Jn 18:30 - Meta’

³⁰ Mbɨ nyaʼa wììrɨ̀ ɨ bɔ ni, “À mɨ yeʼ nɨ chəi wɨ̀ kəʼ gù ənû, njɨ chəi tɨ̀ nɨŋ əməd yeʼe naʼ ɨ ne.”

Ikan feg

³⁰ Mbi ya ywìtì gha “Àkə aghi ne chəyi wì kə̀ gùghi anug, nji chəyi tì niŋ aməd yèʼe nàʼ ine.”

Jn 18:30 Referans Kwoze

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Jn 19:12

Ənɨ Pailèt nyaʼa zu ənû zɔ̂, wɨ̀ nyaʼa kə̀b ni njɨ tə chɨ̀ əməd sàŋɨ̀, àyɨə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa kyeŋ rɨ̀kǎ ghà ni, “À mɨ tɔ chɨ̀ mbaŋə̀ zɔ̂ sàŋɨ̀, kaʼ àwɔ̀ yɨ e sə̀ʼ Kaisà! Wə̀d we nɨə nɨŋ i ɨnyod ni tə yɨ ɨfɔ̂n yɨə wə̀d pə̀n Kaisà.”

Lk 24:7

'Mbɨ berɨ yim Wan Wə̀d nàʼ əmbɨ ə bə̂d mbe nɨə ghɨ̀ ɨnû rɨbɔ̀ŋ. Bə̂d mbe bɨrɨ kombɨ əməd əzed ə baʼnɨ, àyɨə ɨni nɨə pè ɨtad, wɨ̀ zwemə.'”

Mk 15:3

Bə̂d kyeŋ mbe rɨ ə mbàn Ŋwìə̀ nyaʼa zɨ̀ ɨnû nɔnɔʼ ɨgwɨ məd.

Mk 10:33

Wɨ̀ nyaʼa ghà əmbɨ mɨ̀mə̌d ni, “Mbə̀ zə, tɨ̀ yɨ əni kɔʼə wò ə Jèrusalèm. Tɨ̀ mɨ pè əŋgu, mbɨ bɨrɨ yim Wan Wə̀d nàʼ əmbɨ bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌. Bə̂d mbɔ̂ bɨrɨ sob ɨsaʼi ni mbɨ zwiirɨ əməd. Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû.

Jn 18:29

Əne Pailèt nyaʼa jwɨ̀ wò kumnɨ mɨ̀mə̌d ɨsɨg, biirɨ əmbɨ mɨ̀mə̌d ni, “Ɨsaʼi we nɨ mbə̀ zɨ ɨgun ə mbaŋə̀ zɔ̂ kɨ ni ye ə?”

Jn 18:31

Pailèt nyaʼa ghà əmbɨ mɨ̀mə̌d ni, “Mbə̀ nɨŋ əməd mbənə mbənə wò saʼ əməd ɨchî nɨ tə rɨkə chwiə.” Bə̂d mbe nɨ nyaʼə tekɨ ɨnû ɨŋga əbəŋ mɨ̀Jû nyaʼa wììrɨ̀ ɨ bɔ ni, “Chəi ta rɨkə chwiə nɨ tɨ̀ zwiirɨ wəd.”

2 Timotì 2:9

À yɨ ɨmbə̀ʼ ɨkə̂n chɔ̀m wɔ̂ nɨ mɨə zəə ŋgəʼ pè ənɨ mbɨ fə kod əmɨ ənɨ mɨ̀kàrə̀ mbɔ̂ ɨghabɨ ni mə fə gù ɨkə. Ɨ mbe tɨ̀ mbɨ kod əmɨ, àyɨə chəi ənɨ tɨ̀ mbɨ kod ɨŋgam Ŋwiə̀ ənɨ mɨ̀kàrə̀.

1 Pità 4:15

Wə̀d mɔʼɔ rəbɔʼ nən mɨ yeʼə zəə ŋgəʼ, tɨ wɨ̀ zə i ɨmbə̀ʼ ɨghəm nɨ wɨ̀ zwiirɨ wə̀d, kɨ̀ ɨmbə̀ʼ ɨghəm nɨ wɨ̀ jɨ̂, kɨ̀ ɨmbə̀ʼ ɨghəm nɨ wɨ̀ ghɨ ənû rɨbɔ̀ŋ, kɨ̀ ɨmbə̀ʼ ɨghəm nɨ wɨ̀ zɨ i ɨchû ɨŋga ɨnû bə̂d cherə.