Jn 14:1 - Meta’

¹ Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Tɨ tə fîŋ tɔb i əwən. Mbə̀ ben ə Ŋwiə̀ bə̀ ben əmɨ.

Ikan feg

¹ Yeso ya ghà abə ìmbi mə̀mə̀nənùg gha, “Imbə̀ʼ mbə̰ sàŋa awən gha anug mɔ̀ʼɔ nàʼ ngəʼ inən. Mbə̀ nɔŋɔ ìwən ibḛfiŋ igun Ŋwiye. Mbə̀ bə nɔ̀ŋì ìwən ibḛfiŋ igun inum.

Jn 14:1 Referans Kwoze

Jn 12:44

Yeso nyaʼa ghàm rɨ̀kǎ ghà ni, “Wə̀d mɔʼɔ we nɨ ben əmɨ, kaʼi wɨ̀ ben àmei əmɨ. Wɨ̀ fə bə̀ ben yeʼ məd we nɨ nyaʼa tom əmɨ.

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

Jn 13:19

Mə wɨə ghà ənû zɔ̂ ɨ nən rɨ̀nîn bɔŋ zɨə sɨə ghɨ̀ə̀, ɨmbə̀ʼ ənɨ zɨə ghɨ, mbə bɨrɨ ben ni mɔ̌ yɨə wə̀d we nɨ mə̀ yeʼ wɨwən.

Efesùs 1:15

Tɨ ənɨ mə̀ nyaʼa zu ɨmbə̀ʼ ɨbenɨ we nɨ mbə̀ berɨ ɨgwɨ Ə̀nùŋɨ̀sɨg Yeso bə̀ zu ɨchî nɨ mbə̀ ghaʼ bə̂d Ŋwiə̀ mɨjìm,

Jn 12:27

Yeso nyaʼa ghà ni, “Tɨ̀nîn mɨ fîŋ zɨə tɔb əmɨ. Mə kɨə wo gha ni yè ə? Tɨ̀ mə ghà ni, mɨ Mbǎʼ, tɨrə̀ ben e ni nyùmə̀ wɔ̂ yeʼe ɨgwɨ num ə? Chə̂, mə nyaʼa yeʼe ɨmbə̀ʼ nyùmə̀ wɔ̂.

2 Tès 2:2

tɨ mbə ɨtu buurɨ i kɨ̀ tə fîŋ tɔb əwən ɨmbə̀ʼ bə̂d mbe nɨə ghà ni əni ze nɨ Ə̀nùŋɨ̀sɨg bɨrɨ wɨrɨ yeʼe fə pè. Ka mbɨ bè ghà ə ni à yɨ Əzwî ə gha ɨ na, kɨ̀ nɨ à yɨə mbǎ nyaʼa ŋwaʼnɨ, kɨ̀ nɨ à yɨə mbǎ nyaʼa ghamɨ, tɨ mbə̀ ben ə.

2 Kɔrèn 2:7

Àyɨə rɨ̀nîn, mbə berɨ waʼ ɨnû rɨbɔ̀ŋ məd bə̀ nəərɨ əməd ɨmbə̀ʼ tɨ wɨ̀ kən əku, njɨ ə̀kə̀nɨ̀ ze ə bɨrɨ ghɨ̀ ni ɨbenɨ məd wɨrɨ bɔd.

Jn 11:33

Ənɨ Yeso nyaʼa zə ɨchî nɨ wɨ̀ nyaʼə dìə̀, bə̀ zə ɨchî nɨ mɨ̀Jû mbe nɨ nyaʼa mbɨ məd nyaʼa bə̀ dìə̀, ənû ze ə nyaʼa betɨ əməd bə̀ tɔb əməd kwàʼ rɨŋgəʼ.

Jn 5:23

Wɨ̀ fə ghɨ̀ əne ɨmbə̀ʼ bə̂d mɨjìm wumnɨ Wan ɨchî nɨ mbɨə wumnɨ ə Mbǎʼ. Kaʼ wə̀d we nɨ chəi wɨə wumnɨ ə Wan, wɨə bə̀ wumnɨ i Mbǎʼ we nɨ nyaʼa tom Wan.

Jn 16:3

Mbɨ bɨrɨ ghɨ ɨnû mbɔ̂ ənɨ ə nən ɨmbə̀ʼ ɨghəm nɨ chəi mbɨ kyerɨ ə Mbǎʼ kɨ bè kyerɨ əmɨ.

Jn 16:6

Àyɨə ɨchî nɨ mə̀ fə gha ɨnû mbɔ̂ ɨ nən, ə̀kə̀nɨ̀ ə fə swi ɨŋga tə fîŋ.

Jn 16:24

Ɨ pè rɨ̀nîn, chəi mbə̀ kɨrɨ biirɨ ənû ə mɔʼɔ tɨ əmbɨ mɨ Mbǎʼ ənɨ mɨ ɨkum. Mbə̀ biirɨ, wɨ̀ bɨrɨ naʼ ɨ nən, ɨmbə̀ʼ ɨghaʼi swi ɨŋga tə fîŋ.”