Lk 11:4 - Meta’

⁴ Waʼ mba ɨnû rɨbɔ̀ŋ, ɨmbə̀ʼ ɨghəm nɨ tɨ̀ wɨə waʼ ɨnû rɨbɔ̀ŋ wə̀d jìm we nɨ gu ənû ɨ na. Tɨrə̀ ben e ni ənû ə mɔʼɔ ə numbɨ əwa.'”

Ikan feg

⁴ Waʼ ìmba inug tibɔ̀ŋ icheg ne te bə̀ wàʼa inug tibɔ̀ŋ abə bəd mbe ne bə̀ gùghə̀ inug ina. Imbə̀ʼ àghò bḛ awe gha, àkwàʼrì ne ka nyi igun ina.›”

Lk 11:4 Referans Kwoze

Matìyò 26:41

Mbə̀ chub ɨkyèʼe kɔ̀ŋgɨ̀ ə Ŋwiə̀ ni tɨ ənû ə mɔʼɔ numbɨ i əwən. Fîŋ zɨə kə̀b ni mbə̀ ghɨ ənû nɨ kuʼnɨ, àyɨə nyamnyod ə bɔd.”

Kòlosè 3:13

Əne mbə̀ yim fîŋ mbənə mbənə bə̀ waʼ tɨ̀gurɨ-ɨnû wə̀d we nɨ gu ənû əmbɨ aŋgɔb. Ɨchî nɨ Ə̀nùŋɨ̀sɨg fə waʼ mbə ɨgu ɨnû, əne bə̂, mbə berɨ bɨ waʼ mbɨ bə̂d cherə.

Matìyò 18:35

“À yɨ ɨchî nɨ mɨ Mbǎʼ rɨkaŋ bɨrɨ ghɨ̀ mbɨ wə̀d mɔʼ mɔʼ rəbɔʼ nən əwù ze nɨ chəi mbə̀ waʼ ɨnû rɨbɔ̀ŋ wən aŋgɔb ənɨ tə fîŋ jìm.”

Jems 2:13

ɨmbə̀ʼ ɨghəm nɨ ənɨ Ŋwìə̀ ə saʼə bə̂d, chəi wɨ̀ bɨrɨ diirɨ mbe nɨ chəi mbɨə bə̀ dììrɨ mbɨ cherə. Wə̀d mɨ yeʼə dììrɨ̀ə̀ bə̂d, Ŋwìə̀ bɨrɨ bɨ diirɨ əməd ənɨ ə nyùmə̀ we nɨ wɨə sob mɨsaʼi.

2 Timotì 4:18

Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.

2 Tès 3:3

Àyɨə Ə̀nùŋɨ̀sɨg Yeso wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ tə fîŋ kaanə bə̀ kən əwən rɨ əmbɨ Satàn Wə̀d Ɨnû Rɨbɔ̀ŋ.

1 Kɔrèn 10:13

Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

Jn 17:15

Chəi mə̀ gha ni à chɨ mɨ̀mə̌d rɨŋga ɨsɨg. Mə ghà yeʼ ni à kən mɨ̀mə̌d tɨ əmbɨ ə wə̀d rɨ̀bɔ̀ŋ.

Lk 22:46

Wɨ̀ nyaʼa zə əne, ghà əmbɨ mɨ̀mə̌d ni, “Mbə kɨə gwen ɨmbə̀ʼ ə ye ə? Mbə nɔʼ kɔ̀ŋgɨ̀ ə Ŋwiə̀ ni tɨ ə̀kwàʼnɨ̀ ə nyɨ i ɨgwɨ nən.”

Lk 8:13

Ɨghɨ mbe nɨ nyaʼa feŋ ɨgun ɨwɔ̌ yɨə bə̂d mbe nɨ ənɨ mbɨ fə zu ɨŋgam we, mbɨ nɨŋ ənɨ ɨghaʼi. Àyɨə chəi wɨ nyɨ ɨŋga fîŋ tɨ mɨ̀mə̌d. Ɨ mbɨə ben ɨŋgam we ənɨ ɨkə nyùmə̀, àyɨə ənumbɨ ə mɨ yeʼe, mbɨ chɨ̀ tə fîŋ tɨ ənɨ ənû ze nɨ mbɨ benɨ.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

Lk 11:5

Yeso nyaʼa yì ghà əmbɨ mbi mə̀mə̀ə̀nɨ̀-ɨnû ni, “À mɨ yeʼ nɨ wə̀d mɔʼɔ rəbɔʼ nən berɨ i sə̀ʼ nɨ wɨ̀ wo əsɨ məd ɨzimɨ ka, pè gha ɨ bɔ ni, 'Mɨ sə̀ʼ, chɔʼ chiŋ ŋgə̀ŋ rɨtad naʼ i num,

Lk 13:4

Mbə bə̀ kɔn ni ye ɨmbə̀ʼ bə̂d mbe wum chɔ̀b famɨ nɨ nəb ɨkaŋ ze rɨ ə Silòàm nyaʼa su ɨgwɨ mɨ̀mə̌d zwiirɨ ə? Mbɨ wa nyaʼa gu ənû nɨ bə chè mbɨ bə̂d mɨjìm mbe nɨ nyaʼə chub ə Jèrusalèm ə?