Kòlosè 3:1 - Meta’

¹ Ŋwìə̀ mɨ fə zwemnɨ əwən mbɨ Kristo, əne mbə̀ sɨ kɔ kəb yeʼ ɨghɨ mbe nɨ yeʼ ɨkaŋ, əsɨ ze nɨ Kristo chub əbà əbɔ ə jɨg ə Ŋwiə̀.

Ikan feg

¹ Icheg ne Ŋwiye fə zwemni awən ane iwu tì Kristo, mbə̀ si nɔ̀ŋì ìtən fìŋ igun ighi mbe ne yaʼi ikaŋ àbɔ̀ŋɔ, igun asiŋi ne Kristo chughi angu aba abo jəghi Ŋwiye.

Kòlosè 3:1 Referans Kwoze

Rm 8:6

Wə̀d mɨ nuŋ fîŋ ɨgwɨ ɨghɨ mbe nɨ nyamnyod ə feenɨə, wɨ̀ bɨrɨ kwɨ, àyɨə wɨ̀ mɨ nuŋ fîŋ yeʼ ɨgwɨ ɨghɨ mbe nɨ Əzwî ə nàʼə̀, wɨ̀ bɨrɨ jɨg ɨ̀tènɨ̀ bə̀ chub ənɨ əbɔrəbɔd.

Matìyò 6:33

Àyɨə mbə̀ be kə̀b yeʼ ənû ɨfɔ̀n əməd bə̀ ghɨ̀ ɨnû nɨ kuʼnɨ, əne wɨ̀ bɨrɨ bɨ naʼ ɨghɨ mbɔ̂ jìm ɨ nən.

2 Kɔrèn 4:18

Əne yɨ ni chəi tɨə nèŋ ɨghɨ mbe nɨ bə̂d ə zəə. Tɨ̀ wɨə nèŋə̀ yeʼ mbe nɨ chəi ənɨ tɨ̀ bə̂d zə, ɨmbə̀ʼ ɨghəm nɨ ka ɨghɨ mbe nɨ bə̂d ə zəə bɨrɨ tandɨ i, àyɨə mbe nɨ chəi ənɨ tɨ̀ bə̂d zə bɨrɨ ten i koŋ.

Kòlosè 3:2

Mbə̀ nuŋ tə rɨkɔndɨ àmei ɨgun ɨghɨ mbe nɨ yeʼ ɨkaŋ, kaʼi ɨgun mbe nɨ yeʼ ə si.

Matìyò 6:20

Mbə̀ nuŋ ə mbɔ̂n yeʼ ɨkaŋ, nɨ yeʼ əsɨ nɨ ka ɨsəʼɨ kɨ̀ chə̂b bɨrɨ chəkɨ i, bə̀ yeʼ əsɨ nɨ ka mɨjɨ bɨrɨ toʼ ə.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Lk 12:33

Mbə̀ fendɨ mbə ɨghɨ, nàʼ ɨkab we əmbɨ ə bə̂d ɨkwaŋ. Mbə berɨ tɨtagɨ nɨ ka tɨ bɨrɨ nun i. Mbə̀ bə̀ nùŋ ə mbɔ̂n ɨkaŋ əsɨ ze nɨ chəi zɨ̀ bɨrɨ mì, nɨ chəi ənɨ tɨ̀ ɨjɨ tindɨ ɨban bə̀ fɔrɨ ənɨ chəi ənɨ tɨ̀ ɨsəʼɨ chə̀kɨ̀.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Lk 22:69

Àyɨə ɨ kɔ rɨ̀nîn wò ɨmbì, Wan Wə̀d bɨrɨ chub əbà əbɔ ə jɨg ə Ŋwìə̀ we nɨ berɨ ɨka jìm.”

Kòlosè 2:20

Mbə mɨ fə kwɨ mbɨ Kristo, əne wɨ̀ fə chɨ̀ əwən rɨ əton ɨka we nɨ ɨzwî rɨbɔ̀ŋ mbe rɨŋga ɨsɨg berɨ ɨgwɨ nən. À kɨə ye sɨ ghɨ ni mbə̀ chub ɨghabɨ bə̂d nɨ kɨrɨ ɨŋga ɨsɨg ə? Mbə kɨə zuunɨ rɨkə te rɨŋga ɨsɨg ɨmbə̀ʼ ə yè ə? Tɨ mɔʼɔ rəbɔʼ yɨ ni:

Mə̀Hibrù 8:1

Ənû ə kyeŋ nɨ yeʼ ɨŋga ənû zɔ̂ yɨ ni, tɨ̀ berɨ ətu ɨgwɨ ə bə̂d mbàn Ŋwìə̀ nɨ yeʼ ɨghabɨ wɔ̂ nɨ tɨ̀ gha ɨmbə̀ʼ əməd. Ɨ wɨ ɨkaŋ əbà əbɔ ə jɨg ətən ɨfɔ̀n ə Ŋwiə̀ Ə̀chè-ɨsɨg.

