Jn 12:25 - Meta’

²⁵ Wə̀d we nɨ ghaʼ i ɨ̀tènɨ̀ bɨrɨ sam ɨ̀tènɨ̀ we. We nɨ ban i ɨ̀tènɨ̀ ɨŋga ɨsɨg wɔ̂ bɨrɨ wɨrɨ jɨg ɨ̀tènɨ̀ we ɨmbə̀ʼ ten i koŋ.

Ikan feg

²⁵ Wə̀d we ne ghə̀ʼrə̀ ìwi ìtḛ̀, tengàŋ biri nim ìtḛ̀ we. Àsi wə̀d ne chəyi we ghə̀ʼrə̀ ìwi ìtḛ̀ igun isəg aŋa, tengàŋ biri jəg ìtḛ̀ ighə̀m imɔʼ.

Jn 12:25 Referans Kwoze

Matìyò 10:39

Wə̀d mɔʼɔ we nɨ kə̀b nuŋ i ɨ̀tènɨ̀ bɨrɨ sam ɨ̀tènɨ̀ we. We nɨ sam i ɨ̀tènɨ̀ ɨmbə̀ʼ əmɨ bɨrɨ wɨrɨ jɨg ɨ̀tènɨ̀ we.

Lk 17:33

Wə̀d mɔʼɔ we nɨə kə̀b nuŋ i ɨ̀tènɨ̀, bɨrɨ sam ɨ̀tènɨ̀ we, àyɨə we nɨ sam i ɨ̀tènɨ̀ bɨrɨ wɨrɨ jɨg ɨ̀tènɨ̀ we.

Mk 8:35

ɨmbə̀ʼ ɨghəm nɨ wə̀d mɔʼɔ we nɨə kə̀b nuŋ i ɨ̀tènɨ̀ bɨrɨ sam ɨ̀tènɨ̀ we. We nɨ sam i ɨ̀tènɨ̀ ɨmbə̀ʼ ɨkə̂n chɔ̀m bɨrɨ wɨrɨ jɨg ɨ̀tènɨ̀ we.

Matìyò 16:25

ɨmbə̀ʼ ɨghəm nɨ wə̀d mɔʼɔ we nɨə kə̀b nuŋ i ɨ̀tènɨ̀ bɨrɨ sam ɨ̀tènɨ̀ we. We nɨ sam i ɨ̀tènɨ̀ ɨmbə̀ʼ əmɨ, bɨrɨ wɨrɨ jɨg ɨ̀tènɨ̀ we.

Lk 14:26

“Wə̀d mɔʼɔ we nɨ yeʼe əsɨ num nɨ chəi wɨ̀ ghaʼ əmɨ chè i mbǎʼ mbɨ i nɨŋ, chè i ɨwi mbɨ mbi bɔn, chè mbi bɔŋgɔb mbɨ ti njàbɨ, bə̀ chè ka àbei i ɨ̀tènɨ̀, rɨka kùʼi nɨ yeʼ mɨ ə̀mə̀ə̀nɨ̀-ɨnû.

Ɨnû 12:11

Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Matìyò 19:29

Wə̀d jìm we nɨ saŋ ti nəb, kɨ̀ mbi bɔŋgɔb mbaŋə̀ kɨ̀ mbɨ məyi, kɨ̀ i mbǎʼ, kɨ̀ i nɨŋ, kɨ̀ mbi bɔn, kɨ̀ mbi ɨsɨ si ɨmbə̀ʼ beenɨ əbɔʼ num, bɨrɨ wɨrɨ berɨ ɨghɨ ɨghəm ɨkɨ fibɨ̀, bə̀ jɨg ɨ̀tènɨ̀ rɨ mì.

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”

Mə̀Hibrù 11:35

À yɨ ɨbenɨ nyaʼa ghɨ ni məyi nɨŋ mbə ɨfurɨ mbe nɨ nyaʼa kwɨ wɨrɨ zwemə. Mbɨ nyaʼa chə mbɨ mɔʼɔ ə nəb ndəŋ, àyɨə mbe nyaʼa ton ni tɨ mbɨ chɨ əwən sàŋɨ̀, ɨmbə̀ʼ mbə mɨ kwɨ, mbə bɨrɨ wɨrɨ zwemə əne jɨg ɨ̀tènɨ̀ we nɨ bɔŋɨ chè.