Jn 15:5 - Meta’

⁵ “Mɔ̌ yɨ əzed ə vaìn. Mbə yɨ rɨtəb vaìn. Wə̀d we nɨ chub ənɨ ənû ə mɔʼ mbɨ num, mə bɨrɨ bɨ chub ənɨ ənû ə mɔʼ mbɨ məd, əne məd bɨrɨ kɔ rɨtam nɔnɔʼ. Chəi ənɨ tɨ̀ mbə ghɨ̀ ənû ə mɔʼɔ ənɨ ə ɨghəm nɨ chəi əmɨ əŋgu.

Ikan feg

⁵ Mo ya azed vayìn. Mbə̰ ya tìtab. Mbə̰ mə̀ chùghi ane anug amɔʼ tì inum icheg ne mə bə yaʼ ane anug amɔʼ tì inən, mbə biri ya ko titam kwàʼ ti ndan ndàn. Àmə chəyi mo, chəyi aghi mɔ̀ʼɔ ne tì mbə̰ ghì.

Jn 15:5 Referans Kwoze

Fìlipì 4:13

Mə we tɨ̀ mə ghɨ̀ ɨnû jìm ənjìm ɨka we nɨ Kristo naʼ ɨ num.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

2 Kɔrèn 13:8

Chəi ənɨ tɨ̀ rɨ̀ ghɨ ənû ə mɔʼɔ ze nɨ chwi ni chəi tɨ̀ ghaʼ rəsìʼ, ɨmbə̀ʼ ɨghəm nɨ tɨ̀ fə təm àmei ɨgun rəsìʼ.

Jn 5:19

Yeso nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mə ghà rəsìʼ ɨ nən ni, chəi ənɨ tɨ̀ Wan ghɨ̀ ənû ə mɔʼɔ ənɨ i ɨghəm. Məd wɨə ghɨ̀ àmei ɨnû mbe nɨ wɨ̀ zə ənɨ Mbǎʼ ə ghɨ̀ə̀. Ənû ze nɨ Mbǎʼ ə ghɨ̀ə̀, Wan bɨrɨ bɨ ghɨ̀.

Jems 1:17

Ɨghɨ chɔ̀m jìm mbɨ ɨneʼe jìm we nɨ bɔŋɨ màànɨ̀ yɨ rɨkaŋ. Mbɨ yɨ rɨ əmbɨ ə Mbǎʼ we nɨ nyaʼa tekɨ ɨghɨjìm mbe nɨ yeʼ ɨkaŋ, nɨ à yɨə məd ə nàʼ ɨzeŋɨ zeŋɨ. Kaʼ məd wɨə kwepɨ i. Kaʼ ɨchî nɨ wɨə beŋ ɨnyod wɨə ghɨ̀ i ni ɨsɨ fin.

2 Pità 3:18

Àyɨə mbə wo ɨmbì kwi ɨŋga ɨ̀chɔ̀m fɔrɨ ɨŋga ənû nɨ kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ. Bə̂d mɨ̀jìm wumnɨ məd kɔ rɨ̀nîn wò nwì koŋ! À yɨ əne.

Jn 12:24

Mə ghà rəsìʼ ɨ nən ni fɨtam kywɨ̀ mɨ rɨ nyɨ i ɨŋga si, kwɨ, fɨ bɨrɨ ten tə̀zìʼ wi. Fɨ mɨ kwɨ, fɨ bɨrɨ kɔ rɨtam nɔnɔʼ.

Rm 7:4

Mbɨ bɔŋgɔb, à yɨ əndəŋ əndəŋ ni chəi tɨkə wɨrɨ berɨ ənû ə mɔʼɔ nɨ ghɨ mbɨ nən ənjìm ə nyamnyod Kristo, ɨmbə̀ʼ mbə̀ yeʼ bə̂d wə̀d cherə. Mbə yɨə bə̂d wə̀d we nɨ Ŋwìə̀ nyaʼa zwemnɨ. Tɨ̀ yɨə bə̂d məd ɨmbə̀ʼ tɨ̀ faʼ əmbɨ ə Ŋwiə̀ ɨchî nɨ kuʼnɨ.

Fìlipì 1:11

Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Jn 9:33

À mɨ yeʼ nɨ kaʼi Ŋwìə̀ kəʼ tom mbaŋə̀ zɔ̂, njɨ chəi ənɨ tɨ̀ wɨ̀ ghɨ̀ ənû ə mɔʼɔ.”

Fìlipì 4:17

Chəi mə̀ gha əne ɨmbə̀ʼ ɨghəm nɨ mə̀ kəb ni mbə naʼ ɨghɨ ɨ num. Mə kə̀b yeʼ ni Ŋwìə̀ chwɨ əwən ɨchî nɨ mbə̀ weerɨ əmɨ.

