Jn 16:13 - Meta’

¹³ Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Ikan feg

¹³ Anyumə̀ ne Azwighi Ŋwiye ze ne ghìyə̀ bəd kyere tesiʼ biri yeʼe, wì biri chwiye tesiʼ ijìm inən. Chəyi wì biri ya ghàmà yaʼ ane ìwi ighəm. Wì biri ya ghà məyi anug ne wì zughi. Wì biri ghà inug ne kiri yeʼe inən.

Jn 16:13 Referans Kwoze

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Jn 14:17

Məd yɨ Əzwî ə Zeŋɨ ze nɨ bɨrɨ ghɨ ni bə̂d kyerɨ rəsìʼ. Chəi ənɨ tɨ ɨsɨg nɨŋ əməd ɨmbə̀ʼ ɨghəm nɨ chəi ənɨ tɨ̀ wɨ̀ zə əməd kɨ̀ bè kyerɨ əməd. Mbə bɨrɨ kyerɨ əməd, ɨmbə̀ʼ ɨghəm nɨ məd wɨ i mbɨ nən, bə̀ kyerɨ ni məd wɨ i ɨŋga nən.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

1 Jɔn 2:20

À yeʼ ɨmbə̀ʼ əwən, Wə̀d Zeŋɨ fə zɔʼ əwən, əne mbə̀n mɨjìm fə kyerɨ rəsìʼ.

Jn 12:49

Chəi mə̀ gha ɨnû mbɔ̂ ənɨ mɨ ɨghəm. Mɨ Mbǎʼ ziə we nɨ nyaʼa tom əmɨ fə nàʼ ɨkə ɨ num ɨmbə̀ʼ ənû ze nɨ mə berɨ nɨ ghà bə̀ ghàm.

1 Jɔn 4:6

Tɨ̀ yɨə bə̂d Ŋwiə̀, əne wə̀d mɔʼɔ we nɨ kyerɨ ə Ŋwìə̀ wɨə zwetɨ ɨnû mbe nɨ tɨə ghàə̀. Chəi wə̀d we nɨ kaʼi wə̀d Ŋwìə̀ ə zwetɨ ɨnû mbe nɨ tɨə ghàə̀. Wɔ̂ yɨ ɨchî nɨ tɨ̀ rɨ̀ kyerɨ ɨkwepɨ rɨ ənɨ əzwî ze nɨə ghɨ̀ ni tɨ̀ kyerɨ rəsìʼ bə̀ fɔrɨ tɨ ənɨ əze nɨə tambɨə bə̂d.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Ɨnû 1:19

Əne ŋwàʼnɨ̀ ɨnû jìm mbe nɨ à fə zə, əne yɨ mbe nɨ yeʼ rɨ̀nîn mbɨ mbe nɨ bɨrɨ ghɨ̀ əwu rənjìm.

Jn 8:38

Mə wɨə ghà ɨnû mbe nɨ mə nyaʼa zə ənɨ mə nyaʼa mbɨ mɨ Mbǎʼ, àyɨə mbə̀ mbɨə ghɨ̀ə̀ yeʼ mbe nɨ mbə̀ nyaʼa zu rɨ əmbɨ mbə mɨ̀mbǎʼ.”

2 Tès 2:3

Tɨ mbə̀ ben ə ni wə̀d mɔʼɔ che ənɨ ɨkwɨ ɨnə̂njɨ̀ mɔʼɔ tambɨ əwən, ɨmbə̀ʼ ɨghəm nɨ chəi əni ze ə bɨrɨ kɨrɨ yeʼe pè ənɨ bə̂d mbe nɨ bɨrɨ ton ɨnû jìm ɨmbə̀ʼ ə Ŋwiə̀ fə yeʼe, wə̀d we nɨ ton ə Ŋwiə̀ bə̀ ton tɨkə rɨ məd bə̀ jwɨ̀ bə̂d zə. Məd yɨ we nɨ bɨrɨ nim.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

2 Tès 2:12

Wɨ̀ fə bə̀ ghɨ̀ əne ɨmbə̀ʼ wɨ̀ zɨ ɨsaʼi ɨgun ə bə̂d mɨ̀jìm mbe nɨ chəi mbɨ nyaʼa ben rəsìʼ, nɨ mbɨə ghɨ̀ yeʼ ɨnû nɨ chəi mbɨ kuʼnɨ.

Ɨ̀fàʼì 27:24

ghà ni, 'Tɨrə̀ bɔ e, kyɨə Pɔ̂l, ɨmbə̀ʼ ɨghəm nɨ à berɨ wo təm ɨfě Kaisà. Zə ni Ŋwìə̀ fə ghɨ̀ ɨ̀chɔ̀m ənɨ ə ne. Wɨ̀ fə ghɨ̀ ni bə̂d mɨjìm mbe nɨə yènə̀ mbɨ ne tən əwən.'

Ɨ̀fàʼì 20:23

Ənû nɨ mə̀ kyerɨ yɨ ni Əzwî ə Zeŋɨ ə zɨə ghà ɨ num ɨsɨ jìm ni ndəŋ fɔrɨ ŋgəʼ mbɨə wòm əmɨ.

Jn 3:32

Məd wɨə ghàə̀ ɨnû mbe nɨ wɨ̀ fə zə bə̀ zu, àyɨə chəi wə̀d nɨ ben ənû ze nɨ wɨə ghàə̀.

Ɨ̀fàʼì 11:28

Əzwî ə Zeŋɨ ə nyaʼa ghɨ̀ ni wɨ mɔʼɔ rəbɔʼ mɨ̀mə̌d, nɨ ɨkum məd nyaʼə Agabùs, nɔʼ təm rətiə ghà ni njì kǎ kǎ bɨrɨ nyɨ ɨŋga ɨsɨg jìm. (Ənû zɔ̂ ə nyaʼa ghɨ̀ ənɨ ə nyùmə̀ we nɨ Klodiùs nyaʼə tùmbɨ̀ ɨbeŋ jìm mbe nɨ məRom nyaʼa maʼ bid baŋ ə).

Jn 16:12

“Mə kɨrɨ berɨ ɨnû nɔnɔʼ nɨ gha ɨ nən, àyɨə ɨnû mbe ə nɔʼ chè ɨchî nɨ tɨ̀ mbə zu rɨ̀nîn yim ɨjìm.

Mə̀Hibrù 1:1

À nyaʼa əŋwe, Ŋwìə̀ nyaʼa chè ənjìm mbi bə̂d ɨ̀kə̀n ghàm əmbɨ mba mɨ̀mbǎʼ rəŋwe. Ɨ wɨə nyaʼə ghɨ̀ əne ɨghəm nɔnɔʼ bə̀ fɔrɨ ənɨ mɨchî nɔnɔʼ.

1 Jɔn 5:6

Ənɨ Yeso Kristo nyaʼa yeʼe, wɨ̀ nyaʼa chwiə ni tə yɨə Wan Ŋwìə̀ ɨchî nɨ wɨ̀ nyaʼa nɨŋ mɨnib mbɨ ɨchî nɨ wɨ̀ nyaʼa chəmnɨ e ənəm əzed ə baʼnɨ. Chəi wɨ̀ nyaʼa nɨŋ àmei mɨnib, wɨ̀ nyaʼa nɨŋ mɨnib bə̀ chəmnɨ e ənəm. Əzwî ziə ə zɨə ghàə̀ ni ənû zɔ̂ yɨ ənû rəsìʼ, ɨmbə̀ʼ ɨghəm nɨ à yɨə Ŋwìə̀ ə nàʼ Əzwî rəsìʼ.