Kòlosè 2:13 - Meta’

¹³ Ənɨ mbə̀ nyaʼa fə kwɨ ɨmbə̀ʼ mbə ɨnû rɨbɔ̀ŋ fɔrɨ ɨmbə̀ʼ ɨchî nɨ chəi mbɨ nyaʼa kɨrɨ ne əwən ənɨ mbə̀ nyaʼa kɨrɨ ghɨ ɨnû rɨbɔ̀ŋ, Ŋwìə̀ nyaʼa waʼ ta rɨ̀gùrɨ-ɨnû jìm, əne ghɨ̀ mbə chub ɨka mbɨ Kristo.

Ikan feg

¹³ Chəyi mbi ya kiri ŋwed ìtən nyàmnyɔd anyumə̀ we ne mbə yaya kiri iwu bəd anjìm ìmbən inug tibɔ̀ŋ. Si ya gha, Ŋwiye ya ghì mbə si bèrì ìtḛ̀ feg icheg ne mbə̀ yaʼi ane ifɔti tì Kristo. Wì ya waʼ ìmba inug tibɔ̀ŋ mba məjìm.

Kòlosè 2:13 Referans Kwoze

Efesùs 2:1

Mbə nyaʼa fə kwɨ ɨmbə̀ʼ tə rɨ̀gùrɨ-ɨnû. Mbə fə bə̀ kwɨ ɨmbə̀ʼ mbə ɨnû rɨbɔ̀ŋ.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

2 Kɔrèn 5:19

Əne yɨ ni, Ŋwiə̀ nyaʼa chè ənjìm ə Kristo màànɨ̀ taŋ mbɨ ə bə̂d ɨmbə̀ʼ mbɨ yeʼ bə̂d ɨməd. Chəi wɨ̀ nyaʼa taŋ tɨ̀gurɨ-ɨnû bə̂d ɨgwɨ mɨ̀mə̌d. Wɨ̀ nyaʼa zɨ̀ ɨkə̂n ɨmbə̀ʼ ənû nɨ maanɨ taŋ ɨŋga ta rɨkyerɨ-ɨbɔ ni tɨ sɨə ghà əmbɨ ə bə̂d.

Efesùs 2:11

Mbə̀ kɔndɨ ni à nyaʼa ənɨ ə nyùmə̀ mɔʼɔ, “Bə̂d mbe nɨ mbɨ nyaʼa ne mɨ̀mə̌d” mbɨə nyaʼə tɔŋə mbə̀n bə̂d mbe nɨ kaʼi bɔn tɔb si mɨ̀Jû ni, “Bə̂d nɨ chəi mbɨ ne mɨ̀mə̌d,” nɨ yeʼ ɨkwɨ we nɨ bə̂d ə ghɨ̀ ənɨ ɨbɔ.

Lk 15:32

Àyɨə zɨə nyaʼa kùʼ ni tɨ̀ ghɨ ɨghaʼi, ɨmbə̀ʼ ɨghəm nɨ we aŋgɔb wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.'”

Lk 15:24

ɨmbə̀ʼ ɨghəm nɨ mɨ wan wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.' Mbɨ nyaʼa ghɨ̀ əne kɔ jɨgə ghaʼə.

Jems 2:26

Ɨchî nɨ nyamnyod nɨ chəi əzwî yɨ ətu ə̀kǒ, əne bə̂, ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ.

Efesùs 5:14

ɨmbə̀ʼ ɨghəm nɨ ɨghɨjìm mbe nɨ bə̂d ə zəə yɨ mbe nɨ ɨzeŋɨ zeŋɨ ə te ɨgun. À yɨ əton nɨ mbɨ ŋwaʼnɨ ni, “Wə̀d we nɨə gwenə, nɔʼ rɨ əŋgwenɨ zwemə, əne ɨzeŋɨ zeŋɨ Kristo bɨrɨ te ɨgwɨ ne.”

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.

Rm 6:13

Tɨ mbə̀ ben ə ni mbə ɨsɨ ɨnyod mɔʼɔ ghɨ ɨnû rɨbɔ̀ŋ. Əze ə bɨrɨ yeʼ ɨghabɨ ɨghɨ ə̀fàʼì nɨ mbə̀ə ghɨ̀ ɨnû ɨzɨg əŋgu. Àyɨə mbə̀ ben ni ə ɨnyod yeʼ əmbɨ ə Ŋwiə̀ ɨghabɨ ə bə̂d nɨ fə kwɨ wɨrɨ yeʼ ɨkǎ. Mbə̀ ben ni mbə ɨsɨ ɨnyod yeʼ əmbɨ ə Ŋwiə̀ ənɨ ɨghɨ ə̀fàʼì nɨ kùʼnɨ̀.

