Jn 16:32 - Meta’

³² Nyùmə̀ wɨə yeʼe, təsìʼ yɨ ni nyùmə̀ we fə yeʼe i nɨ mbə̀ bɨrɨ jàŋə̀. Wə̀d mɔʼ mɔʼ bɨrɨ wo əkwɨ ni, əne mbə̀n mɨjìm bɨrɨ saŋ əmɨ rə̀zìʼ. Àyɨə chəi əmɨ rə̀zìʼ, ɨmbə̀ʼ ɨghəm nɨ Mbǎʼ wɨ i mbɨ num.

Ikan feg

³² Nyùmə̀ we yèʼe ne mbə̀ biri sàkà. Tesiʼ ya gha, nyùmə̀ we fə yeʼe. Wə̀d imɔʼ imɔʼ biri ghò ini inga achan. Mbə̰ biri waʼ amə tèzìʼì. Si ya gha, chəyi mə̀ biri yaʼi tèzìʼì imbə̀ʼ icheg ne ìmə Mbaʼ we yi tì inum.

Jn 16:32 Referans Kwoze

Matìyò 26:31

Ənɨ Yeso mbɨ mbi mə̀mə̀ə̀nɨ̀-ɨnû nyaʼa pè ɨkaŋ Ɨwum mɨ̀Olìf we, wɨ̀ nyaʼa ghà əmbɨ mɨ̀mə̌d ni, “Mbə bɨrɨ norə əwən sàŋ əmɨ ɨzimɨ wɔ̂. Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Mə bɨrɨ zwiirɨ ənə̂ŋgɨ̀-njɨ̀g, əne ɨnɔ̂n njɨ̀g we bɨrɨ jàŋə̀.'

Jn 8:29

Məd we nɨ nyaʼa tom əmɨ wɨ i mbɨ num. Chəi wɨ̀ saŋ əmɨ rə̀zìʼ, ɨmbə̀ʼ ɨghəm nɨ mə wɨə ghɨ̀ àmei ɨnû mbe nɨ bɔŋ ɨ bɔ.”

Jn 8:16

Ka mə be yeʼə saʼə bə̂d, mə wɨə saʼ ɨchî nɨ kùʼnɨ̀, ɨmbə̀ʼ ɨghəm nɨ kaʼ i mɔ̌ rə̀zìʼ ə saʼə. Mə wɨə saʼə mbɨ Mbǎʼ we nɨ nyaʼa tom əmɨ.

Mk 14:27

Ənɨ Yeso mbɨ mbi mə̀mə̀ə̀nɨ̀-ɨnû nyaʼa pe ɨkaŋ Ɨwum mɨ̀Olìf we, wɨ̀ nyaʼa ghà əmbɨ mɨ̀mə̌d ni, “Mbə̀n mɨ̀jìm bɨrɨ norə əwən sàŋ əmɨ. Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Mə bɨrɨ zwiirɨ ənə̂ŋgɨ̀-njɨ̀g, əne njɨ̀g te bɨrɨ jàŋə̀.'

Matìyò 26:56

Ɨnû mbɔ̂ jìm fə ghɨ̀ ɨmbə̀ʼ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨ jwɨ ənɨ rəsìʼ.” Ənɨ wɨ̀ nyaʼa ghà əne, mə̀mə̀ə̀nɨ̀-ɨnû mbe mɨ̀jìm sàŋ əməd nòd əwən.

Jn 20:10

Mə̀mə̀ə̀nɨ̀-ɨnû mbe nyaʼa zə ɨnû mbe əne, bə̀ndɨ̀ wò əsɨ ze nɨ mbɨ nyaʼə chubə.

Jn 16:25

Yeso nyaʼa wo ɨmbì gha əmbɨ mɨ̀mə̌d ni, “Mə fə ghà ɨnû mbɔ̂ ɨ nən ənɨ ɨŋgam maʼi. Mbə̀ kyerɨ ni nyùmə̀ wɨə yeʼe nɨ chəi mə̀ bɨrɨ wɨrɨ ghàm ɨ nən ənɨ ɨŋgam maʼi. Mə bɨrɨ gham ɨ nən əsaŋ əsaŋ ɨmbə̀ʼ ə Mbǎʼ.

