Lk 12:48 - Meta’

⁴⁸ Àyɨə mbɨ bɨrɨ som wə̀d ə̀fàʼì we nɨ chəi wɨ̀ kyerɨ ənû ze nɨ mbǎʼ ə̀fàʼì məd kə̀bə̀ àmei ɨkə rɨpiî, ɨmbə̀ʼ ɨghəm nɨ wɨ̀ ghɨ̌ ənû ze nɨ njɨ mbɨ kəʼ som əməd. Wə̀d jìm we nɨ mbɨ naʼ ɨghɨ nɔnɔʼ ɨ bɔ, mbɨ bɨrɨ bɨ kəb ɨghɨ nɔnɔʼ rɨ bɔ. Mbɨ bɨrɨ bɨ kəb ɨghɨ nɨ nɔʼ chè rɨ əmbɨ wə̀d we nɨ mbɨ bə̀ naʼ ɨghɨ nɨ nɔʼ chè ɨ bɔ.

Ikan feg

⁴⁸ Àsi wə̀d ne chəyi wì kyèri aghi ne mbaʼ àfàʼì məd we kə̀bə̀, ne wì ya fàʼà yaʼ inug ne chwìye gha mbe sɔm aməd, mbi biri sɔm aməd iki piʼì. Wə̀d ijìm we ne mbi nàʼi ighi nɔʼ nɔʼ ibo, mbi biri bə kə̀b ighi nɔʼ nɔʼ ibo. Wə̀d we ne mbi naʼi ighi ne nɔʼi chè ibo, mbi biri bə kə̀b ighi ne bə̀ nɔʼ chè ibo.

Lk 12:48 Referans Kwoze

Jems 3:1

Mbɨ bɔŋgɔb, tɨ bə̂d mɨ̀nɔnɔʼ rəkaʼ nən yeʼ əwən məchwiə̀-ɨnû, ɨmbə̀ʼ ɨghəm nɨ mbə̀ fə kyerɨ ə ni Ŋwìə̀ bɨrɨ saʼ mbà mbe nɨə chwi ɨnû ənɨ ɨnə̂njɨ̀ nɨ kaanɨ.

Jn 15:22

À mɨ yeʼ nɨ chəi mə̀ nyaʼa yeʼe ɨŋga ɨsɨg pè gham əmbɨ mɨ̀mə̌d, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn, chəi mbɨ berɨ ənû nɨ ghà ɨmbə̀ʼ ɨchî nɨ ɨ mbɨə kɨrɨ ghɨ ɨnû rɨbɔ̀ŋ.

Matìyò 13:12

Əton nɨ mɨə ghàm əmbɨ mɨ̀mə̌d ənɨ ɨnû mɨgɨ yɨ ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ berɨ mbɨ bɨrɨ nɨŋ rɨ bɔ.

1 Timotì 1:13

Ka à bè yeʼi ni mə wɨə nyaʼə ghà ɨnû rɨbɔ̀ŋ ɨgwɨ məd, nwèndɨ̀ə̀ tɨkyerɨ-ɨwu bə̂d mbe nɨ nyaʼə beenɨ əbɔʼ məd bə̀ zɔ̀m əməd, àyɨə wɨ̀ nyaʼa dììrɨ̀ əmɨ ɨmbə̀ʼ ɨghəm nɨ chəi mə nyaʼa kyerɨ ənû ze nɨ mə nyaʼə ghɨ̀ə̀. Wɨ̀ nyaʼa bə̀ dììrɨ̀ əmɨ ɨmbə̀ʼ ɨchî nɨ chəi mə̀ nyaʼa bə kɨrɨ ben əməd.

Ɨ̀fàʼì 17:30

Chəi Ŋwìə̀ nyaʼa zɨ ətu ənɨ ɨnû mbe nɨ bə̂d nyaʼa ghɨ̌ nɨ chəi mbɨ kyerɨ, àyɨə tɨ̀nîn ɨ wɨə ghà əmbɨ ə bə̂d mɨjìm ɨsɨ jìm ni mbɨ beŋ tə fîŋ.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

Lk 16:2

Wə̀d mbɔ̂n we nyaʼa zu əne, tɔŋ əməd biirɨ ɨ bɔ ni, 'À kɨ ənû ə ye nɨ mɨə zu ɨmbə̀ʼ əwe ə? Nɨŋ mbe ɨ̀ŋwàʼnɨ̀ yeʼe chwi ɨchî nɨ àwɔ̀ ə nəŋgɨ mbɨ ɨghɨ, ɨmbə̀ʼ ɨghəm nɨ chəi à bɨrɨ wɨrɨ nəŋgɨ mbɨ ɨghɨ.'

1 Timotì 6:20

Àwɔ̀ Timotì, jeŋgɨ yim ɨnû mbe nɨ Ŋwiə̀ zɨ ɨŋga te rɨkyerɨ-ɨbɔ. Tɨrə̀ zɨ e ətu ənɨ mɨŋgam mbe nɨ chəi mbɨ berɨ ənû nɨ ghɨ̀ mbɨ ə Ŋwiə̀. Tɨrə̀ zɨ e ətu ənɨ mɨŋgam əko mɔʼɔ mbe nɨ bə̂d ə taŋ ɨgun, nɨ mbɨə ghà ni à yɨ ɨwe, àyɨə kaʼ à yɨ i ɨwe.

Tayitùs 1:3

Ənɨ nyùmə̀ nyaʼa kuʼu, Ŋwìə̀ nɨ chɨ̀ əwa rəŋgəʼ nyaʼa ghɨ̀ ni bə̂d kyerɨ rəsìʼ we ɨchî nɨ wɨ̀ nyaʼa zɨ ɨkə̂n we ɨŋga tum rɨkyerɨ-ɨbɔ.

Lk 12:41

Pità nyaʼa biirɨ əmbɨ Yeso ni, “Ə̀nùŋɨ̀sɨg, à wa kɨə ghà ənû ə mɨgɨ zɔ̂ ɨ na, kɨ̀ à kɨə ghà əmbɨ wə̀d jìm ə?”

Lk 12:49

“Mə nyaʼa yeʼe ɨ chuʼ ɨwid ɨgwɨ ə si, əne mə kàŋ kəʼ kə̀b ni njɨ ɨ wɨə sɨə berɨə!

Matìyò 23:14

[Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə tambɨə mɨku əyi ɨmbə̀ʼ fe ɨghɨ mɨ̀mə̌d. Mbə mɨ nɨə ghɨ̀ əne, mbə sɨ bègrɨ̀ kɔ̀ŋgɨ̀ ə Ŋwiə̀ ənɨ əgha ə se. Ŋwiə̀ bɨrɨ zɨ ɨsaʼi nɨ chè əbɔ ɨgwɨ nən.]