Lk 10:41 - Meta’

⁴¹ Àyɨə Ə̀nùŋɨ̀sɨg nyaʼa wììrɨ̀ ɨ bɔ ni, “Màta, Màta! À wɨə nwìʼ ɨnyod əku bə̀ zəə ŋgəʼ ɨmbə̀ʼ ɨnû nɔnɔʼ.

Ikan feg

⁴¹ Anɔŋisəg ya ywìtì ibo gha, “Màta, Màta! Àghò we nwìʼè nyɔd bə̀ zə̰ ngəʼ ako imbə̀ʼ inug nɔʼ nɔʼ.

Lk 10:41 Referans Kwoze

Fìlipì 4:6

Tɨ mbə̀ nwìʼ ə ɨnyod ɨmbə̀ʼ ənû ə mɔʼɔ, àyɨə mbə kɔŋgɨ ə Ŋwiə̀ ɨmbə̀ʼ ɨnû jìm, nɔn ɨnû jìm mbe nɨ mbə kwaŋɨ bə̀ nàʼ məben-əwe ɨ bɔ.

Lk 21:34

“Mbə̀ we ə ni tɨ mbə̀ zɨ ə tə fîŋ ənɨ ənû nɨ jɨg əku, ənɨ ənû nɨ nɔ be bə̀ fɔrɨ ənɨ ənû ɨmbə̀ʼ ɨghɨ rɨŋga ɨsɨg, njɨ əni ze ə bɨrɨ saʼ yeʼe ɨgwɨ nən ɨchî nɨ ətam ə gywɨ̀ə̀ nyam,

Mk 4:19

ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg, ənû nɨ berɨ mbɔ̂n, fɔrɨ ənû nɨ feenɨ ɨghɨ nɔnɔʼ, mbɨ fumnɨ ɨŋgam we, chəi wɨ kɔ rɨtam.

Lk 12:22

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Mə ghà ɨ nən ni tɨ mbə̀ nwìʼ ə ɨnyod ɨmbə̀ʼ ə ɨ̀tènɨ̀, ni mbə̀ kɨə wo jɨg ye, kɨ̀ ɨmbə̀ʼ ə nyamnyod, ni mbə̀ kɨə wo zɨ ye,

Lk 8:14

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨə bə̂d mbe nɨ fə zu ɨŋgam we, àyɨə ɨchî nɨ mbɨə yènə̀ wòə̀, ɨnû ɨmbə̀ʼ ɨghɨ rɨŋga ɨsɨg, ənû nɨ zɨ fîŋ ənɨ ɨkab mbɨ ɨnû nɨ ghɨ ɨnû mbe nɨ nyamnyod ə feenɨə, mbɨ yeʼe nib ɨghɨ mbe, ghɨ̀ chəi ɨbenɨ mɨ̀mə̌d kaanə.

Lk 10:38

Ənɨ Yeso mbɨ mbi mə̀mə̀ə̀nɨ̀-ɨnû nyaʼə yènə̀ wòə̀, wɨ̀ nyaʼa wò pè ɨŋga əsɨ ə mɔʼɔ. Əyi mɔʼɔ nɨ ɨkum məd nyaʼə Màta, nyaʼa nɨŋ Yeso ɨŋga i nəb.

Lk 10:40

àyɨə Màta wɨə nyaʼə nwìʼ ɨnyod tə̀zìʼ wi ɨmbə̀ʼ tekɨ ɨghɨ əmbɨ mɨ̀mə̌d. Əne wɨ̀ nyaʼa wò ghà əmbɨ Yeso ni, “Ə̀nùŋɨ̀sɨg, à rɨ wa zə e ni wum aŋgɔb fə sàŋ əmɨ ni mə tekɨ ɨghɨ mbɔ̂ tə̀zìʼ ə? Gha ɨ bɔ ni wɨ̀ yeʼe wèèrɨ̀ əmɨ.”

Jn 11:1

Mbaŋə̀ mɔʼɔ nɨ ɨkum məd nyaʼə Lazarɔ̀s nyaʼə wɔ̀nə̀. Wɨ̀ nyaʼə chub ə Betanì mbɨ ti njàbɨ nɨ tɨkum tɨ mɨ̀mə̌d nyaʼə Mèri mbɨ Màta.

Jn 11:5

Yeso nyaʼa ghaʼ ə Màta, ghaʼ aŋgɔb məd bə̀ ghaʼ ə Lazarɔ̀s.

Jn 12:2

Bə̂d mɔʼɔ rɨŋga əsɨ ze nyaʼa tekɨ ɨghɨjɨg ɨ bɔ əŋgu. À yɨə Màta nyaʼə nàʼ ɨghɨjɨg mbe əmbɨ ə bə̂d. Lazarɔ̀s yɨ wɨ mɔʼɔ rəbɔʼ bə̂d mbe nɨ nyaʼa chubɨ ɨ jɨg mbɨ məd.