Rm 6:22

Tɨ̀nîn nɨ chəi ɨnû rɨbɔ̀ŋ wɨrɨ berɨ ənû ə mɔʼɔ nɨ ghɨ mbɨ nən, mbə̀ yɨ sɨ ɨ̀bòʼò əmbɨ ə Ŋwiə̀. Əghɨ ze nɨ mbə̀ bɨrɨ jɨg yɨ ɨzeŋɨ zeŋɨ, əne ɨnwǐ yɨ ɨ̀tènɨ̀ rɨ mì,

Ɨ̀fàʼì 4:12

Chəi wə̀d cherə nɨ tɨ̀ wɨ̀ chɨ̀ bə̂d rəŋgəʼ, ɨmbə̀ʼ ɨghəm nɨ chəi wə̀d cherə ɨgwɨ ə si nɨ Ŋwìə̀ nyaʼa nuŋ ni wɨ̀ chɨ bə̂d rəŋgəʼ.”

1 Kɔrèn 12:12

Ɨchî nɨ nyamnyod mei mɔʼ mbɨ ɨsɨ ɨnyod nɔnɔʼ, əne ɨsɨ ɨnyod jìm, ka mbɨ bè nɔʼ i, yɨə nyamnyod mɔʼ. À yɨ ɨchî nɨ nyamnyod Kristo yeʼ we.

1 Pità 2:4

Mbə yeʼe əsɨ məd we nɨ yeʼ ɨti we nɨ yeʼ ɨka. Bə̂d nyaʼa ton əməd, àyɨə Ŋwiə̀ nyaʼa chɔʼ əməd. Məd ə bɔ̀ŋ kwàʼ rɨŋgəʼ ɨfě Ŋwiə̀.

1 Kɔrèn 12:27

Tɨ̀nîn, mbə̀ yɨə nyamnyod Kristo, əne wə̀d mɔʼ mɔʼ rəbɔʼ nən yɨ əba rɨ ənɨ ə nyamnyod ze.

Efesùs 5:9

ɨmbə̀ʼ ɨghəm nɨ ɨzeŋɨ zeŋɨ mɨ yeʼə te ɨgun ə bə̂d, mbɨ bɨrɨ ghɨ ɨnû nɨ bɔŋɨ bə̀ kuʼnɨ bə̀ yeʼ mbɨ rəsìʼ.

2 Kɔrèn 9:10

Ŋwiə̀ we nɨə nàʼ ɨghɨ ŋgwèd əmbɨ wə̀d we nɨə fàʼə̀ mbeŋ, bə̀ nàʼə̀ ŋgə̀ŋ ni bə̂d jɨg, bɨrɨ naʼ ɨghɨjìm mbe nɨ mbə̀ kəbɨ mbɨ nɔʼ. Əne bə̂d mɨ̀nɔnɔʼ bɨrɨ jɨg tɨ ənɨ ɨchî nɨ mbə̀n ə sàŋnə.

Kòlosè 1:6

nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

Rm 12:5

Əne mba mbɔ̂ nɨ nɔʼɔ, tɨ̀ yɨə nyamnyod mɔʼ ɨchî nɨ tɨ̀ yeʼ ənɨ ɨfɔtɨ mbɨ Kristo. Wə̀d mɔʼ mɔʼ fə sɨ ɨba rɨ ənɨ ə nyamnyod wə̀d jìm.

1 Kɔrèn 10:16

Toʼ ze nɨ tɨə nɔə rɨŋga ənɨ tɨə jɨg Ɨtarɨ Ə̀nùŋɨ̀sɨg, əne nàʼə̀ məben-əwe əmbɨ ə Ŋwiə̀, ka à wa kɨ i ni mbà mɨjìm mbɨə nɔ ənəm ə Kristo ə? Ŋgə̀ŋ ze nɨ tɨə bəʼrɨə bə̀ jɨgə, ka à wa kɨ i ni mbà mɨjìm mbɨə kurə nyamnyod Kristo ə?

Matìyò 13:21

Chəi ɨŋgam we jeŋgɨ nyɨ ɨŋga fîŋ tɨ mɨ̀mə̌d. Wɨ chub àmei ənɨ ɨkə nyumə̀. Ənɨ ŋgəʼ yeʼe kɨ̀ ənɨ mbɨə nwèndɨ̀ tɨkyerɨ-ɨwu mɨ̀mə̌d ɨmbə̀ʼ ɨŋgam we, mbɨ ton ɨŋgam we əwu əwən.