Jn 6:37 - Meta’

³⁷ Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Ikan feg

³⁷ Bəd məjìm mbe ne ìmə Mbaʼ fə nàʼi inum, mbi biri yeʼe inum. Wə̀d ne biri yeʼe inum, chəyi mə̀ biri kamni aməd.

Jn 6:37 Referans Kwoze

Matìyò 11:28

“Mbə̀ yeʼe əsɨ num, mbə̀n mɨjìm mbe nɨ fə bɔd bə̀ bèʼ ɨghɨ nɨ nirɨ, mə bɨrɨ ghɨ ni mbə̀ zwirɨ ə.

Jn 6:39

Ənû ze nɨ wə̀d we nɨ nyaʼa tom əmɨ kəbɨ yɨ ni tɨ mə̀ nimnɨ əmɨ wə̀d mɔʼɔ rəbɔʼ bə̂d mɨjìm mbe nɨ wɨ̀ naʼ ɨ num. Wɨ̀ kəb yeʼ ni mə̀ zwemnɨ mɨ̀mə̌d əni ze nɨ sɨ nwìə̀.

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Jn 17:6

“Mə fə ghɨ̀ ni bə̂d mbe nɨ à nyaʼa chɨ rɨŋga ɨsɨg nàʼ ɨ num kyerɨ əwe. À yɨə nyaʼa mbe bə̂d, əne à nyaʼa fə nàʼ mɨ̀mə̌d ɨ num. Mbɨ fə ghɨ̀ ənû ze nɨ à nyaʼa ghǎ əmbɨ mɨ̀mə̌d.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

2 Timotì 2:19

Àyɨə əchɨ ə nəb ə ka ka ze nɨ Ŋwìə̀ fə zi ə kàŋ təm kàànɨ̀. Mbɨ ŋwàʼnɨ̀ ɨgun ni, “Ə̀nùŋɨ̀sɨg ə kyerɨ bə̂d mbe nɨ yeʼ mbɨ məd,” mbɨ ni, “Wə̀d jìm we nɨə ghà ni tə yɨə wə̀d Ə̀nùŋɨ̀sɨg berɨ waʼ ɨnû rɨbɔ̀ŋ.”

1 Timotì 1:16

Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

Jn 6:65

Əne wɨ̀ nyaʼa ghà ni, “Əzɔ̂ yɨ əton nɨ mə nyaʼa gha ɨ nən ni chəi wə̀d mɔʼɔ nɨ tɨ̀ wɨ̀ yeʼe əsɨ num kɨrɨ ənɨ à yɨə Mbǎʼ ben ni wɨ̀ yeʼe.”

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Ɨnû 22:17

Əzwî mbɨ Ɨgən ghà ni, “Yeʼe!” Wə̀d jìm we nɨ zu gha ni, “Yeʼe!” Wə̀d jìm we nɨ ədɔʼ ə ne əməd yeʼe. We nɨə kəb mɨnib, yeʼe nɔ mɨnib mbe nɨə nàʼ ɨ̀tènɨ̀, nɨ chəi wɨ̀ bɨrɨ naʼ ɨkab.

1 Jɔn 2:19

Bə̂d pə̀n mbɔ̂ yɨ rəkaʼ na, àyɨə chə nyaʼa i mɨ̀mə̌d ɨŋga a ɨfɔtɨ. À kɨ nɨ mbɨ nyaʼa rɨŋga a ɨfɔtɨ, njɨ mbɨ nyaʼa chubɨ mbɨ na. Àyɨə mbɨ nyaʼa jwɨ̀ ɨmbə̀ʼ zɨə zeŋ ni chə nyaʼa i mɨ̀mə̌d ɨŋga a ɨfɔtɨ.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

Jn 17:11

Tɨ̀nîn mə wɨə sàŋ ɨsɨg sɨə yeʼe əsɨ ne. Àyɨə mɨ̀mə̌d mbɨə kɨrɨ ɨŋga ɨsɨg. Mɨ Mbǎʼ nɨ Zeŋɨ màànɨ̀, nəŋgɨ mɨ̀mə̌d ənɨ ɨka we nɨ yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Nəŋgɨ mɨ̀mə̌d ɨmbə̀ʼ mbɨ yeʼ ənɨ ənû ə mɔʼ, ɨchî nɨ mɔ̌ mbɨ ne tɨ̀ bə̀ yeʼ ənɨ ənû ə mɔʼ.

Jn 9:34

Mbɨ nyaʼa wììrɨ̀ ɨ bɔ ni, “Mbɨ nyaʼa gywɨ əwe à kwi ɨŋga ɨnû rɨbɔ̀ŋ əne à wa bɨrɨ chwi ɨnû ɨ na ə?” Mbɨ nyaʼa ghà əne, fid əməd tɨ ɨŋga nəb ə̀kàtɨ̀ ze.