Jn 6:71 - Meta’

⁷¹ Ɨ wɨə nyaʼə ghà ɨmbə̀ʼ ə Judàs we nɨ nyaʼə wan Saimòn Iskàriɔ̀t. Judàs yɨə nyaʼə wɨ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be. À yɨə məd nyaʼa wo fen ə Yeso.

Ikan feg

⁷¹ Yeso yaya ghàmà ane ne wì yaya ghà yaʼ Judàs ne yaʼi ŋwan Sayimùn Ikarìyɔ̀d. Judàs ya yaʼ àmə̀nənùg mɔ̀ʼɔ inga mə̀mə̀nənùg mbe ìghum chɔ̀b ibe. Si ya gha, à ya məd ya ghò fḛ Yeso.

Jn 6:71 Referans Kwoze

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Jn 13:26

Yeso nyaʼa wììrɨ̀ ni, “À yɨə wə̀d we nɨ mə bɨrɨ chub ŋgə̀ŋ ɨŋga ɨme nàʼ ɨ bɔ.” Ənɨ wɨ̀ nyaʼa chub ŋgə̀ŋ ze ɨŋga ɨme, wɨ̀ nyaʼa nàʼ əmbɨ Judàs we nɨ nyaʼə wan Saimon Iskàriɔ̀t.

Matìyò 10:2

Tɔ̂ yɨ rɨkum bə̂d tom mbe wum chɔ̀b rɨ̀be: Wɨ rɨtu yɨə Saimòn nɨ mbɨ nyaʼə bə̀ tɔŋ ənɨ Pità mbɨ Andrù nɨ nyaʼə aŋgɔb məd; Jems wan Zebèdiî mbɨ Jɔ̌n nɨ nyaʼə aŋgɔb məd;

Matìyò 10:4

Saimòn nɨ nyaʼə mɨ̀taku mbɨ Judàs Iskàriɔ̀t we nɨ nyaʼa fen ə Yeso.

Mk 14:10

Judàs Iskàriɔ̀t, nɨ nyaʼa wɨ mɔʼɔ rəbɔʼ mə̀mə̀ə̀nɨ̀-ɨnû Yeso mbe wum chɔ̀b rɨ̀be, nyaʼa wò əsɨ bə̂d kyeŋ mbe rɨ ə mbàn Ŋwìə̀ ɨmbə̀ʼ fen ə Yeso əmbɨ mɨ̀mə̌d.

Jn 2:2

Mbɨ nyaʼa bə̀ won ə Yeso mbɨ mə̀mə̀ə̀nɨ̀-ɨnû ɨməd ənɨ ɨnamɨ we.

Jn 6:64

Àyɨə chəi bə̂d mɔʼɔ rəbɔʼ nən kɨrɨ benɨ.” Yeso nyaʼa ghà əne ɨmbə̀ʼ ɨghəm nɨ wɨ̀ nyaʼa fə bè kyerɨ bə̂d mbe nɨ chəi mbɨ bɨrɨ benɨ. Wɨ̀ nyaʼa fə bə̀ kyerɨ wə̀d we nɨ bɨrɨ fen əməd.

Jn 6:70

Yeso nyaʼa wììrɨ̀ əmbɨ mɨ̀mə̌d ni, “Ɨmbə̀ʼ mə nyaʼa chɔʼ əwən mbə̀n mbɔ̂ wum chɔ̀b rɨ̀be ə? Àyɨə wɨ fibɨ̀ rəbɔʼ nən yɨə debɨ̀rə̀.”

Jn 12:4

Ənɨ wɨ̀ nyaʼə zɔʼ əne, Judàs Iskàriɔ̀t nɨ nyaʼə wɨ mɔʼɔ rəbɔʼ mə̀mə̀ə̀nɨ̀-ɨnû Yeso, nɨ à yɨə məd nyaʼa wo fen ə Yeso, nyaʼa ghà ni,

Jn 13:2

Ənɨ Yeso mbɨ mbi mə̀mə̀ə̀nɨ̀-ɨnû nyaʼə jɨgə tɨjɨg rɨ ɨkwirɨ, Debɨ̀rə̀ nyaʼa fə zɨ̀ ɨkɔndɨ ɨŋga fîŋ Judàs Iskàriɔ̀t, nɨ yeʼ wan Saimòn, ni wɨ̀ fen ə Yeso.

Jn 20:24

Chə nyaʼa i Tomas əbɔʼ mə̀mə̀ə̀nɨ̀-ɨnû mbe ənɨ Yeso nyaʼa chwi i ɨnyod əmbɨ mɨ̀mə̌d. Məd yɨə nyaʼə bə̀ wɨ mɔʼɔ rəbɔʼ mə̀mə̀ə̀nɨ̀-ɨnû mbe wum chɔ̀b rɨ̀be. Ɨ mbɨə nyaʼə bə̀ tɔŋ əməd ənɨ Didimùs, əne yɨ ni, wan ŋwìə̀.