Rm 8:34

À kɨə we nɨ bɨrɨ gha ni mbɨ fə gù ɨsaʼi ə? À wa kɨə Kristo Yeso nɨ nyaʼa kwɨ, ee, nɨ Ŋwìə̀ nyaʼa zwemnɨ, nɨ chub əbà əbɔ ə jɨgɨ ə Ŋwiə̀, kɔ̀ŋgɨ̀ əməd ɨgwɨ mba ɨtu ə?

Mə̀Hibrù 10:12

Àyɨə ənɨ Kristo nyaʼa naʼ əghɨ ə̀fà fən ɨghəm mɔʼ ɨmbə̀ʼ nimnɨ ɨnû rɨbɔ̀ŋ, wɨ̀ nyaʼa chub əbà əbɔ ə jɨg ə Ŋwiə̀.

Matìyò 26:64

Yeso nyaʼa wììrɨ̀ ɨ bɔ ni, “À fə ghà əne. Àyɨə mə ghà ɨ nən ni, ɨ kɔ rɨ̀nîn, mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə yeʼe ɨgwɨ ə pàʼ.”

Efesùs 4:10

We nɨ nyaʼa swiʼi yɨə bə we nɨ nyaʼa wo chè rɨkaŋ jìm. Wɨ̀ nyaʼa wò ɨmbə̀ʼ ghɨ ni ɨghɨjìm bɔŋ ə màànɨ̀.

Mk 14:62

Yeso nyaʼa wììrɨ̀ ni, “Mə yɨ wɨwən. Əne mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə swiʼ ɨŋga pàʼ.”

Mə̀Hibrù 1:13

À kɨ əmbɨ aŋgɨrə̀ wi nɨ Ŋwìə̀ nyaʼa kweʼ ghà ni, “Chub ənɨ mɨ əbɔ ə jɨgɨ pè ənɨ mə baŋ mbe bə̂d pə̀n əne ghɨ̀ ni mbɨ yeʼ ɨghɨ nɨ à bɨrɨ teerɨ mbe ɨwu ɨgun ə”?

Ɨ̀fàʼì 2:34

Chəi Dèvîd nyaʼa wo ɨkaŋ, àyɨə wɨ̀ nyaʼa ghà ni, Ə̀nùŋɨ̀sɨg ə ghà əmbɨ mɨ Ə̀nùŋɨ̀sɨg ni chub ənɨ mɨ əbɔ ə jɨgɨ

Lk 20:42

Dèvîd ziə nyaʼa ŋwàʼnɨ̀ ɨŋga ə̀ŋwàʼnɨ̀ ə mɨ̀Sâm ni, 'Ə̀nùŋɨ̀sɨg nyaʼa ghà əmbɨ mɨ Ə̀nùŋɨ̀sɨg ni, Chub ənɨ mɨ əbɔ ə jɨgɨ,

Mk 16:19

Ənɨ Ə̀nùŋɨ̀sɨg Yeso nyaʼa fə ghàm əmbɨ mə̀mə̀ə̀nɨ̀-ɨnû mbe, Ŋwìə̀ nyaʼa nɨŋ əməd ɨkaŋ, wɨ̀ pè chub əbà əbɔ ə jɨgɨ ə Ŋwiə̀.

Mk 12:36

Əzwî ə Zeŋɨ ə nyaʼa fe ə Dèvîd wɨ̀ ghà ziə ni, 'Ə̀nùŋɨ̀sɨg nyaʼa ghà əmbɨ mɨ Ə̀nùŋɨ̀sɨg ni, Chub ənɨ mɨ əbɔ ə jɨgɨ, pè ənɨ mə̀ nuŋ mbe bə̂d pə̀n əton mbe ɨwu.'

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

Ɨ̀fàʼì 7:55

Àyɨə Stɨfɨ̀n, nɨ Əzwî ə Zeŋɨ ə nyaʼa swi ɨŋga məd, nyaʼa neŋ ɨkaŋ zə ɨzeŋɨ zeŋɨ Ŋwiə̀ bə̀ zə ə Yeso nɨ nyaʼa təm əbà əbɔ ə jɨgɨ ə Ŋwiə̀.

Matìyò 22:44

'Ə̀nùŋɨ̀sɨg nyaʼa ghà əmbɨ mɨ Ə̀nùŋɨ̀sɨg ni, chub ənɨ mɨ əbɔ ə jɨgɨ, pè ənɨ mə̀ nuŋ mbe bə̂d pə̀n əton mbe ɨwu.'

Efesùs 5:22

Məyi, mbə̀ zuunɨ mbə mɨnom ɨchî nɨ mbə̀ə zuunɨ Ə̀nùŋɨ̀sɨg,