Lk 14:15 - Meta’

¹⁵ Ənɨ mbaŋə̀ mɔʼɔ rəbɔʼ mbe nɨ nyaʼa chubɨ jɨg mbɨ məd, nyaʼa zu ənû zɔ̂, wɨ̀ nyaʼa ghà ɨ bɔ ni, “Ŋwìə̀ zɨ əbɔrəbɔd ɨgun ə wə̀d we nɨ bɨrɨ jɨg əchwɨ̂ ze ɨŋga ənû ɨfɔ̀n əməd!”

Ikan feg

¹⁵ Wə̀d mɔ̀ʼɔ abɔ̀ʼ bəd mbe ne yaya jə̀ghə tì Yeso ya zug anug ne Yeso gha, si gha, “Ŋwiye biri zì àbɔrɔ̀bɔd igun bəd mbe ne biri jəg iteri inga anug ìfɔ̀n Məd.”

Lk 14:15 Referans Kwoze

Ɨnû 19:9

Aŋgɨrə̀ we nyaʼa ghà ɨ num ni, “Ŋwaʼnɨ ənû zɔ̂: 'Ŋwìə̀ zɨ əbɔrəbɔd ɨgun ə bə̂d mbe nɨ mbɨ won ənɨ əchwî ɨnamɨ Wan njɨ̀g.'” Aŋgɨrə̀ we nyaʼa yi ghà ni, “Mbɔ̂ yɨ mɨŋgam rəsìʼ nɨ Ŋwiə̀ ghamɨ.”

Lk 22:30

ɨmbə̀ʼ mbə̀ jɨg bə̀ nɔ ɨgun mɨ tebrə̀ ɨŋga əmɨ ənû ɨfɔ̀n. Mbə bɨrɨ bɨ chub ɨgun ɨtən ɨfɔ̂n ɨ saʼ mɨnəbɨ mɨ̀Izre mbe wum chɔ̀b rɨ̀be.”

Lk 13:29

Bə̂d bɨrɨ yeʼe rɨ əbà ze nɨ nyùmə̀ ə jwɨ̀ə̀ mbɨ rɨ əbà ze nɨ nyùmə̀ nyɨ ɨkòb, mbɨ bɨrɨ yeʼe rɨ əbà ɨsɨg ze rɨ ətu mbɨ rɨ əba ɨsɨg ze rɨ əton, pè jɨg əchwɨ̂ ɨŋga ənû ɨfɔ̀n ə Ŋwiə̀.

Matìyò 25:10

Ənɨ mbɨ nyaʼa wo zon, ɨnom ɨgən we nyaʼa yeʼe. Mbe nɨ nyaʼa fə tekɨ ə ɨnyod nyaʼa wò nyɨ ə nəb mbɨ məd ɨ jɨg əchwɨ̂ ɨnamɨ ze. Mbɨ nyaʼa nyɨ əne wùb ɨchû nəb.

Lk 12:37

Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ ənɨ mbǎʼ ə̀fàʼì mɨ̀mə̌d yeʼe, wɨ̀ pè zə mɨ̀mə̌d ɨkyèʼe. Mə ghà rəsìʼ ɨ nən ni wɨ̀ bɨrɨ zɨ i ngywɨ̌ ə̀fàʼì, ghà ni mbɨ chub ə si, əne nàʼ ɨghɨjɨg əmbɨ mɨ̀mə̌d.

Matìyò 8:11

Mə ghà ɨ nən ni bə̂d mɨ̀nɔnɔʼ bɨrɨ yeʼe rɨ əbà ze nɨ nyùmə̀ ə jwɨ̀ rəŋgu bə̀ yeʼe rɨ əbà ze nɨ nyùmə̀ ə nyɨ ɨkòb, pè chub ɨgun ə tebrə̀ ɨŋga ənû ɨfɔ̀n rɨkaŋ ɨ jɨg mbɨ Abràham mbɨ Aizìk fɔrɨ ə Jakɔ̂b.

Lk 22:16

Əne mə ghà ɨ nən ni chəi mə̀ bɨrɨ wɨrɨ jɨg tɨjɨg Əchwɨ̂ ə Che-ɨgun pè ənɨ əton ənɨ rɨjɨg tɔ̂ jwɨ ənɨ rəsìʼ ənɨ ə nyùmə̀ we nɨ ənû ɨfɔ̀n ə Ŋwiə̀ ə yeʼe.”