Jn 15:20 - Meta’

²⁰ Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Ikan feg

²⁰ Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Jn 15:20 Referans Kwoze

2 Timotì 3:12

Mbɨ bɨrɨ kàŋ nwendɨ tɨkyerɨ-ɨwu bə̂d mɨ̀jìm mbe nɨ ben ə Kristo Yeso. Mbɨ berɨ ghɨ əne ɨmbə̀ʼ ɨchî nɨ ɨ mbɨə chub ɨchî nɨ Ŋwìə̀ kəbɨ.

Jn 13:16

Mə ghà rəsìʼ ɨ nən ni chəi wə̀d ə̀fàʼì mɔʼɔ nɨ dabə chè i mbǎʼ ə̀fàʼì, kɨ̀ wə̀d tom nɨ dabə chè wə̀d we nɨ tom əməd.

Matìyò 10:24

“Chəi ə̀mə̀ə̀nɨ̀-ɨnû che wə̀d we nɨ chwi ɨnû ɨ bɔ. Chəi wan ə̀fàʼì bə chè i mbǎʼ ə̀fàʼì.

2 Kɔrèn 4:9

Bə̂d mbɨə nwèndɨ̀ ta rɨkyerɨ-ɨwu, àyɨə chəi Ŋwìə̀ waʼ əwa. Bə̂d mbɨə gywɨ̀ əwa tum ə si, àyɨə chəi ənɨ tɨ mbɨ zwiirɨ əwa.

1 Kɔrèn 4:12

Tɨ̀ wɨə fàʼ rɨ̀kǎ ənɨ mba ɨbɔ. Ənɨ bə̂d zɔm əwa, tɨ̀ wɨə nàʼə̀ yeʼ əbɔrəbɔd. Ənɨ mbɨ nwendɨ ta rɨkyerɨ-ɨwu, tɨ̀ wɨə nyìʼə̀.

Jn 8:51

Mə ghà rəsìʼ ɨ nən ni, wə̀d mɔʼɔ mɨ yeʼə ghɨ̀ ɨnû mbe nɨ mɨə ghàə̀, njɨ ka wɨ̀ bɨrɨ nɔ kwɨ i.”

Lk 6:40

Chəi ə̀mə̀ə̀nɨ̀-ɨnû chè wə̀d we nɨ chwi ɨnû ɨ bɔ, àyɨə wə̀d jìm we nɨ mbɨ jeŋgɨ chwi ɨnû ɨ bɔ bɨrɨ yeʼ ɨghabɨ we nɨ chwi ɨnû ɨ bɔ.

1 Tèsàlonikà 2:15

Mbɨ mɔʼɔ nyaʼa zwiirɨ ə Yeso, mbɨ mɔʼɔ nyaʼa zwiirɨ bə̂d ɨ̀kə̀n Ŋwiə̀, mbɨ mɔʼɔ nyaʼa fid əwa tɨ ɨŋga ɨbeŋ mɨ̀mə̌d. Ɨ mbɨə nyaʼə ghɨ̀ ɨnû nɨ chəi fîŋ Ŋwìə̀ nyaʼa bɔŋ əbɔʼ mɨ̀mə̌d. Mbɨ yɨə bə̂d pə̀n əmbɨ wə̀d jìm,

Jn 10:31

Mɨ̀Jû nyaʼa wɨrɨ gwe əti ɨmbə̀ʼ tumbɨ əməd.

Jn 11:57

Bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa fə ghà ni wə̀d mɔʼɔ mɨ kyerɨ əsɨ ze nɨ Yeso yeʼ əŋgu, wɨ̀ ghɨ mbə̀ kyerɨ, ɨmbə̀ʼ mbə̀ gywɨ əməd.

Jn 8:59

Ənɨ wɨ̀ nyaʼa gha əne, mbɨ nyaʼa gwe əti ni mbə bɨrɨ tumbɨ əməd əŋgu, àyɨə wɨ̀ nyaʼa nə̀mbɨ̀ i, əne jwɨ̀ i rɨŋga mbàn Ŋwìə̀.

Jn 7:32

Mɨ̀Farisiî nyaʼa zu ɨchî nɨ ɨnɔ̂n bə̂d we nyaʼə chùmbɨ̀ ɨnû ɨmbə̀ʼ ə Yeso, əne mɨ̀mə̌d mbɨ ə bə̂d kyeŋ mbe rɨ ə mbàn Ŋwìə̀ nyaʼa tom Mənə̂ŋgɨ̀ mbàn Ŋwìə̀ ni mbɨ wo gywɨ̀ əməd.

Jn 5:16

Mbɨ nyaʼa zu əne kɔ nwendɨ tɨkyerɨ-ɨwu Yeso, ɨmbə̀ʼ ɨghəm nɨ wɨ̀ nyaʼa vɨ wə̀d əni əkwɨ.

Lk 2:34

Simiòn nyaʼa zɨ̀ əbɔrəbɔd ɨgwɨ mɨ̀mə̌d əne ghà əmbɨ Mèri, ɨŋgɔb wan we ni, “Wan wɔ̂ bɨrɨ ghɨ ni bə̂d mɨ̀nɔnɔʼ gu ə. Wɨ̀ bɨrɨ bɨ nɔɔrɨ bə̂d mɨ̀nɔnɔʼ ɨŋga Izre. Məd bɨrɨ yeʼ ənweenɨ nɨ Ŋwìə̀ naʼa nɨ chəi bə̂d bɨrɨ benɨ.

Jn 8:52

Bə̂d mbe nyaʼa ghà ɨ bɔ ni, “Tɨ̀ fə kàŋ kyerɨ tɨ̀nîn ni əzwî rɨbɔ̀ŋ ə zɨ ɨŋga ne. Abràham nyaʼa kwɨ, bə̂d ɨ̀kə̀n Ŋwiə̀ nyaʼa bə̀ kwɨ, àyɨə à wɨə ghàə̀ ni, ka wə̀d we nɨə ghɨ̀ ɨnû mbe nɨ àwɔ̀ ə ghàə̀ bɨrɨ nɔ kwɨ i.

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Mk 10:39

Mbɨ nyaʼa wììrɨ̀ ɨ bɔ ni, “Tɨ̀ we tɨ̀ rɨ̀ ghɨ̀ əne.” Yeso nyaʼa sɨ ghà əmbɨ mɨ̀mə̌d ni, “Mbə bɨrɨ zə ŋgəʼ ze nɨ mɨə zəə, bə̀ nɨŋ mɨnib ɨchî nɨ mə bɨrɨ nɨŋ;