Jn 5:28 - Meta’

²⁸ Tɨ əzɔ̂ ə yeʼi ənû ə yiirɨ ɨ nən. Nyùmə̀ wɨə yeʼe nɨ bə̂d mɨjìm mbe nɨ yeʼ ɨŋga mɨ̀sì bɨrɨ zu gɨ̂ məd

Ikan feg

²⁸ Imbə̀ʼ anug azo̰ chè yi awən imbə̀ʼ icheg ne nyùmə̀ we yèʼe ne bəd mbe ne ya fə ku, ne yaʼi inga iseg, biri zug gì məd.

Jn 5:28 Referans Kwoze

Ɨnû 20:12

Mə nyaʼa zə ɨvɨ bə̂d, əne yɨ ɨvɨ bə̂d kyeŋ mbɨ ɨvɨ bə̂d kwa. Ɨvɨ bə̂d mbe nyaʼa təmbɨ ɨfě ətən ɨfɔ̀n ze. Mbɨ nyaʼa fìʼ ɨ̀ŋwàʼnɨ̀. Mbɨ nyaʼa bə̀ fìʼ ə̀ŋwàʼnɨ̀ ə cherə. Əze yɨ ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa saʼ ɨvɨ bə̂d mbe beenɨ əbɔʼ ɨnû mbe nɨ mbɨ nyaʼa ŋwaʼnɨ ɨŋga ɨ̀ŋwàʼnɨ̀ mbe, əne yɨ əbɔʼ ɨnû mbe nɨ mbɨ nyaʼa ghɨ̌.

Fìlipì 3:21

Məd bɨrɨ kwepɨ ta nyamnyod tɔ̂ nɨə kwɨə, əne ghɨ̀ tɨ̀ berɨ nyamnyod ɨghabɨ zɨ məd ze nɨ wɨ̀ nyaʼa zwemə mbɨ zɨwən. Wɨ̀ bɨrɨ ghɨ əne ənjìm ɨka we nɨə ghɨ̀ ni wɨ̀ tumbɨ ɨghɨjìm.

1 Kɔrèn 15:22

Bə̂d mɨ̀jìm berɨ kwɨ ɨchî nɨ mbɨ yeʼ ənɨ ɨfɔtɨ mbɨ Adàm, əne bə̂ bə̂d mɨ̀jìm bɨrɨ chub ɨkǎ ɨchî nɨ mbɨ yeʼ ənɨ ɨfɔtɨ mbɨ Kristo.

Jn 3:7

Tɨrə̀ bid e ɨchî nɨ mə̀ gha ɨ ne ni, 'Mbɨ berɨ wɨrɨ gywɨ bə̂d ɨghəm cherə.'

Jn 5:20

Wɨ̀ bɨrɨ ghɨ̀ ɨmbə̀ʼ ɨghəm nɨ Mbǎʼ ə ghaʼ i Wan, əne ɨ wɨə chwi ɨnû jìm mbe nɨ wɨə ghɨ̀ ɨ bɔ. Wɨ̀ bɨrɨ chwi ɨnû kyeŋ ɨ bɔ nɨ che mbɔ̂, əne mbə bɨrɨ yiirɨ.

Jn 4:21

Yeso nyaʼa ghà ɨ bɔ ni, “Əyî, ben ənû ze nɨ mə̀ gha ɨ ne. Nyùmə̀ wɨə yeʼe nɨ chəi mbə̀ bɨrɨ wumnɨ ə Mbǎʼ ɨgun ɨwum wɔ̂ kɨ ə Jèrusalèm.

Ɨ̀fàʼì 3:12

Ənɨ Pità nyaʼa zə əne, wɨ̀ nyaʼa ghà əmbɨ ə bə̂d mbe ni, “Mɨ̀Izre, mbə̀ kɨə yiirɨ ənû zɔ̂ ɨmbə̀ʼ ə ye ə? Mbə̀ kɨə toŋ ɨghə ɨgwɨ na ɨghabɨ ni à yɨ ənɨ a ɨka kɨ̀ ənɨ ɨchî nɨ tɨə wumnɨ ə Ŋwiə̀ ə ghɨ ni mbaŋə̀ zɔ̂ yen ə?

Jn 4:23

Nyùmə̀ wɨə yeʼe, əne wɨ̀ fə yeʼe i, nɨ bə̂d bɨrɨ wumnɨ ə Mbǎʼ ɨchî nɨ Əzwî ə chwiə. Zɨə bɨrɨ yeʼ ni mbɨ wumnɨ əməd ɨchî nɨ wɨ̀ yeʼ ə. Bə̂d mbe nɨə ghɨ̀ əne mbɨə wumnɨ ə Mbǎʼ ɨchî nɨ wɨ̀ kə̀bɨ ni mbɨ wumnɨ əməd.

Jn 5:25

Mə ghà rəsìʼ ɨ nən ni nyùmə̀ wɨə yeʼe, əne nyùmə̀ rəŋgu fə yeʼe i, nɨ ɨvɨ bə̂d bɨrɨ zu gɨ̂ Wan Ŋwìə̀. Mbe nɨ zu bɨrɨ wɨrɨ tènə̀.

Ɨ̀fàʼì 24:15

Mə wɨə nùŋ ɨkɔndɨ wòmə̀ wə̀d we nɨ Ŋwiə̀ nyaʼa kaʼi, ɨchî nɨ mɨ̀mə̌d ə bə̀ wòmə̀. Ɨkɔndɨ we yɨ ni bə̂d mbe nɨ ɨnû mɨ̀mə̌d kuʼnɨ mbɨ mbe nɨ chəi ɨnû mɨ̀mə̌d kùʼnɨ̀ bɨrɨ zwemə.