Jn 6:45 - Meta’

⁴⁵ Bə̂d ɨ̀kə̀n Ŋwìə̀ nyaʼa ŋwàʼnɨ̀ ni, 'Ŋwìə̀ bɨrɨ chwi ɨnû əmbɨ mɨ̀mə̌d mɨjìm.' Wə̀d jìm we nɨ zu ənû ze nɨ Ŋwìə̀ ghǎ bə̀ kwembɨ ənû rɨ bɔ bɨrɨ yeʼe əsɨ num.

Ikan feg

⁴⁵ Bədkə̀n Ŋwiye ŋwàʼrì inga Àŋwàʼrì Ŋwiye gha, ‹Ŋwiye biri chwiti inug abə wə̀d ijìm.› Wə̀d ne zughi anug ne Ŋwiye we ghà bə̀ zùgri inug mbe, tengàŋ biri yeʼe inum.

Jn 6:45 Referans Kwoze

Mə̀Hibrù 10:16

“Ə̀nùŋɨ̀sɨg ə ghà ni, fɔ̂ yɨ fɨso fe nɨ mə bɨrɨ san mbɨ mɨ̀mə̌d ənɨ ɨni mbe fə che: Mə bɨrɨ zɨ tum rɨkə ɨŋga fîŋ tɨ mɨ̀mə̌d, bə̀ ŋwàʼnɨ̀ tɨkə te ɨŋga ɨtu mɨ̀mə̌d.”

1 Tèsàlonikà 4:9

Tɨ̀nîn chəi tɨ̀ berɨ əton nɨ wɨrɨ ŋwaʼnɨ ɨ nən ɨmbə̀ʼ ɨchî nɨ mbə̀ berɨ ghaʼ mbə bɔŋgɔb. Ŋwìə̀ ziə fə chwi ɨ nən ni mbə̀ ghaʼ bɔŋgɔb.

Jn 6:65

Əne wɨ̀ nyaʼa ghà ni, “Əzɔ̂ yɨ əton nɨ mə nyaʼa gha ɨ nən ni chəi wə̀d mɔʼɔ nɨ tɨ̀ wɨ̀ yeʼe əsɨ num kɨrɨ ənɨ à yɨə Mbǎʼ ben ni wɨ̀ yeʼe.”

Jn 6:37

Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Efesùs 1:17

Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.

Jn 10:27

Tɨ njɨ̀g tɨə zu ənû ze nɨ mɨə ghàə̀. Mə kyerɨ tɨ njɨ̀g. Ɨ tɨə beenɨ əbɔʼ num.

Lk 18:31

Yeso nyaʼa nɨŋ mə̀mə̀ə̀nɨ̀-ɨnû mbe wum chɔ̀b rɨ̀be mbɨ tindɨ ɨban ɨban. Əne wɨ̀ nyaʼa ghà əmbɨ mɨ̀mə̌d ni, “Mbə̀ zə, tɨ̀ yɨ əni kɔʼə wò ə Jèrusalèm, əne ɨnû jìm mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ɨmbə̀ʼ Wan Wə̀d bɨrɨ jwɨ ənɨ rəsìʼ.

Lk 1:70

Wɨ̀ nyaʼa fə kàʼ rəŋwe ənjìm mbi bə̂d ɨ̀kə̀n zeŋɨ

Mk 1:2

Wə̀d ɨ̀kə̀n Ŋwìə̀ Aizayà nyaʼa ŋwàʼnɨ̀ ni, “Zə, mə wɨə chà mɨ wə̀d tom ɨmbì ɨ ne. Məd bɨrɨ tekɨ ɨnə̂njɨ̀ ɨ ne.

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Ɨ̀fàʼì 7:42

Àyɨə Ŋwìə̀ nyaʼa fid i njìm ənɨ mɨ̀mə̌d. Wɨ̀ nyaʼa ghɨ̀ ni mbɨ kɔ wumnɨ tɨtəmɨ te rɨ əton ɨkaŋ ɨchî nɨ mbɨ nyaʼa ŋwaʼnɨ ɨŋga ə̀ŋwàʼnɨ̀ bə̂d ɨ̀kə̀n ni: Mɨ̀Izre, mbə wa nyaʼa nàʼ nyam te nɨ mbɨ kyemɨ bə̀ nàʼ ɨghɨ ə̀fà ɨ num ənɨ mbə̀ nyaʼa ɨghəm ɨwu ɨwum kwè ɨŋga ɨbad rɨkwàʼi ə?

Ɨ̀fàʼì 13:40

Əne mbə̀ we ə, njɨ ənû ze nɨ bə̂d ɨ̀kə̀n Ŋwiə̀ nyaʼa ghǎ ə bɨrɨ ghɨ ənɨ ə nən. Ənû ze yɨ ni,

Fìlipì 3:15

Mba mɨjìm mbe nɨ yeʼ bə̂d Kristo nɨ fə kaanɨ berɨ nuŋ ta rɨkɔndɨ ənɨ wɨ mɔʼ ɨmbə̀ʼ ɨnû mbɔ̂. Àyɨə mbə mɨ berɨ tɨkɔndɨ cherə, Ŋwìə̀ bɨrɨ ghɨ ni zɨə zeŋ ɨ nən.

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.