Jn 12:35 - Meta’

³⁵ Yeso nyaʼa ghà əmbɨ mɨ̀mə̌d ni, “Ɨzeŋɨ zeŋɨ wɨə kɨrɨ əkaʼ nən ənɨ ɨkə nyumə̀. Mbə̀ yen ənɨ ɨsɨ ə kɨrɨ zeŋə, ɨmbə̀ʼ tɨ əfub ə kən i əwən. Chəi wə̀d we nɨə yèn əkaʼ əfub kyerɨ əsɨ ze nɨ wɨə wò əŋgu.

Ikan feg

³⁵ Yeso ya si ghà inɔb gha, “Ìzḛzḛ we kiri biri abɔ̀ʼ inən ane iki nyumə̀. Mbə̀ che imbìghè ghi ghì inug ane isiŋi ya kiri zḛ, imbə̀ʼ afub nɔ̀ʼ kən awən. Chəyi wə̀d ne yḛ̀ inga afub we kyère asiŋi ne we ghò angu.

Jn 12:35 Referans Kwoze

Jn 12:46

Mə fə yeʼe ɨŋga ɨsɨg ɨghabɨ ɨzeŋɨ zeŋɨ, ɨmbə̀ʼ tɨ wə̀d mɔʼɔ we nɨ ben əmɨ wɨrɨ chub i ɨŋga ɨsɨ firɨ.

Jn 16:16

Yeso nyaʼa wo ɨmbì gha əmbɨ mɨ̀mə̌d ni, “Chəi mbə̀ bɨrɨ wɨrɨ zə əmɨ ənɨ ɨkə nyùmə̀. À sɨ ənɨ ɨkə nyùmə̀ cherə, mbə bɨrɨ wɨrɨ zə əmɨ.”

Efesùs 5:8

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ,

Jn 8:12

Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”

Jn 11:10

Àyɨə wə̀d mɔʼɔ mɨ yèn ɨzimɨ, wɨ̀ bɨrɨ te ɨwu ənɨ ɨghɨ ə mɔʼɔ ɨmbə̀ʼ ɨghəm nɨ chəi ɨsɨ ə zeŋə.”

Jn 12:36

Ənɨ ɨsɨ ə kɨrɨ zeŋə, mbə̀ nuŋ fîŋ ɨgun ɨzeŋɨ zeŋɨ we, ɨmbə̀ʼ mbə̀ chub ɨŋga ɨzeŋɨ zeŋɨ.” Ənɨ Yeso nyaʼa fə gha ɨnû mbɔ̂, wɨ̀ nyaʼa nɔ̀ʼ rəkaʼ mɨ̀mə̌d wò nə̀mbɨ̀ i.

Jn 7:33

Yeso nyaʼa ghà əmbɨ mɨ̀mə̌d ni, “Mə bɨrɨ kɨrɨ chubɨ mbɨ nən ɨkə nyùmə̀. Ənɨ ə nyùmə̀ we fə che, mə bɨrɨ bəndɨ wò əsɨ məd we nɨ nyaʼa tom əmɨ.

2 Kɔrèn 3:14

Àyɨə fîŋ tɨ mɨ̀mə̌d nyaʼa tu. Ɨ pe rəchɔ̀ŋ, mbɨ mɨ foŋ ə̀ŋwàʼnɨ̀ fɨso ənun, ngywɨ̌ ze zɨə kɨrɨ kənə fîŋ tɨ mɨ̀mə̌d. Àmei ɨmbə̀ʼ ɨchî nɨ bə̂d yeʼ ənɨ ɨfɔtɨ mbɨ Kristo nɨ tɨ̀ mbɨ chɨ̀ ngywɨ̌ ze.

Jn 11:9

Yeso nyaʼa wììrɨ̀ ni, “Ɨmbə̀ʼ mɨ̀awà wum chɔ̀b rɨ̀be mbɨ ɨŋga əni ə mɔʼ ə? À mɨ yeʼ nɨ wə̀d ə yèn əziə, chəi ənɨ tɨ̀ wɨ̀ te əwu ənɨ əghɨ ə mɔʼɔ, ɨmbə̀ʼ ɨghəm nɨ ɨ wɨə zə ɨzeŋɨ zeŋɨ we nɨə te ɨŋga ɨsɨg.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

Lk 18:37

Mbɨ nyaʼa ghà ɨ bɔ ni, “Yeso rɨə Nazàret wɨə chèə̀.”