Biblia Todo Logo
Bib sou entènèt

- Piblisite -




Jn 20:19 - Meta’

19 À nyaʼa ɨkwirɨ kwirɨ əni ə Sɔndè ze, mə̀mə̀ə̀nɨ̀-ɨnû mbe nyaʼa fetɨ ɨŋga nəb mɔʼɔ. Mbɨ nyaʼa fə fə̀n mɨchû nəb ɨmbə̀ʼ ɨghəm nɨ ɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû. Mbɨ nɨ zə, Yeso sàʼ jwɨ̀ təm əkaʼ mɨ̀mə̌d ghà əmbɨ mɨ̀mə̌d ni, “Mbə̀ chub ənɨ əbɔrəbɔd.”

Gade chapit la Kopi

Ikan feg

19 Àsi ikwikwiri Sɔndè we, mə̀mə̀nənùg ya yaʼ asiŋi afibì, inga nəb iwùbi imbə̀ʼ icheg ne mbi yaya bɔ itog bəd mə̀Ju. Mbi ŋa zə̰, mbi si bàra Yeso itəmi abɔ̀ʼ inɔb. Yeso ya si ghà inɔb gha, “Mbə̀ chughi ane àbɔrɔ̀bɔd”.

Gade chapit la Kopi




Jn 20:19
27 Referans Kwoze  

Kàb nyaʼa chè ɨfibɨ̀. Mə̀mə̀ə̀nɨ̀-ɨnû Yeso nyaʼa yì wò fetɨ ɨŋga nəb. Tomas wɨə nyaʼa əbɔʼ mɨ̀mə̌d. Mbɨ nyaʼa fə̀n mɨchû nəb, àyɨə Yeso nyaʼa jwɨ̀ təm ɨfě mɨ̀mə̌d ghà ni, “Mbə̀ chub ənɨ əbɔrəbɔd.”


“Mə sàŋ əbɔrəbɔd ɨ nən. Mə bə̀ nàʼ mɨ əbɔrəbɔd ɨ nən. Chəi mə naʼ ɨchî nɨ ɨsɨg ə nàʼə̀. Tɨ tə fîŋ tɔb i əwən. Tɨ mbə̀ bɔ ə.


Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.”


Məd ziə nyaʼa ghɨ̀ əbɔrəbɔd ə nyɨ əkaʼ mɨ̀Jû mbɨ ə bə̂d mbe nɨ kaʼi mɨ̀Jû ɨchî nɨ wɨ̀ nyaʼa fɔtɨ əwa ənɨ mbɨ mɔʼ. Əne wɨ̀ fə swe əkən ze nɨ nyaʼə ghabrɨ əwa, əne yɨə pə̀n ze nɨ nyaʼa əkaʼ na.


Ə̀nùŋɨ̀sɨg ziə nɨə nàʼ əbɔrəbɔd, naʼ əbɔrəbɔd ɨ nən ənɨ mɨ̀nyùmə̀ jìm bə̀ fɔrɨ ənɨ mɨnə̂njɨ̀ jìm. Ə̀nùŋɨ̀sɨg chubɨ mbɨ mbə̀n mɨjìm.


Àyɨə chəi wə̀d mɔʼɔ nyaʼa gha ɨnû ɨmbə̀ʼ əməd əsaŋ əsaŋ, ɨmbə̀ʼ ɨghəm nɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû.


Yeso nyaʼa nwìə̀ chwi i ɨnyod əmbɨ mə̀mə̀ə̀nɨ̀-ɨnû mbe wum chɔ̀b mɔʼ ənɨ mbɨ nyaʼə jɨgə. Wɨ̀ nyaʼa ghàm əbɔʼ mɨ̀mə̌d ɨmbə̀ʼ ɨchî nɨ chəi mbɨ nyaʼa berɨ ɨbenɨ bə̀ fɔrɨ ɨmbə̀ʼ ɨchî nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ɨmbə̀ʼ ɨghəm nɨ chəi mbɨ nyaʼa ben ɨnû mbe nɨ bə̂d mbe nɨ nyaʼa zə əməd ənɨ wɨ̀ nyaʼa fə zwemə, nyaʼə ghàə̀.


À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.


