Jn 12:28 - Meta’

²⁸ Mɨ Mbǎʼ, ghɨ ni bə̂d wumnɨ əwe!” Ənɨ wɨ̀ nyaʼa ghà əne, gɨ̂ mɔʼɔ nyaʼa ghàm rɨkaŋ ghà ni, “Mə fə ghɨ̀ ni bə̂d wumnɨ əmɨ. Mə bɨrɨ wɨrɨ ghɨ əne ɨghəm cherə.”

Ikan feg

²⁸ Ìmə Mbaʼ, ghìyə gha bəd ghumni awe!” Anyumə̀ ne wì ya ghàmi ane, gì mɔ̀ʼɔ ya ghàm ikaŋ gha, “Mə fə ghì gha bəd ghumni amə. Mə biri ywiri ghì ighəm ndəŋ.”

Jn 12:28 Referans Kwoze

Matìyò 26:42

Ənɨ Yeso nyaʼa ghà əne, wɨ̀ nyaʼa yì wò kɔ̀ŋgɨ̀ ə Ŋwiə̀ ənɨ ɨghəm nɨ pe be ghà ni, “Mɨ Mbǎʼ, à mɨ yeʼ ni chəi ɨchî cherə nɨ tɨ̀ à ghɨ̀ ni ŋgəʼ zɔ̂ chè rɨ ɨgwɨ num, njɨ ghɨ ɨchî nɨ à kə̀bɨ.”

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

2 Pità 1:17

Ŋwìə̀ Mbǎʼ nyaʼa nàʼ ɨwumnɨ bə̀ nàʼ ɨzeŋɨ zeŋɨ ɨ bɔ ənɨ ə nyùmə̀ we nɨ gɨ̂ Ŋwìə̀ we nɨ mbɨə nàʼ ɨwumnɨ kyeŋ ɨ bɔ nyaʼa gham ɨ bɔ ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd!”

Efesùs 3:21

Tɨ̀ghə̀m rɨ bə̂d rɨ̀jìm te nɨ yeʼ ɨŋga ɨfetɨ bə̂d Kristo mbɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso wumnɨ Ŋwiə̀ koŋ koŋ! À yɨ əne.

Efesùs 3:10

Wɨ̀ nyaʼa ghɨ̀ əne, ɨmbə̀ʼ tɨ̀nîn, ənjìm ɨfetɨ bə̂d Kristo, ɨzwî ka ka mbe nɨ yeʼ ɨkaŋ fɔrɨ mɨfɔ̂n mɨ̀mə̌d mbe tɨ mbɨ zə ɨwe Ŋwiə̀ ənɨ mɨnə̂njɨ̀ nɔnɔʼ.

Efesùs 2:7

Wɨ̀ nyaʼa ghɨ̀ əne, ɨmbə̀ʼ ənɨ nyùmə̀ we nɨə yeʼe, məd we tɨ wɨ̀ chwiə ni chəi ənɨ tɨ mbɨ mɨg ɨ̀chɔ̀m məd we nɨ kaŋ nɔʼ, ɨchî nɨ wɨə ghɨ̀ ɨ̀chɔ̀m we ənɨ ə na ənjìm ə Kristo Yeso.

Jn 18:11

Yeso nyaʼa ghà əmbɨ Pità ni, “Wɨrɨ zɨ̀ e ɨbi ə baʼ. Kaʼ à wa kɨ i əzum rɨmbin nɨ nɔ rɨŋga toʼ ze nɨ mɨ Mbǎʼ naʼ ɨ num ə?”

Jn 11:4

Ənɨ Yeso nyaʼa zu ənû zɔ̂, wɨ̀ nyaʼa ghà ni, “Kaʼ Lazarɔ̀s bɨrɨ kwɨ i ɨmbə̀ʼ əwɔn zɔ̂. Àyɨə zɨə bɨrɨ ghɨ ni bə̂d wumnɨ ə Ŋwiə̀ bə̀ wumnɨ Wan Ŋwìə̀.”

Jn 9:3

Yeso nyaʼa wììrɨ̀ ni, “Kaʼi ni à yɨə mbaŋə̀ zɔ̂ nyaʼa ghɨ ənû rɨbɔ̀ŋ kɨ̀ mbǎʼ məd kɨ̀ ɨŋgɔb məd. Məd ə fɨ̀g ɨmbə̀ʼ bə̂d zə ɨchî nɨ Ŋwìə̀ ə fàʼə̀.

Lk 9:35

Gɨ̂ mɔʼɔ nyaʼa jwɨ̀ rɨŋga pàʼ ze ghà ni, “Wɔ̂ yɨ mɨ Wan nɨ mə chɔʼɔ, mbə̀ zu ənû ze nɨ wɨə ghàə̀!”

Lk 3:22

əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Mk 14:36

Wɨ̀ nyaʼa ghɨ̀ əne ghà ni, “Əbà mɨ Mbǎʼ! Chəi ənû nɨ tɨ̀ zɨə chè əwe. Chɨ ŋgəʼ zɔ̂ rɨ ɨgwɨ num, àyɨə ghɨ̀ yeʼ ənû ze nɨ à kəbɨ, kaʼi əze nɨ mə̀ kəbɨ.”

Mk 9:7

Pàʼ mɔʼɔ nyaʼa kubrɨ mɨ̀mə̌d, əne gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨə mɨ Wan nɨ mə̀ ghaʼi kwàʼ rɨŋgəʼ, mbə̀ zu ənû ze nɨ wɨə ghàə̀!”

Mk 1:11

Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ Wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Matìyò 11:26

Ee, kyɨə mɨ Mbǎʼ, à yɨ ɨchî nɨ à kəbɨ we.