1 Jɔn 2:12

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ Ŋwìə̀ fə waʼ mbə ɨnû rɨbɔ̀ŋ ɨmbə̀ʼ ə Kristo.

1 Kɔrèn 15:36

Àwɔ̀ yɨ əneŋ! À mɨ kon fɨtam, ka fɨ bɨrɨ gwed i kɨrɨ ənɨ fɨ fə bè kwɨ.

Jn 5:21

Ɨchî nɨ Mbǎʼ ə zwemnɨ ə bə̂d bə̀ nàʼ ɨ̀tènɨ̀ əmbɨ mɨ̀mə̌d yɨə bə ɨchî nɨ Wan ə nàʼ ɨ̀tènɨ̀ əmbɨ wə̀d we nɨ wɨ̀ ghaʼi.

Lk 9:60

Yeso nyaʼa wììrɨ̀ ɨ bɔ ni, “Saŋ ɨvɨ bə̂d tweŋ mbə ɨvɨ bə̂d. À yeʼ ɨmbə̀ʼ əwe, ndə̀ wo saʼ ni ənû ɨfɔ̀n ə Ŋwiə̀ ə zɨə yeʼe.”

Mə̀Hibrù 6:1

Tɨ̀ saŋ ɨnû mbe nɨ tɨ̀ nyaʼa be kwembɨ ɨmbə̀ʼ ə Kristo, əne wò ɨmbì kwembɨ mbe nɨ fə kaanɨ. Tɨ rɨ wɨrɨ gha a ɨnû rɨtu mbe ni bə̂d beŋ tə fîŋ tɨ ənɨ ɨnû mbe nɨə zwiirɨə bə̂d mbɨ ni bə̂d nuŋ fîŋ ɨgun ə Ŋwiə̀.

1 Timotì 5:6

Àyɨə ɨku əyi we nɨə jɨg ɨsɨg fə kwɨ, ka à bè yeʼi ni ɨ wɨə kɨrɨ ɨkǎ.

Rm 4:17

Ə zɨ ɨŋga Ə̀ŋwàʼnɨ̀ ə Ŋwiə̀ ni Ŋwìə̀ nyaʼa ghà əmbɨ Abràham ni, “Mə fə ghɨ̀ e ənɨ ə mbǎʼ ɨgwɨ ɨbeŋ nɔnɔʼ.” Abràham yɨ a mbǎʼ ɨfě Ŋwiə̀ we nɨ wɨ̀ nyaʼa nuŋ fîŋ ɨgwɨ məd. Məd yɨə Ŋwìə̀ we nɨə nàʼ ɨ̀tènɨ̀ əmbɨ ɨvɨ bə̂d. Məd wɨə bə̀ ghàə̀ ni ɨghɨ mbe nɨ chə nyaʼa i mbɨ yeʼ əŋgu.

Jn 6:63

À yɨ Əzwî ə Ŋwiə̀ ə nàʼ ɨ̀tènɨ̀. Chəi ənɨ tɨ wə̀d mɨ̀sɔŋɨchù nàʼ ɨ̀tènɨ̀. Mɨŋgam mbe nɨ mə̀ fə gha ɨ nən yɨ rɨ əmbɨ Əzwî ə Ŋwìə̀. Ɨ mbɨə bə̀ nàʼ ɨ̀tènɨ̀.

Jems 2:20

Ənêŋ! À wa kəb ni mbɨ chwi ɨ ne ni ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ ə?

Jems 2:17

Əne ɨbenɨ tə̀zìʼ wi nɨ chəi ɨnû chɔ̀m mbe nɨ wə̀d ə ghɨ̀ə̀ əbɔʼ yɨ ətu ə̀kǒ.

1 Timotì 6:13

Ɨfě Ŋwìə̀ we nɨə nàʼ ɨ̀tènɨ̀ əmbɨ ɨghɨjìm fɔrɨ ɨfě Kristo Yeso we nɨ nyaʼa gha rəsìʼ ɨfě Pontiùs Pailèt, mə ghà ɨ ne ni,

Kòlosè 2:12

Mbɨ nyaʼa fə tweŋ əwən mbɨ Kristo ənɨ ə nyùmə̀ we nɨ mbə̀ nyaʼa nɨŋ mɨnib. Ŋwìə̀ fə bə zwemnɨ əwən mbɨ məd ənjìm ɨchî nɨ mbə̀ ben ni məd ə berɨ ɨka nɨ ghɨ əne. À yɨə məd nyaʼa zwemnɨ ə Kristo.