Jn 15:27 - Meta’

²⁷ Mbə̀n bə̂ bɨrɨ bɨ gha ɨnû ɨmbə̀ʼ əmɨ, ɨmbə̀ʼ ɨghəm nɨ mbə̀ mbɨə nyaʼa mbɨ num tɨ ənɨ mə̀ nyaʼa kɔ chwi ɨnû.

Ikan feg

²⁷ Mbə̰ inən biri bə̀ tòʼrì inug imbə̀ʼ amə abə bəd imbə̀ʼ icheg ne, mbə̰ ya yaʼ abɔ̀ʼ inum, nɔ̀ʼ ane nyumə̀ ne, mə̀ ya ko àmə àfàʼì.”

Jn 15:27 Referans Kwoze

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

Jn 21:24

Ə̀mə̀ə̀nɨ̀-ɨnû wɔ̂ yɨ we nɨə ghà ɨnû mbɔ̂. Məd yɨ we nɨ bə̀ ŋwàʼnɨ̀ ə si. Tɨ̀ kyerɨ ni ənû ze nɨ wɨ̀ ghǎ yɨ ənû rəsìʼ.

Lk 24:48

Mbə yɨ mɨ̀zərɨmbin ənɨ ɨnû mbɔ̂, əne mbə̀ bɨrɨ bə̀ sɨə ghà əmbɨ ə bə̂d cherə.

Ɨ̀fàʼì 23:11

À nyaʼa ɨzimɨ we, Ə̀nùŋɨ̀sɨg nyaʼa təm ɨban ə Pɔ̂l ghà ni, “Yim fîŋ! Ɨchî nɨ à fə gha ənû ɨmbə̀ʼ əmɨ ə Jèrusalèm, à berɨ bɨ gha ə Rom.”

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

Ɨ̀fàʼì 4:20

Chəi tɨ̀ bɨrɨ sob nɨ gha ɨnû mbe nɨ tɨ̀ fə zə bə̀ zu.”

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 1:2

Jɔ̌n fə ghà ɨnû jìm mbe nɨ wɨ̀ nyaʼa zə, əne yɨ ɨnû ɨmbə̀ʼ ɨŋgam Ŋwiə̀ mbɨ ɨnû ɨmbə̀ʼ ə Yeso Kristo.

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 13:31

Ɨ wɨə nyaʼa jwɨ̀ ɨni nɔnɔʼ ɨfě bə̂d mbe nɨ nyaʼə yènə̀ mbɨ məd kɔ rɨ ə Galiliî wò pè ə Jèrusalèm. Bə̂d mbe nɨ wɨ̀ nyaʼa jwɨ ɨfě mɨ̀mə̌d yɨ mɨ̀zərɨmbin mbe nɨə sɨə ghà ɨnû ɨmbə̀ʼ əməd əmbɨ mɨ̀Izre tɨ̀nîn.

Ɨ̀fàʼì 4:33

Bə̂d tom Kristo mbe mbɨə nyaʼə ghà ɨmbə̀ʼ ɨchî nɨ Ə̀nùŋɨ̀sɨg Yeso nyaʼa zwemə. Ɨ mbɨə nyaʼə ghà əne ənɨ ɨnə̂njɨ̀ nɨ kaanɨ. Ɨ̀chɔ̀m Ŋwiə̀ wɨə nyaʼa ɨgwɨ mɨ̀mə̌d mɨjìm.

Jn 19:35

Wə̀d we nɨ nyaʼa zə ənû zɔ̂ fə ghà ɨmbə̀ʼ əzɨ əwən, ɨmbə̀ʼ mbə̀n bə̂ bə̀ benɨ. Məd ziə ə kyerɨ ni ənû ze nɨ wɨ̀ ghǎ yɨ ənû rəsìʼ.

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Mk 1:1

Ɨkɔ rɨ ənɨ ɨkə̂n chɔ̀m ɨmbə̀ʼ ə Yeso Kristo we nɨ yeʼ Wan Ŋwìə̀.