Kòlosè 4:18 - Meta’

¹⁸ Àyɨə mɔ̌, Pɔ̂l ŋwàʼnɨ̀ ə̀chàʼrɨ̀ zɔ̂ ənɨ mɨ əbɔ. Mbə̀ kɔndɨ ɨchî nɨ mbɨ kod əmɨ ənɨ mɨ̀kàrə̀. Ŋwìə̀ ghɨ ɨ̀chɔ̀m ənɨ ə nən.

Ikan feg

¹⁸ À ya mo Pɔl ŋwàʼri ichaʼri gho̰ kwàʼ ane àmə abo. Mbə̀ wendi gha mo we inga nəb ndəŋ. Ŋwiye ghiyə ìchɔ̀mì inən.

Kòlosè 4:18 Referans Kwoze

Mə̀Hibrù 13:3

Mbə̀ kɔndɨ bə̂d mbe nɨ yeʼ ə nəb ndəŋ, ɨghabɨ ni mbə mbɨ ə nəb ndəŋ mbɨ mɨ̀mə̌d. Mbə̀ kɔndɨ mbe nɨ mbɨə chəə mɨ̀mə̌d, ɨghabɨ ni mbə mbɨə zəə ŋgəʼ mbɨ mɨ̀mə̌d. Mbə̀ ghɨ̀ əne ɨmbə̀ʼ ɨghəm nɨ mbə̀ yɨə sɨə nyamnyod mɔʼ mbɨ mɨ̀mə̌d.

2 Timotì 4:22

Ə̀nùŋɨ̀sɨg chubɨ mbɨ e əzwî. Ŋwìə̀ ghɨ ɨ̀chɔ̀m ənɨ mbə̀n mɨjìm.

1 Timotì 6:21

Bə̂d mɔʼɔ mbɨə ghàə̀ ni mbə berɨ ɨwe, əze ə fə ghɨ ni mbɨ waʼ ɨbenɨ we nɨ mbe nyaʼa be berɨ. Ŋwìə̀ ghɨ ɨ̀chɔ̀m ənɨ mbə̀n mɨjìm.

1 Kɔrèn 16:21

À yɨə mɔ̌ Pɔ̂l kaŋ ŋwaʼnɨ ə̀chàʼrɨ̀ zɔ̂ ənɨ mɨ əbɔ.

Mə̀Hibrù 13:25

Ŋwìə̀ ghɨ ɨ̀chɔ̀m ənɨ mbə̀n mɨjìm. À yɨ əne.

Tayitùs 3:15

Bə̂d mɨjìm mbe nɨ yeʼ əgha mbɨ num chàʼrɨ̀ əwe. Bə chàʼrɨ̀ bə̂d Kristo mɨ̀jìm mbe nɨ ghaʼ əwa. Ŋwìə̀ ghɨ ɨ̀chɔ̀m ənɨ mbə̀n mɨjìm.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

Fìlipì 1:7

Zɨə kàŋ kùʼ ni mə̀ kɔndɨ əne ɨmbə̀ʼ mbə̀n mɨjìm, ɨmbə̀ʼ ɨghəm nɨ mə kàŋ ghaʼ əwən əku. Ŋwìə̀ wɨə ghɨ̀ ɨ̀chɔ̀m ənɨ mba mɨjìm ɨchî nɨ tɨə fàʼ ɨ bɔ. Ɨ wɨə ghɨ̀ əne ənɨ mə̀ yeʼ ə nəb ndəŋ, ənɨ mɨə ghà ni ɨkə̂n chɔ̀m yɨ ənû rəsìʼ kaʼi mɨghab bə̀ fɔrɨ ənɨ mə nyaʼə ghɨ̀ə̀ ni bə̂d ben ɨnû mbe nɨ yeʼ ɨŋga ɨkə̂n chɔ̀m.

2 Tès 3:17

À yɨə mɔ̌ Pɔ̂l ŋwaʼnɨ ə̀chàʼrɨ̀ zɔ̂ ənɨ mɨ əbɔ. Əzɔ̂ yɨ ənweenɨ nɨ mɨə zɨ ɨgun ɨ̀ŋwàʼnɨ̀ jìm mbe nɨ mɨə ŋwàʼnɨ̀ə̀. Əzɔ̂ yɨ mɨ əbɔ ə̀ŋwàʼnɨ̀.

Kòlosè 4:3

Mbə̀ bə kɔŋgɨ ə Ŋwiə̀ ə ɨgwɨ na, ɨmbə̀ʼ wɨ̀ naʼ əpan ni tɨ̀ gha ɨnû mbe nɨ yeʼ ənə̀mə ɨmbə̀ʼ ə Kristo. À yɨ ɨnû mbe ghɨ ni mə̀ yeʼ ə nəb ndəŋ.

2 Kɔrèn 13:14

Ɨ̀chɔ̀m Ə̀nùŋɨ̀sɨg Yeso Kristo, ɨghaʼi Ŋwiə̀ mbɨ ɨfɔtɨ we nɨ tɨ̀ berɨ mbɨ Əzwî ə Zeŋɨ yeʼ mbɨ mbə̀n mɨjìm.

Rm 16:23

Gayùs, nɨ mɨə chub əkwɨ məd mbɨ ə bə̂d Kristo mbe nɨə fetɨ ɨŋga nəb məd bə̀ chàʼrɨ̀ əwən. Erastùs, nɨə nuŋ ɨkab ɨŋga əsɨ zɔ̂ mbɨ Kwatùs, wa aŋgɔb, bə̀ chàʼrɨ̀ əwən. [

Rm 16:20

Ŋwiə̀ we nɨə nàʼ əbɔrəbɔd bɨrɨ zambɨ baŋ ə Satàn, əne ghɨ̀ ni mbə̀ berɨ ɨka ɨgwɨ məd. A Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən.

Rm 16:22

Mɔ̌ Tetiùs, nɨ ŋwaʼnɨ ə̀ŋwàʼnɨ̀ zɔ̂, ə bə̀ chàʼrɨ̀ əwən ənɨ ɨkum Ə̀nùŋɨ̀sɨg.