Jn 13:34 - Meta’

³⁴ Mə yɨ əni nàʼ ɨkə fi ɨ nən ni: mbə̀ ghaʼ mbə bɔŋgɔb. Ɨchî nɨ mə̀ nyaʼa ghaʼ əwən, əne mbə̀ berɨ bɨ ghaʼ mbə bɔŋgɔb.

Ikan feg

³⁴ Mə ya anìŋ nàʼà ikə feg inən gha, “Mbə̀ kɔŋɔ wə̀d imɔʼ imɔʼ. Icheg ne mə̀ kɔ̀ŋ awən, mbə̀ bə̀ kɔ̀ŋ mə̀mbin.

Jn 13:34 Referans Kwoze

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Jn 15:17

Ɨkə we nɨ mə naʼ ɨ nən yɨ ni: mbə̀ ghaʼ mbə bɔŋgɔb.”

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

Gàlesìyà 6:2

Wə̀d mɔʼɔ mɨ yeʼ ə ŋgəʼ, mbə̀ weerɨ əməd. Mbə mɨ ghɨ̀ əne, njɨ mbə fə nùŋ ɨkə we nɨ Kristo nyaʼa naʼ ɨ na.

1 Jɔn 3:23

Ɨkə we nɨ Ŋwìə̀ naʼ ɨ na yɨ ni tɨ ben Wan məd Yeso Kristo bə̀ ghaʼ mba bɔŋgɔb. Tɨ̀ ghɨ əne àmei ɨchî nɨ Kristo nyaʼa fə gha ɨ na.

1 Jɔn 4:21

Ɨkə we nɨ Ŋwìə̀ fə naʼ ɨ na yɨ ni, wə̀d we nɨ ghaʼ əməd berɨ bɨ ghaʼ wi aŋgɔb.

Jems 2:8

Mbə mɨ kàŋ nuŋ ɨkə we nɨ ɨfɔ̀n we nɨə nùŋ ɨsɨg nyaʼa gha mbɨ ŋwaʼnɨ ɨŋga Ə̀ŋwàʼnɨ̀ ə Ŋwiə̀ ni, “À berɨ ghaʼ wə̀d nɨ tindɨ ɨban ne ɨchî nɨ à ghaʼ e nyamnyod,” əne mbə̀ fə ghɨ̀ ənû nɨ kuʼnɨ.

1 Tèsàlonikà 3:12

Ə̀nùŋɨ̀sɨg ghɨ ni ɨghaʼi we nɨ yeʼ əkaʼ nən bə̀ fɔrɨ əkaʼ bə̂d mɨ̀jìm swi gwèə̀, àmei ɨchî nɨ wa bə̀ swi ɨgwɨ nən gwèə̀.

Rm 12:10

Mbə̀ ghaʼ mbə bɔŋgɔb ɨchî nɨ bɔŋgɔb berɨ ghaʼrɨ ə ɨnyod. Mbə̀ bə wumnɨ mbə bɔŋgɔb chè ɨchî nɨ mbə̀ə wumnɨ ə ɨnyod.

2 Jɔn 1:5

Tɨ̀nîn mə wɨə buʼ ɨbɔ ɨ ne, kyɨ àwɔ̀ Əyi Kyeŋ, ni kaʼ ɨkə wɔ̂ nɨ mɨə ŋwàʼnɨ̀ ɨ ne yɨ i ɨkə fi. À yɨ ɨkə nɨ tɨ̀ nyaʼa fə kyerɨ tɨ ənɨ tɨ̀ nyaʼa ben ə Kristo. Ɨkə rəŋgu yɨ ni tɨ̀ ghaʼ əwa mbǎ mbǎ.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

1 Jɔn 3:11

Ɨkə̂n we nɨ mbə̀ nyaʼa kɔ zu tɨ ənɨ mbə̀ nyaʼa ben ə Kristo yɨ ni: tɨ̀ berɨ ghaʼ a ɨnyod mbǎ mbǎ.

Mə̀Hibrù 13:1

Mbə̀ che ɨmbì ghaʼ əwən mbənə mbənə ɨchî nɨ bɔŋgɔb ə ghaʼ ə ɨnyod.

2 Tès 1:3

Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

2 Pità 1:7

Ɨchî nɨ mbə̀ə wumnɨ ə Ŋwìə̀ ə ghɨ ni mbə̀ ghaʼ mbə bɔŋgɔb. Ɨchî nɨ mbə̀ə ghaʼ mbə bɔŋgɔb ə ghɨ ni mbə̀ ghaʼ bə̂d cherə.

Kòlosè 1:4

Tɨ̀ wɨə nàʼ ɨmbə̀ʼ ɨghəm nɨ tɨ̀ fə zu ɨchî nɨ mbə̀ nuŋ fîŋ ɨgun ə Kristo Yeso bə̀ zu ɨchî nɨ mbə̀ə ghaʼə bə̂d Ŋwiə̀ mɨ̀jìm.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Jn 17:21

Mə wɨə kɔ̀ŋgɨ̀ əwe ni mɨ̀mə̌d mɨjìm yeʼ ənɨ ənû ə mɔʼ. Mɨ Mbǎʼ, mə kə̀b mbɨ yeʼ ənɨ ənû ə mɔʼ mbɨ na ɨchî ɨ ni à yeʼ ənɨ ənû ə mɔʼ mbɨ num, mə bə̀ yeʼ ənɨ ənû ə mɔʼ mbɨ ne. Zɨə yeʼ əne ɨmbə̀ʼ ɨsɨg we tɨ̀ wɨ ben ni à yɨ àwɔ̀ nyaʼa tom əmɨ.

Matìyò 5:44

Àyɨə mə ghà ɨ nən ni, mbə̀ ghaʼ mbə bə̂d pə̀n bə̀ kɔŋgɨ ə Ŋwiə̀ ɨgun ə bə̂d mbe nɨə nwèndɨ̀ tə rɨkyerɨ-ɨwu,

Rm 13:8

Tɨ mbə̀ yim ə njɔ̌ wə̀d. Njɔ̌ ze nɨ mbə̀ berɨ nɨ yimɨ yɨ nɨ ghaʼ mbə bɔŋgɔb, ɨmbə̀ʼ ɨghəm nɨ wə̀d we nɨ ghaʼ wɨ cherə fə nùŋ tɨkə rɨjìm.

Rm 13:10

Wə̀d mɨ ghaʼ wə̀d we nɨ tindɨ ɨban məd, ka wɨ̀ bɨrɨ ghɨ i ɨbə̂ ənɨ məd. Əne ɨ ghaʼ bə̂d yɨ nɨ nuŋ tɨkə rɨjìm.