Lk 12:5 - Meta’

⁵ Àyɨə mə bɨrɨ patɨ əwən ɨmbə̀ʼ wə̀d we nɨ tɨ̀ mbə bɔ. Mbə̀ bɔ yeʼ Ŋwiə̀, ɨmbə̀ʼ ɨghəm nɨ ənɨ wɨ̀ zwiirɨ bə̂d, wɨ̀ kɨrɨ berɨ ɨka nɨ maʼ mɨ̀mə̌d ɨŋga əsɨ ɨchə. Ee, mə ghà ɨ nən ni mbə̀ bɔ əməd!

Ikan feg

⁵ Mə biri chwi wə̀d ne mbe koʼi ni bɔ. Mbə̀ bɔ Ŋwiye imbə̀ʼ icheg ne, məd we tì wì zwèti wə̀d bə̀ kiri bèrì ika ni màʼ tengàŋ inga asiŋi ichə. E! À ya Ŋwiye ne mbə̀ koʼi ni bɔ.

Lk 12:5 Referans Kwoze

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

Matìyò 10:28

Tɨ̀ mbə̀ bɔ ə bə̂d mbe nɨə zwiirɨə nyamnyod, àyɨə chəi ənɨ tɨ̀ mbɨ zwiirɨ əzwî. Mbə̀ bɔ yeʼ məd we nɨ tɨ̀ wɨ̀ nimnɨ nyamnyod bə̀ nimnɨ əzwî ɨŋga əsɨ ɨchə.

Ɨnû 14:7

Wɨ̀ nyaʼa ghà ənɨ ə gɨ̂ kǎ kǎ ni, “Mbə̀ bɔ ə Ŋwiə̀ bə̀ nàʼ ɨwumnɨ ɨ bɔ, ɨmbə̀ʼ ɨghəm nɨ nyùmə̀ we nɨ məd bɨrɨ saʼ bə̂d fə kùʼ. Mbə̀ wumnɨ əməd we nɨ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ mɨ̀jwɨ̀-əmboŋ!”

Mə̀Hibrù 10:31

Ənû nɨ wə̀d jìm berɨ nɨ bɔ yɨ nɨ feŋ ɨŋga tɨkyerɨ-ɨbɔ Ŋwìə̀ we nɨ yeʼ ɨkǎ.

Ɨnû 20:14

Əne mbɨ nyaʼa màʼ Ɨvɨ mbɨ əbeŋ ɨvɨ bə̂d ɨŋga ɨwid kyeŋ. Ɨwid kyeŋ we yɨ ɨvɨ we nɨ pe ənɨ wɨ be.

1 Tèsàlonikà 4:6

Tɨ̀ wə̀d mɔʼɔ rəbɔʼ nən chəkɨ i fîŋ wi aŋgɔb ənɨ ənû zɔ̂. Tɨ wɨ̀ nɨŋ i ɨwi wi aŋgɔb. Ə̀nùŋɨ̀sɨg bɨrɨ chə bə̂d mbe nɨə ghɨ̀ tɨkwɨrɨ ɨnû rɨbɔ̀ŋ tɔ̂ rɨjìm, àmei ɨchî nɨ tɨ̀ nyaʼa fə gha ɨ nən bə̀ patɨ əwən.

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Ɨnû 15:4

Ə̀nùŋɨ̀sɨg, à kɨə we nɨ chəi wɨ̀ bɨrɨ bɔ əwe ə? À kɨə we nɨ chəi wɨ̀ bɨrɨ yiirɨ e ɨkum ə? Àmei àwɔ̀ rə̀zìʼ we nɨ zeŋɨ màànɨ̀. Bə̂d rɨŋga ɨbeŋ jìm bɨrɨ yeʼe wumnɨ əwe, ɨmbə̀ʼ ɨghəm nɨ wə̀d jìm fə zə ɨchî nɨ àwɔ̀ ə ghɨ̀ ɨnû nɨ kuʼnɨ.”

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”

Mk 13:23

Əne mbə̀ we ə. Mə fə ghà ɨnû jìm ɨ nən bɔŋ nyùmə̀ sɨə kùʼə̀.”