Wɨ̀ nyaʼa jwɨ̀ ɨfě Pità, bə̀ jwɨ̀ ɨfě bə̂d tom mbe wum chɔ̀b rɨbe.


Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”


Abràham nyaʼa ghàpɨ̀ ɨghɨ mbe nɨ wɨ̀ nyaʼa yeʼe rɨ ə bid mbɨ mbɨwən ɨsɨ wum, nàʼ əsɨ ə fibɨ̀ ɨ bɔ. Əton rɨtu ənɨ ə Mèlkizedèk yɨ ni, “Ɨfɔ̂n nɨ ɨnû məd kuʼnɨ.” Wɨ̀ yɨə nyaʼə bə̀ ɨfɔ̂n ə Salèm, əne əton ə cherə ənɨ ɨkum we yɨ ni, “Ɨfɔ̂n nɨə ghɨ̀ ni bə̂d chub ənɨ əbɔrəbɔd.”


Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.


Ŋwiə̀ Mbǎʼ, mbɨ Ə̀nùŋɨ̀sɨg Yeso Kristo naʼ əbɔrəbɔd, nàʼ ɨghaʼi bə̀ nàʼ ɨbenɨ əmbɨ ə bɔŋgɔb mɨjìm.


Ŋwìə̀ we nɨə nàʼ əbɔrəbɔd chubɨ mbɨ mbə̀n mɨjìm. À yɨ əne.


Mbə mbɨə kə̀nə̀ tɨ̀nîn, àyɨə mə bɨrɨ wɨrɨ zə əwən. Ənɨ mə̀ wɨrɨ zə əwən, ɨghaʼi bɨrɨ swi ɨŋga tə fîŋ. Chəi wə̀d mɔʼɔ əŋgu nɨ bɨrɨ nɔ̀ chɨ̀ ɨghaʼi we rɨŋga tə fîŋ.


ɨmbə̀ʼ ɨghəm nɨ əsɨ ze nɨ bə̂d mɨ̀be, kɨ̀ bə̂d mɨ̀tad fetɨ əŋgu ənɨ mɨ ɨkum, mə wɨ əkaʼ mɨ̀mə̌d.”


Bə̂d mbe rɨŋga nəb ze mɨ nɨŋ əwən, ə əbɔrəbɔd ə bɨrɨ tən ɨŋga nəb ze. À mɨ yeʼ ni chəi mbɨ nɨŋ əwən, njɨ ə əbɔrəbɔd ə bɨrɨ wɨrɨ tən i ɨ nən.


Ənɨ ɨnû mbɔ̂ nyaʼa fə che i, Yeso nyaʼa yì chwi i ɨnyod əmbɨ mbi mə̀mə̀ə̀nɨ̀-ɨnû ɨban ə sà ze rɨ ə Tìberiàs. Wɨ̀ nyaʼa chwi ənɨ ɨnə̂njɨ̀ wɔ̂:


Ɨghəm wɔ̂ yɨ ɨghəm nɨ pe tad nɨ Yeso nyaʼa jwɨ ɨfě mə̀mə̀ə̀nɨ̀-ɨnû mbe ənɨ Ŋwìə̀ nyaʼa fə zwemnɨ əməd.


Ənɨ wɨ̀ nyaʼa fə zə ŋgəʼ, kwɨ, wɨrɨ zwemə, wɨ̀ nyaʼa chwi i ɨnyod əmbɨ mɨ̀mə̌d ənɨ ɨnweenɨ nɔnɔʼ ɨmbə̀ʼ mbɨ kyerɨ ni tə wɨ ɨkǎ. Ɨ wɨə nyaʼə jwɨ̀ ɨfě mɨ̀mə̌d ɨŋga ɨni ɨwum kwè. Wɨ̀ nyaʼa mɨ jwɨ̀, wɨ̀ ghà əmbɨ mɨ̀mə̌d ɨmbə̀ʼ ənû ɨfɔ̀n ə Ŋwiə̀.


Mə kɔndɨ ni mə bɨrɨ zambɨ yeʼe zə əwe. Ənɨ mə̀ yeʼe, tɨ̀ bɨrɨ ghambɨ ɨnɔ̂n.


Swiv nou:

Piblisite


Piblisite