Lk 14:11 - Meta’

¹¹ ɨmbə̀ʼ ɨghəm nɨ wə̀d jìm we nɨ nɔ i ɨnyod, Ŋwìə̀ bɨrɨ swi əməd, we nɨ swi i ɨnyod, Ŋwìə̀ bɨrɨ nɔ əməd.”

Ikan feg

¹¹ Ŋwiye biri swi wə̀d ijìm ne nɔ̀ nyɔd, aseg, bə̀ si nɔ̀ wə̀d ijìm ne swi ìwi nyɔd, ikaŋ.”

Lk 14:11 Referans Kwoze

Lk 18:14

Mə ghà ɨ nən ni, ənɨ əfetɨ mɨ̀tagsɨ̀ we nyaʼa wò ɨnuʼ, wɨ̀ nyaʼa ghɨ̀ ənû nɨ kuʼnɨ ɨfě Ŋwiə̀ chè Farisiî we. Mbə̀ kyerɨ ni wə̀d jìm we nɨ nɔ i ɨnyod, Ŋwìə̀ bɨrɨ swi əməd, àyɨə wə̀d jìm we nɨ swi i ɨnyod, Ŋwìə̀ bɨrɨ nɔ əməd.”

Matìyò 23:12

Wə̀d jìm we nɨ nɔ i ɨnyod, Ŋwìə̀ bɨrɨ swi əməd, we nɨ swi i ɨnyod, Ŋwìə̀ bɨrɨ nɔ əməd.

Jems 4:6

À yɨə Ŋwìə̀ ə ghɨ̀ ɨ̀chɔ̀m ənɨ ə na ɨmbə̀ʼ tɨ berɨ ɨka nɨ baŋ ɨnû rɨbɔ̀ŋ. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ wɨə tonə bə̂d mbe nɨə nɔ̀ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

1 Pità 5:5

Ŋgwàʼ bə̂d, mbə̀ zuunɨ bə̂d mbe nɨ fə kaanɨ chè əwən. Mbə̀n mɨjìm swi ə ɨnyod fàʼ əmbɨ mbə bɔŋgɔb ɨmbə̀ʼ ɨghəm nɨ, “Ŋwìə̀ wɨə bànə̀ bə̂d mbe nɨə nɔ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

Jems 4:10

Mbə̀ swi ɨnyod ɨfě Ə̀nùŋɨ̀sɨg, əne wɨ̀ bɨrɨ nɔ əwən.

Lk 1:51

Wɨ̀ fə ghɨ̀ ɨnû yiirɨ ənɨ mbi ɨbɔ. Wɨ̀ fə jàŋ bə̂d mbe nɨə nɔ̀ ɨnyod ɨmbə̀ʼ tɨkɔndɨ te nɨ yeʼ ɨŋga fîŋ tɨ mɨ̀mə̌d.

Lk 1:52

Wɨ̀ fə swi mɨfɔ̂n kyeŋ tɨ ɨgun ɨtən ɨfɔ̀n mɨ̀mə̌d. Wɨ̀ fə bə̀ nɔ̀ɔ̀rɨ̀ ɨnatɨ bə̂d.

Lk 14:12

Yeso nyaʼa bə̀ ghà əmbɨ wə̀d we nɨ kəʼ tɔŋ əməd ni, “Ənɨ à tekɨ ɨghɨjɨg ɨ jə bə̂d əziə kɨ̀ ɨzimɨ, tɨrə̀ won e mbe mɨ̀sə̀ʼ, kɨ̀ mbe bɔŋgɔb, kɨ̀ e ɨnəbɨ, kɨ̀ bə̂d mbɔ̂n. À mɨ won tɨkwɨrɨ bə̂d tɔ̂, mbɨ bɨrɨ bɨ tɔŋ əwe, əne wì ənû ze nɨ à ghɨ̌.

Jems 1:9

Aŋgɔb we nɨ chəi bə̂d ə nèŋ əməd ni wɨ̀ yɨ əghɨ ə mɔʼɔ berɨ ghaʼ ənɨ Ŋwìə̀ nɔ əməd.

1 Pità 5:6

Əne mbə swi ə ɨnyod əton ɨka Ŋwiə̀, ɨmbə̀ʼ nyùmə̀ mɨ nɨə kuʼə wɨ̀ nɔ̀ɔ̀rɨ̀ əwən.