Jn 4:34 - Meta’

³⁴ Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Ikan feg

³⁴ Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Jn 4:34 Referans Kwoze

Jn 6:38

ɨmbə̀ʼ ɨghəm nɨ mə nyaʼa swiʼi rɨkaŋ yeʼe. Chəi mə̀ nyaʼa swiʼi yeʼe ɨmbə̀ʼ ghɨ ɨnû mbe nɨ mə kəbɨ. Mə nyaʼa swiʼi yeʼe ɨmbə̀ʼ ghɨ mbe nɨ wə̀d we nɨ nyaʼa tom əmɨ kəbɨ.

Jn 5:30

Chəi ənû ə mɔʼɔ nɨ tɨ̀ mə ghɨ̀ ənɨ mɨ ɨka. Mə wɨə saʼə bə̂d àmei ɨchî nɨ Ŋwìə̀ ghà ɨ num, əne mə wɨə saʼə mɨ̀mə̌d ɨchî nɨ kuʼnɨ, ɨmbə̀ʼ ɨghəm nɨ chəi mɨə ghɨ̀ ənû ze nɨ mə kəbɨ. Mə wɨə ghɨ̀ yeʼ əze nɨ wə̀d we nɨ tom əmɨ kəbɨ.”

Jn 17:4

Mə fə wumnɨ əwe ɨgwɨ ə si ɨchî nɨ mə fə maanɨ ə̀fàʼì ze nɨ à nyaʼa naʼ ɨ num.

Jn 19:30

Ənɨ Yeso nyaʼa sɔɔrɨ mɨnoʼ mbe, wɨ̀ nyaʼa ghà ni, “Zɨə fə mì i!” Wɨ̀ nyaʼa ghà əne, tuŋ ətu ə si, Ŋwìə̀ nɨŋ əzwî əməd.

Matìyò 26:39

Ənɨ wɨ̀ nyaʼa ghà əne, wɨ̀ nyaʼa yèndɨ̀ wò ɨmbì rɨpiî, pè kub ɨfě ə si, kɔ̀ŋgɨ̀ ə Ŋwiə̀ ghà ni, “Mɨ Mbǎʼ, ɨchî mɨ chwiə, à ghɨ̀ ŋgəʼ zɔ̂ chè rɨ ɨgwɨ num. Àyɨə ghɨ yeʼ ənû ze nɨ à kə̀bɨ, kaʼi əze nɨ mə̀ kəbɨ.”

Jn 5:36

Ɨnû mbɔ̂ nɨ mɨə ghàə̀ yɨ mɨ̀zərɨmbin ɨ num. Mbɨ chè mbe nɨ Jɔ̌n nyaʼə ghà ɨmbə̀ʼ əmɨ. Ɨnû mbe nɨ Mbǎʼ zɨ ɨŋga tum rɨkyerɨ-ɨbɔ ni mə maanə, əne yɨ mbe nɨ mɨə ghɨ̀ə̀, ɨ mbɨə chwiə ni à yɨə Mbǎʼ nyaʼa tom əmɨ.

Jn 4:32

Àyɨə wɨ̀ nyaʼa wììrɨ̀ əmbɨ mɨ̀mə̌d ni, “Mə berɨ tɨjɨg nɨ chəi mbə̀ kyerɨ ənû ə mɔʼɔ ɨmbə̀ʼ rɨwən.”

Lk 19:10

Wan Wə̀d nyaʼa yeʼe ɨ kəb bə̂d mbe nɨ nyaʼa nimɨ ɨmbə̀ʼ chɨ mɨ̀mə̌d rəŋgəʼ.”

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Lk 15:10

Mə ghà ɨ nən ni, à yɨ əndəŋ əndəŋ ni mbɨ̀aŋgɨrə̀ mbɨə ghaʼ ənɨ wə̀d fibɨ̀ tɨ̀ əbɔʼ mbe nɨə ghɨ̀ ɨnû rɨbɔ̀ŋ beŋ i fîŋ.”

Ɨ̀fàʼì 20:35

Ənɨ ɨnû jìm, mə fə chwi ɨ nən ni zɨə bɔ̀ŋ ni tɨ̀ faʼ rɨkǎ ɨmbə̀ʼ weerɨ bə̂d mbe nɨ kwaŋ ɨghɨ. Mbə̀ kɔndɨ ɨŋgam Ə̀nùŋɨ̀sɨg Yeso ɨchî nɨ wɨ̀ nyaʼa gha ni, 'Wə̀d we nɨə nàʼə̀, wɨə berɨ əbɔrəbɔd chè we nɨə nɨŋə.'”

Jn 6:33

Ŋgə̀ŋ ze nɨ Ŋwìə̀ ə nàʼə̀ yɨə məd we nɨ swiʼi rɨkaŋ. À yɨə məd we nɨ swiʼ rɨkaŋ ə nàʼ ɨ̀tènɨ̀ əmbɨ ə bə̂d ɨŋga ɨsɨg.”

Matìyò 3:15

Yeso nyaʼa wììrɨ̀ ɨ bɔ ni, “Sɨ zɨə yeʼ əne tɨ̀nîn, ɨmbə̀ʼ ɨghəm nɨ zɨə kùʼ ni tɨ̀ ghɨ ɨnû jìm ɨchî nɨ Ŋwìə̀ kəbɨ.” Ənɨ wɨ̀ nyaʼa ghà əne, Jɔ̌n nyaʼa zu benɨ, əne nàʼ mɨnib ɨ bɔ.

Lk 2:49

Wɨ̀ nyaʼa wììrɨ̀ əmbɨ mɨ̀mə̌d ni, “Mbə kɨə kə̀b əmɨ ni ye ə? Chəi mbə̀ kyerɨ ni mə berɨ chub ɨŋga nəb mɨ mbǎʼ ə?”

Jn 8:29

Məd we nɨ nyaʼa tom əmɨ wɨ i mbɨ num. Chəi wɨ̀ saŋ əmɨ rə̀zìʼ, ɨmbə̀ʼ ɨghəm nɨ mə wɨə ghɨ̀ àmei ɨnû mbe nɨ bɔŋ ɨ bɔ.”

Jn 19:28

Yeso nyaʼa kyerɨ ni ɨnû jìm fə mì i, əne ɨ ghɨ ni ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ, wɨ̀ nyaʼa ghà ni, “Ədɔʼ ə zɨə ne əmɨ.”

Matìyò 9:19

Yeso mbɨ mbi mə̀mə̀ə̀nɨ̀-ɨnû nyaʼa nɔ̀ʼ beenɨ əbɔʼ məd.