Jn 7:37 - Meta’

³⁷ À nyaʼa əni ze nɨ sɨ nwìə̀, nɨ nyaʼa əni ə kyeŋ ənɨ mbɨ nyaʼə jɨg əchwɨ̂ ze, Yeso nyaʼa nɔ̀ʼ təm rətiə ghàm rɨ̀kǎ ni, “Ədɔʼ ə mɨ ne wə̀d mɔʼɔ, wɨ̀ yeʼe əsɨ num mə̀ naʼ mɨnib ɨ bɔ wɨ̀ nɔ.

Ikan feg

³⁷ Igun aneg kyen ze ne iteri ya se mèghè, Yeso ya nɔ̀ʼ təm ghàm ane gì ka ka gha, “Wə̀d ne adɔʼ mənib ze ko aməd, tengàŋ yèʼe inum mə biri nàʼ mənib ibo.

Jn 7:37 Referans Kwoze

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 6:35

Yeso nyaʼa ghà əmbɨ mɨ̀mə̌d ni, “Mɔ̌ yɨə ŋgə̀ŋ ze nɨə nàʼ ɨ̀tènɨ̀. Kaʼ njì bɨrɨ nɔ wɨrɨ zaŋ i wə̀d we nɨ yeʼe əsɨ num. Kaʼ ədɔʼ ə mɨnib ə bɨrɨ wɨrɨ nɔ ne i wə̀d we nɨ ben ənû ze nɨ mɨə ghàə̀.

Ɨnû 22:17

Əzwî mbɨ Ɨgən ghà ni, “Yeʼe!” Wə̀d jìm we nɨ zu gha ni, “Yeʼe!” Wə̀d jìm we nɨ ədɔʼ ə ne əməd yeʼe. We nɨə kəb mɨnib, yeʼe nɔ mɨnib mbe nɨə nàʼ ɨ̀tènɨ̀, nɨ chəi wɨ̀ bɨrɨ naʼ ɨkab.

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Ɨnû 21:6

Wɨ̀ nyaʼa ghà ɨ num ni, “Ɨnû jìm fə mì i! Mɔ̌ yɨə Alfà mbɨ ə Omegà. Mɔ̌ yɨ ɨkɔ bə̀ yeʼ ɨnwǐ. Mə bɨrɨ naʼ mɨnib rɨ ənɨ jwɨ̀-əmboŋ we nɨ mɨnib məd ə nàʼ ɨ̀tènɨ̀ əmbɨ wə̀d we nɨ ədɔʼ ə ne əməd. Wɨ̀ bɨrɨ nɨŋ əko nɨ chəi wɨ̀ naʼ ɨkab.

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

Jn 6:55

ɨmbə̀ʼ ɨghəm nɨ mɨ nyamnyod yɨ tɨjɨg rəsìʼ, mɨ ənəm yɨə bə̀ mɨnoʼ rəsìʼ.

Matìyò 11:28

“Mbə̀ yeʼe əsɨ num, mbə̀n mɨjìm mbe nɨ fə bɔd bə̀ bèʼ ɨghɨ nɨ nirɨ, mə bɨrɨ ghɨ ni mbə̀ zwirɨ ə.

1 Kɔrèn 10:21

Chəi ənɨ tɨ̀ mbə nɔ rɨŋga toʼ Ə̀nùŋɨ̀sɨg bə̀ nɔ rɨŋga toʼ ɨzwî rɨbɔ̀ŋ. Chəi ənɨ tɨ̀ mbə jɨg ɨgun ə tebrə̀ Ə̀nùŋɨ̀sɨg bə̀ jɨg ɨgun ə tebrə̀ ɨzwî rɨbɔ̀ŋ.

1 Kɔrèn 10:4

Mɨ̀mə̌d mɨjìm nyaʼa bə̀ nɔ mɨnib mɔʼ. À yɨə Ŋwìə̀ nyaʼa bə̀ naʼ mɨnib mbe əmbɨ mɨ̀mə̌d. Mbɨ nyaʼa nɔ mɨnib mbe nɨ nyaʼə jwɨ̀ rɨ ənɨ ɨwɔ̌ we nɨ Ŋwìə̀ nyaʼa nàʼ əmbɨ mɨ̀mə̌d. Ɨwɔ̌ we wɨə nyaʼə yènə̀ mbɨ mɨ̀mə̌d. Ɨwɔ̌ we yɨ nyaʼə Kristo.

