Jn 17:13 - Meta’

¹³ “Tɨ̀nîn mə wɨə yeʼe əsɨ ne. Mə wɨə ghà ɨnû mbɔ̂ ənɨ mə̀ kɨrɨ ɨŋga ɨsɨg ɨmbə̀ʼ ɨghaʼi swi ɨŋga fîŋ tɨ mɨ̀mə̌d, ɨchî nɨ wɨ bə swi ɨŋga mɨ fîŋ.

Ikan feg

¹³ Wì ya ywìrì gha, “Amad anìŋ, mə̀ ya anìŋ se yèʼe amə abɔ̀ʼ ine. Ane, mə̀ ya ghà inug mbo̰ ne mə̀ kiri yaʼi inga isəg, ni ghì gha mbɔb ya taŋ gyènde icheg inum.

Jn 17:13 Referans Kwoze

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Jn 15:11

Mə fə gha ɨnû mbɔ̂ ɨ nən ɨmbə̀ʼ ɨghaʼi we nɨ yeʼ ɨŋga mɨ fîŋ bə̀ yeʼ ɨŋga tən fɔrɨ ni ɨghaʼi swi ɨŋga tə fîŋ.

Jn 3:29

Wə̀d we nɨ berɨ ɨgən yɨ ɨnom ɨgən. Ɨsə̀ʼ ɨnom ɨgən mɨ təm ɨban zu ənɨ wɨə ghàmə̀, wɨ̀ bɨrɨ kaŋ ghaʼ kwàʼ rɨŋgəʼ ɨmbə̀ʼ ɨghəm nɨ wɨ̀ zu gɨ̂ ɨnom ɨgən we. Əne ɨghaʼi ə kàŋ swi ɨŋga mɨ fîŋ.

1 Jɔn 1:4

Tɨ̀ wɨə ŋwàʼnɨ̀ ɨnû mbɔ̂ ɨ nən ɨmbə̀ʼ ɨghaʼi swi ɨŋga ta fîŋ.

Jn 13:3

Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

2 Jɔn 1:12

Mə berɨ ɨnû nɔnɔʼ nɨ gha ɨ nən, àyɨə chəi mə bɨrɨ ŋwàʼnɨ̀ ɨŋga ə̀ŋwàʼnɨ̀. Mə kɔndɨ yeʼ ni mə bɨrɨ yeʼe zə əwən bə̀ ghàmbɨ̀ mbɨ nən mɔ̌ mɔ̌, ɨmbə̀ʼ ɨghaʼi swi ɨŋga ta fîŋ.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Ɨ̀fàʼì 13:52

Ɨghaʼi mbɨ Əzwî ə Zeŋɨ nyaʼa swi ɨŋga bə̂d mbe nɨ nyaʼa ben ə Kristo ə Antiɔ̀k.

Jn 7:33

Yeso nyaʼa ghà əmbɨ mɨ̀mə̌d ni, “Mə bɨrɨ kɨrɨ chubɨ mbɨ nən ɨkə nyùmə̀. Ənɨ ə nyùmə̀ we fə che, mə bɨrɨ bəndɨ wò əsɨ məd we nɨ nyaʼa tom əmɨ.

Jn 17:11

Tɨ̀nîn mə wɨə sàŋ ɨsɨg sɨə yeʼe əsɨ ne. Àyɨə mɨ̀mə̌d mbɨə kɨrɨ ɨŋga ɨsɨg. Mɨ Mbǎʼ nɨ Zeŋɨ màànɨ̀, nəŋgɨ mɨ̀mə̌d ənɨ ɨka we nɨ yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Nəŋgɨ mɨ̀mə̌d ɨmbə̀ʼ mbɨ yeʼ ənɨ ənû ə mɔʼ, ɨchî nɨ mɔ̌ mbɨ ne tɨ̀ bə̀ yeʼ ənɨ ənû ə mɔʼ.