Jn 13:3 - Meta’

³ Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

Ikan feg

³ Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

Jn 13:3 Referans Kwoze

Jn 3:35

Mbǎʼ ə ghaʼ i Wan əne wɨ̀ fə sàŋ ɨnû jìm ɨŋga tɨkyerɨ-ɨbɔ məd.

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 8:42

Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

1 Kɔrèn 15:27

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ fə nùŋ ɨghɨjìm əton ɨwu ɨməd.” Zɨə mɨ yeʼ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ fə nùŋ ɨghɨjìm əton ɨwu ɨməd,” əne zɨə zeŋ ni chəi Ŋwìə̀ əbɔʼ ɨghɨ mbe. À yɨə məd ziə nuŋ ɨghɨjìm əton ə Kristo.

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Jn 13:1

À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.

Jn 7:33

Yeso nyaʼa ghà əmbɨ mɨ̀mə̌d ni, “Mə bɨrɨ kɨrɨ chubɨ mbɨ nən ɨkə nyùmə̀. Ənɨ ə nyùmə̀ we fə che, mə bɨrɨ bəndɨ wò əsɨ məd we nɨ nyaʼa tom əmɨ.

Jn 7:29

àyɨə mə kyerɨ əməd ɨmbə̀ʼ ɨghəm nɨ mə nɔ̀ʼ rɨ əsɨ məd. Əne à yɨə məd nyaʼa tom əmɨ.”

Jn 3:13

Chəi wə̀d mɔʼɔ nɨ kɨrɨ wo ɨkaŋ, chè rɨ ənɨ Wan Wə̀d nɨ nyaʼa swiʼ rɨkaŋ.

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Lk 10:22

“Mɨ Mbǎʼ fə naʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chəi bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ ə Wan fɔrɨ wə̀d we nɨ Wan də̀b nɨ chwi əməd ɨ bɔ.”

Jn 8:14

Yeso nyaʼa wììrɨ̀ ni, “Kaʼ mə bè yeʼə ghà əmɨ ɨmbə̀ʼ mɨ ɨnyod mɔ̌ mɔ̌, ənû ze nɨ mə̀ ghàə̀ yɨ ənû rəsìʼ, ɨmbə̀ʼ ɨghəm nɨ mə kyerɨ əsɨ ze nɨ mə nɔʼ rəŋgu bə̀ kyerɨ əze nɨ mɨə wò əŋgu, àyɨə chəi mbə̀ kyerɨ əsɨ ze nɨ mə̀ nɔʼ rəŋgu kɨ̀ əze nɨ mɨə wò əŋgu.