼa əŋgu nɨ berɨ mbi bɔn mbaŋə̀ mɨ̀be.