Jn 6:40 - Meta’

⁴⁰ Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Ikan feg

⁴⁰ Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

Jn 6:40 Referans Kwoze

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Jn 6:54

Wə̀d jìm we nɨ kud mɨ nyamnyod bə̀ nɔ mɨ ənəm bɨrɨ jɨg ɨ̀tènɨ̀ rɨ mì. Mə bɨrɨ zwemnɨ əməd əni ze nɨ sɨ nwìə̀,

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 11:25

Yeso nyaʼa ghà ɨ bɔ ni, “Mɔ̌ yɨə wə̀d we nɨə zwemnɨə bə̂d bə̀ yeʼ we nɨə nàʼ ɨ̀tènɨ̀. Wə̀d we nɨ ben əmɨ bɨrɨ wɨrɨ chub ɨkǎ, ka wɨ̀ bè kwɨ i.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 14:19

À sɨ bùʼ ɨkə nyumə̀, chəi ɨsɨg bɨrɨ wɨrɨ zə əmɨ, àyɨə mbə bɨrɨ zə əmɨ. Ɨchî nɨ mə yeʼ ɨkǎ, əne bə̂ mbə bɨrɨ bɨ yeʼ ɨkǎ.

Jn 12:45

Wə̀d mɔʼɔ we nɨ zə əmɨ wɨə bə̀ zə əməd we nɨ nyaʼa tom əmɨ.

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Lk 2:30

Mɨ əghə ə fə zə ɨchî nɨ à bɨrɨ chɨ mbe bə̂d rəŋgəʼ,

1 Jɔn 2:25

Ənû ze nɨ Wan fə kaʼ ni tə bɨrɨ naʼ ɨ na yɨ ɨ̀tènɨ̀ rɨ mì.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Jûd 1:21

Mbə̀ chub kyerɨ ni Ŋwìə̀ ə ghaʼ əwən ɨchî nɨ mbɨə wòmə̀ ni a Ə̀nùŋɨ̀sɨg Yeso Kristo diirɨ əwən, ghɨ̀ mbə̀ jɨg ɨ̀tènɨ̀ rɨ mì.

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

Rm 5:21

ɨmbə̀ʼ ɨchî nɨ ɨnû rɨbɔ̀ŋ nyaʼə tùmbɨ̀ ɨsɨg ənjìm ɨvɨ, əne bə̂ ɨ̀chɔ̀m bɨrɨ bɨ tumbɨ ɨsɨg ənjìm ɨchî nɨ bə̂d təm kùʼnɨ̀. Əze ə bɨrɨ ghɨ ni bə̂d jɨg ɨ̀tènɨ̀ rɨ mì ənjìm ə Yeso Kristo a Ə̀nùŋɨ̀sɨg.

Jn 12:50

Mə kyerɨ ni ɨkə məd wɨə nàʼ ɨ̀tènɨ̀ rɨ mì. Əne ənû ze nɨ mə̀ gha yɨ ənû ze nɨ mɨ Mbǎʼ fə gha ni mə̀ gha ə.”

Jn 8:56

Ə mbǎʼ Abràham nyaʼa ghaʼ nɨ zə nyùmə̀ we nɨ mə̀ bɨrɨ yeʼe. Wɨ̀ nyaʼa bə̀ zə, əne wɨ̀ nyaʼa ghaʼ kwàʼ rɨŋgəʼ.”

Mk 16:16

We nɨ benɨ, nɨŋ mɨnib, bɨrɨ jwɨ̀ rəŋgəʼ. Àyɨə Ŋwìə̀ bɨrɨ zɨ ɨsaʼi ɨgwɨ we nɨ chəi wɨ̀ benɨ.

Mə̀Hibrù 11:1

Ɨbenɨ yɨ nɨ kyerɨ ni tɨ̀ bɨrɨ berɨ ɨghɨ mbe nɨ tɨə wòmə̀. À yɨ bə̀ nɨ kyerɨ ni tɨ̀ bɨrɨ berɨ ɨghɨ mbe nɨ chəi tɨə zəə.

Mə̀Hibrù 11:27

À yɨ ɨbenɨ nyaʼa ghɨ ni wɨ̀ nɔʼ rɨ ə Ijìpt, nɨ chəi wɨ̀ nyaʼa bɔ ni ɨfɔ̂n we rɨ ə Ijìpt bɨrɨ sə ɨtəm. Wɨ̀ nyaʼa ton nɨ beŋ rəbɔʼɔ, ɨmbə̀ʼ ɨghəm nɨ wɨ̀ nyaʼa zə əməd we nɨ chəi bə̂d ə zəə.

Jn 14:17

Məd yɨ Əzwî ə Zeŋɨ ze nɨ bɨrɨ ghɨ ni bə̂d kyerɨ rəsìʼ. Chəi ənɨ tɨ ɨsɨg nɨŋ əməd ɨmbə̀ʼ ɨghəm nɨ chəi ənɨ tɨ̀ wɨ̀ zə əməd kɨ̀ bè kyerɨ əməd. Mbə bɨrɨ kyerɨ əməd, ɨmbə̀ʼ ɨghəm nɨ məd wɨ i mbɨ nən, bə̀ kyerɨ ni məd wɨ i ɨŋga nən.

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”

Jn 6:39

Ənû ze nɨ wə̀d we nɨ nyaʼa tom əmɨ kəbɨ yɨ ni tɨ mə̀ nimnɨ əmɨ wə̀d mɔʼɔ rəbɔʼ bə̂d mɨjìm mbe nɨ wɨ̀ naʼ ɨ num. Wɨ̀ kəb yeʼ ni mə̀ zwemnɨ mɨ̀mə̌d əni ze nɨ sɨ nwìə̀.

Jn 6:44

Chəi wə̀d mɔʼɔ nɨ tɨ̀ wɨ̀ yeʼe əsɨ num kɨrɨ ənɨ à yɨə Mbǎʼ we nɨ nyaʼa tom əmɨ suŋ əməd ni wɨ̀ yeʼe əsɨ num. Mə bɨrɨ zwemnɨ əməd əni ze nɨ sɨ nwìə̀.

Jn 11:24

Màta nyaʼa wììrɨ̀ ɨ bɔ ni, “Mə kyerɨ ni wɨ̀ bɨrɨ wɨrɨ zwemə əni ze nɨ sɨ nwìə̀.”