Jn 3:13 - Meta’

¹³ Chəi wə̀d mɔʼɔ nɨ kɨrɨ wo ɨkaŋ, chè rɨ ənɨ Wan Wə̀d nɨ nyaʼa swiʼ rɨkaŋ.

Ikan feg

¹³ Chəyi wə̀d mɔ̀ʼɔ ne kə kweʼì kɔʼ ghò ikaŋ àbɔ̀ŋɔ. À ya məyi Ŋwan Wə̀d we ne ya swiʼi ikaŋ àbɔ̀ŋɔ.

Jn 3:13 Referans Kwoze

Jn 6:38

ɨmbə̀ʼ ɨghəm nɨ mə nyaʼa swiʼi rɨkaŋ yeʼe. Chəi mə̀ nyaʼa swiʼi yeʼe ɨmbə̀ʼ ghɨ ɨnû mbe nɨ mə kəbɨ. Mə nyaʼa swiʼi yeʼe ɨmbə̀ʼ ghɨ mbe nɨ wə̀d we nɨ nyaʼa tom əmɨ kəbɨ.

Ɨ̀fàʼì 2:34

Chəi Dèvîd nyaʼa wo ɨkaŋ, àyɨə wɨ̀ nyaʼa ghà ni, Ə̀nùŋɨ̀sɨg ə ghà əmbɨ mɨ Ə̀nùŋɨ̀sɨg ni chub ənɨ mɨ əbɔ ə jɨgɨ

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

1 Kɔrèn 15:47

Ŋwìə̀ nyaʼa tekɨ mbaŋə̀ rɨtu ənɨ rɨchaʼ. Məd yɨə si. Mbaŋə̀ ze nɨ beenɨ yɨ rɨkaŋ.

Jn 13:3

Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

Rm 10:6

Àyɨə ənû nɨ təm kùʼnɨ̀ ɨchî nɨ wə̀d nuŋ fîŋ ɨgun ə Kristo ə ghà ni, “Tɨrə̀ ghà e ɨŋga e fîŋ ni, 'À kɨə we nɨ bɨrɨ wo nyɨ ɨkaŋ ə?'” (Əne yɨ ɨmbə̀ʼ swi ə Kristo ə si).

Jn 6:62

Mbə̀ kɨə wo ghɨ ye ənɨ mbə̀ zə Wan Wə̀d ənɨ wɨə wò ɨkaŋ əsɨ nɨ wɨ̀ nyaʼa bè əŋgu ə?

Jn 3:31

“Wə̀d we nɨ yeʼe rɨkaŋ ə chè bə̂d mɨjìm. We nɨ yeʼe rɨ ɨgwɨ ə si yɨə wə̀d rɨ ɨgwɨ ə si. Məd wɨə ghà àmei ɨnû rɨ ɨgwɨ ə si. Wə̀d we nɨ yeʼe rɨkaŋ ə chè bə̂d mɨ̀jìm.

Jn 6:46

Chəi wə̀d mɔʼɔ kweʼ zə Ŋwìə̀ Mbǎʼ chè rɨ ənɨ ə məd we nɨ nɔʼ rɨ əmbɨ ə Ŋwìə̀. Àmei məd we fə zə Ŋwìə̀ Mbǎʼ.

Jn 6:42

Mbɨ nyaʼa ghà ni, “Ɨmbə̀ʼ mbaŋə̀ zɔ̂ yɨə Yeso, wan Jòsêf ə? Ɨmbə̀ʼ tɨ̀ kyerɨ mbǎʼ məd mbɨ ɨŋgɔb məd ə? Wɨ̀ sɨ chè rɨ ye ghà tɨ̀nîn ni tə nyaʼa swiʼi rɨkaŋ ə?”

Jn 17:5

Əne tɨ̀nîn, kyɨə Mbǎʼ, wumnɨ əmɨ əsɨ ze nɨ à yeʼ əŋgu. Wumnɨ əmɨ ɨchî nɨ à nyaʼə wumnɨə bɔŋ à nyaʼa sɨə tekɨ ɨsɨg.

Jn 8:42

Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

Jn 6:33

Ŋgə̀ŋ ze nɨ Ŋwìə̀ ə nàʼə̀ yɨə məd we nɨ swiʼi rɨkaŋ. À yɨə məd we nɨ swiʼ rɨkaŋ ə nàʼ ɨ̀tènɨ̀ əmbɨ ə bə̂d ɨŋga ɨsɨg.”

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Efesùs 1:23

Ɨfetɨ we yɨə nyamnyod Kristo. Ɨ wɨə swe ɨnû mbe nɨ bu rɨ ənɨ Kristo. Kristo ziə wɨə bə swe ɨnû jìm ɨsɨ jìm.

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Jn 3:12

Mə fə ghàm ɨ nən ɨmbə̀ʼ ɨnû mbe nɨə ghɨ̀ ɨgwɨ ə si, àyɨə chəi mbə̀ benɨ. Mbə̀ kɨə wo ben rɨ ye, əwù ze nɨ mə gham ɨ nən ɨmbə̀ʼ ɨnû mbe nɨə ghɨ̀ ɨkaŋ ə?