Efesùs 5:18

Tɨ mbə̀ nɔ ə mɨnoʼ be, ɨmbə̀ʼ ɨghəm nɨ mbə mɨ nɔ be, mbə bɨrɨ ghɨ ɨnû mbe nɨ bɨrɨ chəkɨ əwən. Mbə̀ saŋə yeʼ ni Əzwî ə Zeŋɨ ə swi ɨŋga nən.

1 Kɔrèn 11:25

À yɨə bə̀ əndəŋ əndəŋ ni, ənɨ mbɨ nyaʼa fə jɨgɨ màànɨ̀, wɨ̀ nyaʼa nɨŋ toʼ mɨnoʼ ghà ni, “Toʼ mɨnoʼ zɔ̂ yɨ fɨso fi fe nɨ mə san ənɨ mɨ ənəm. Ənɨ mɨ̀nyùmə̀ jìm mbe nɨ mbə̀ nɔ rɨŋga toʼ zɔ̂, mbə̀ sɨə ghɨ̀ əne kɔndɨ əmɨ.”

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 6:37

Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Jn 5:40

àyɨə chəi mbə̀ ben nɨ yeʼe əsɨ num ɨmbə̀ʼ jɨg ɨ̀tènɨ̀.

Jn 1:23

Wɨ̀ nyaʼa nɨŋ ɨŋgam wə̀d ɨ̀kə̀n Ŋwìə̀ Aizayà wììrɨ̀ əmbɨ mɨ̀mə̌d ni, “Mɔ̌ yɨə we nɨə kyeŋ ɨŋga ɨbad rɨkwàʼi ghàə̀ ni, 'Mbə̀ tekɨ ɨnə̂njɨ̀ əmbɨ Ə̀nùŋɨ̀sɨg.'”

Jn 7:28

Ənɨ Yeso nyaʼə chwi ɨnû ɨŋga mbàn Ŋwìə̀, wɨ̀ nyaʼa gham rɨ̀kǎ ghà ni, “Mbə kàŋ kyerɨ əmɨ bə̀ kyerɨ əsɨ ze nɨ mə̀ nɔʼ rəŋgu. Chəi mə nyaʼa yeʼe ɨŋga ɨsɨg wɔ̂ ənɨ mɨ ɨghəm. Àyɨə wə̀d we nɨ nyaʼa tom əmɨ wɨə ghàə̀ rəsìʼ. Chəi mbə̀ kyerɨ əməd,

Matìyò 3:3

Jɔ̌n wɔ̂ yɨə wə̀d we nɨ wə̀d ɨ̀kə̀n Ŋwìə̀ Aizayà nyaʼa ghǎ ɨmbə̀ʼ əməd ni, “Wə̀d mɔʼɔ wɨə kyeŋ ɨŋga ɨbad rɨkwàʼi ghàə̀ ni, 'Mbə̀ tekɨ ɨnə̂njɨ̀ əmbɨ Ə̀nùŋɨ̀sɨg. Mbə̀ ghɨ̀ mɨnə̂njɨ̀ məd mbɨ təm!'”

Matìyò 5:6

Ŋwìə̀ zɨ əbɔrəbɔd ɨgun ə bə̂d mbe nɨ njì tɨə zaŋə mɨ̀mə̌d, ədɔʼ ə bə̀ neə mɨ̀mə̌d nɨ ghɨ ɨnû nɨ kuʼnɨ, ɨmbə̀ʼ ɨghəm nɨ məd ziə bɨrɨ naʼ ɨghɨ mbe nɨ mbɨ kəbɨ.

Jn 4:11

Əyi we nyaʼa ghà ɨ bɔ ni, “Masà, chəi à berɨ ə̀nùŋga, ɨbɨgɨ mɨnib wɔ̂ ə bə̀ sa ɨŋga, əne à kɨə wo nɨŋ mɨnib mbe nɨə nàʼ ɨ̀tènɨ̀ rɨ ə yi ə?