Kòlosè 1:25 - Meta’

²⁵ Ŋwìə̀ nyaʼa fə nàʼ ɨka ɨ num ni mə̀ faʼ əmbɨ ɨfetɨ we, ɨmbə̀ʼ mə̀ ghɨ ni mbə̀ jeŋgɨ kyerɨ ɨŋgam məd.

Ikan feg

²⁵ Mo ya wə̀d àfàʼì abə ifeti bəd Kristo icheg ne Ŋwiye ya chɔʼi amə chà, gha mə̀ taŋ tòʼrì inug ijìm mbe ne yaʼi inga Ìngam Ŋwiye inən, mbə̀ taŋ kyèri.

Kòlosè 1:25 Referans Kwoze

Efesùs 3:2

Mə kyerɨ ni mbə fə zu ɨmbə̀ʼ ə̀fàʼì ze nɨ Ŋwìə̀ chɔʼ əmɨ naʼ ɨ num. Wɨ̀ nyaʼa chɔʼ əmɨ ni mə̀ gha ɨmbə̀ʼ ɨ̀chɔ̀m we nɨ wɨ̀ ghɨ ənɨ ə nən.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

1 Kɔrèn 9:17

Mə mɨ yeʼə ghà ɨkə̂n chɔ̀m ənɨ mɨ ɨghəm, njɨ mə bɨrɨ kəb ɨchɔʼ ə̀fàʼì. À mɨ yeʼ nɨ chəi mɨə ghà ənɨ mɨ ɨghəm, njɨ mə wɨə ghɨ̀ yeʼ ənû ze nɨ Ŋwìə̀ zɨ ɨŋga tum rɨkyerɨ-ɨbɔ.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

Efesùs 3:7

Mə wɨə fàʼə̀ nɨ ghà ɨkə̂n chɔ̀m wɔ̂ ənjìm ɨ̀chɔ̀m Ŋwiə̀ we nɨ wɨ̀ che ənjìm ɨka məd nèʼ əmɨ əŋgu.