Jn 4:1 - Meta’

¹ Mɨ̀Farisiî nyaʼa zu ni bə̂d mɨ̀nɔnɔʼ mbɨə nyaʼə beenɨ əbɔʼ ə Yeso. Mbɨ nyaʼa bə̀ zu ni ɨ wɨə nyaʼə nàʼə̀ mɨnib əmbɨ ə bə̂d mɨ̀nɔnɔʼ chè ə Jɔ̌n,

Ikan feg

¹ Yeso ya kyeri gha mə̀Farìsi fə zug gha, bəd ndan ndàn mbe bène abɔ̀ʼ məd, bə̀ zug gha, məd we bə̀ nàʼà mənib abə inun bəd ne nɔ̀ʼi chè mbe ne Jɔn we nàʼà mənib inɔb.

Jn 4:1 Referans Kwoze

Jn 3:26

Mə̀mə̀ə̀nɨ̀-ɨnû Jɔ̌n nyaʼa wò əsɨ məd pè ghà ɨ bɔ ni, “Əchwiə̀-ɨnû, mbaŋə̀ ze nɨ nyaʼa mbɨ ne ɨnjin ɨgyɨ̂ Jodàn, nɨ à nyaʼa gha ɨmbə̀ʼ əməd, wɨ əgha nàʼə̀ mɨnib. Bə̂d mɨ̀jìm mbɨə wò əsɨ məd!”

Jn 3:22

Ənɨ Yeso nyaʼa fə gha ɨnû mbɔ̂, wɨ̀ nyaʼa nɔ̀ʼ mbɨ mbi mə̀mə̀ə̀nɨ̀-ɨnû mbɨ wò ə Jùdeyà. Wɨ̀ nyaʼa pè chub əŋgu mbɨ mɨ̀mə̌d bə̀ nàʼ mɨnib əmbɨ ə bə̂d.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

1 Kɔrèn 15:47

Ŋwìə̀ nyaʼa tekɨ mbaŋə̀ rɨtu ənɨ rɨchaʼ. Məd yɨə si. Mbaŋə̀ ze nɨ beenɨ yɨ rɨkaŋ.

1 Kɔrèn 2:8

Chəi wə̀d mɔʼɔ rəbɔʼ mbe nɨə tùmbɨ̀ ɨsɨg wɔ̂ nyaʼa kyerɨ ənû zɔ̂. À kɨ nɨ mbɨ nyaʼa kyerɨ, njɨ chəi mbɨ nyaʼa kombɨ Ə̀nùŋɨ̀sɨg we nɨ mbɨə naʼ ɨwumnɨ ɨ bɔ.

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Ɨnû 19:16

Ɨkum wɨə nyaʼa ɨgun ə ngywɨ̌ məd bə̀ fɔrɨ ɨgun ɨbi ɨwu ɨməd. Ɨkum we yɨ ni: Ɨfɔ̂n ɨgwɨ mɨfɔ̀n mbɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg.

Jems 2:1

Mbɨ bɔŋgɔb, ɨchî nɨ mbə̀ ben Ə̀nùŋɨ̀sɨg Yeso Kristo we nɨ bə̂d ə wumnɨə, tɨ mbə̀ ghɨ̀ ə əghə.

Lk 2:11

Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Lk 19:34

Mbɨ nyaʼa wììrɨ̀ ni, “À yɨ Ə̀nùŋɨ̀sɨg kə̀bɨ.”

Lk 19:31

Wə̀d mɔʼɔ mɨ biirɨ ɨ nən ni, 'Mbə̀ kɨə zàə̀ jàkas we ɨmbə̀ʼ ə ye ə?' Mbə̀ gha ni, 'À yɨ Ə̀nùŋɨ̀sɨg kəb ə jàkas wɔ̂.'”

Lk 1:76

Àwɔ̀ wan, mbɨ bɨrɨ tɔŋ əwe ni àwɔ̀ yɨə wə̀d ɨ̀kə̀n Ə̀chè-ɨsɨg, ɨmbə̀ʼ ɨghəm nɨ à bɨrɨ chè ɨmbì əmbɨ Ə̀nùŋɨ̀sɨg ɨmbə̀ʼ tekɨ ɨnə̂njɨ̀ ɨ bɔ,

Lk 7:13

Ənɨ Ə̀nùŋɨ̀sɨg nyaʼa zə əməd, wɨ̀ nyaʼa kə̀n ənɨ məd ghà ɨ bɔ ni, “Tɨrə̀ dì e.”

Lk 7:19

Əne wɨ̀ nyaʼa tɔŋ mɨ̀mə̌d mɨbe, tom mɨ̀mə̌d əsɨ Ə̀nùŋɨ̀sɨg ni mbɨ biirɨ ɨ bɔ ni, “Àwɔ̀ wa kɨə wə̀d we nɨ bə̂d ɨ̀kə̀n Ŋwiə̀ nyaʼə ghàə̀ ni wɨ̀ bɨrɨ yeʼe, kɨ̀ rɨ̀ wa wom wɨ cherə ə?”

1 Kɔrèn 1:17

Mə wɨə ghà əne ɨmbə̀ʼ ɨghəm nɨ chəi Kristo nyaʼa tom əmɨ ni mə̀ naʼ mɨnib. Wɨ̀ nyaʼa tom əmɨ yeʼ ni mə̀ gha ɨkə̂n chɔ̀m ənɨ ɨŋgam nɨ chəi wɨ nɔʼ rɨ ənɨ ɨwe bə̂d mɨ̀sɔŋɨchù, njɨ chəi ənû ze nɨ tɨə ghà ɨmbə̀ʼ ɨchî nɨ Yeso nyaʼa kwɨ əzed ə baʼnɨ ə wɨrɨ berɨ ɨka.