Jn 16:2

Bə̂d bɨrɨ fid əwən rɨŋga nəb tɨ ə̀kàtɨ̀. À yɨ rəsìʼ ni nyùmə̀ wɨə yeʼe nɨ wə̀d mɔʼɔ we nɨ zwiirɨ əwən bɨrɨ kɔndɨ ni tə wɨə ghɨ̀ə̀ yeʼ ənû ze nɨ Ŋwìə̀ gha ɨ bɔ.

Jn 4:23

Nyùmə̀ wɨə yeʼe, əne wɨ̀ fə yeʼe i, nɨ bə̂d bɨrɨ wumnɨ ə Mbǎʼ ɨchî nɨ Əzwî ə chwiə. Zɨə bɨrɨ yeʼ ni mbɨ wumnɨ əməd ɨchî nɨ wɨ̀ yeʼ ə. Bə̂d mbe nɨə ghɨ̀ əne mbɨə wumnɨ ə Mbǎʼ ɨchî nɨ wɨ̀ kə̀bɨ ni mbɨ wumnɨ əməd.

Jn 4:21

Yeso nyaʼa ghà ɨ bɔ ni, “Əyî, ben ənû ze nɨ mə̀ gha ɨ ne. Nyùmə̀ wɨə yeʼe nɨ chəi mbə̀ bɨrɨ wumnɨ ə Mbǎʼ ɨgun ɨwum wɔ̂ kɨ ə Jèrusalèm.

Jn 12:23

Yeso nyaʼa wììrɨ̀ əmbɨ mɨ̀mə̌d ni, “Nyùmə̀ fə kùʼi nɨ Ŋwìə̀ bɨrɨ ghɨ ni mbɨ wumnɨ Wan Wə̀d.

Jn 5:28

Tɨ əzɔ̂ ə yeʼi ənû ə yiirɨ ɨ nən. Nyùmə̀ wɨə yeʼe nɨ bə̂d mɨjìm mbe nɨ yeʼ ɨŋga mɨ̀sì bɨrɨ zu gɨ̂ məd

Jn 5:25

Mə ghà rəsìʼ ɨ nən ni nyùmə̀ wɨə yeʼe, əne nyùmə̀ rəŋgu fə yeʼe i, nɨ ɨvɨ bə̂d bɨrɨ zu gɨ̂ Wan Ŋwìə̀. Mbe nɨ zu bɨrɨ wɨrɨ tènə̀.

Mk 14:50

Ənɨ wɨ̀ nyaʼa ghà əne, mə̀mə̀ə̀nɨ̀-ɨnû mbe mɨ̀jìm nyaʼa sàŋ əməd nòd əwən.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Jn 16:31

Yeso nyaʼa wììrɨ̀ əmbɨ mɨ̀mə̌d ni, “Mbə fə benɨ tɨ̀nîn ə?

Jn 19:27

Wɨ̀ nyaʼa bə̀ ghà əmbɨ ə̀mə̀ə̀nɨ̀-ɨnû we ni, “Zə, wɔ̂ yɨ e nɨŋ!” Ɨ kɔ rɨ ənɨ ə nyùmə̀ we, ə̀mə̀ə̀nɨ̀-ɨnû we nyaʼa nɨŋ ɨŋgɔb Yeso wò əkwɨ ni mbɨ məd.

Ɨ̀fàʼì 21:6

Ənɨ tɨ̀ nyaʼa maanɨ, tɨ̀ nyaʼa ndàʼnɨ̀ mbɨ mɨ̀mə̌d, sɨ nɔ̀ʼ wò nyɨ əbaŋ. Mbɨ nyaʼa bə̀ndɨ̀ wò əwən ɨnuʼ.