Jn 11:52 - Meta’

⁵² Chəi wɨ̀ bɨrɨ kwɨ àmei ɨgwɨ ətu mɨ̀mə̌d, wɨ̀ berɨ bɨ kwɨ ɨmbə̀ʼ fɔtɨ bɔn Ŋwiə̀ mɨ̀jìm mbe nɨ jaŋ ɨŋga ɨsɨg.

Ikan feg

⁵² Ane, kayi məyi atog abə mə̀Ju. À ya fɔrɔ ni ghì gha bəd Ŋwiye mbe ne saka inga isəg ijìm, mbe si yaʼ bəd anug amɔʼ.

Jn 11:52 Referans Kwoze

Jn 10:16

Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

1 Jɔn 2:2

Məd yɨ əghɨ ə̀fà ze nɨ Ŋwìə̀ che ənjìm məd waʼ mba ɨnû rɨbɔ̀ŋ. Ka wɨ̀ bɨrɨ waʼ i àmei mba ɨnû rɨbɔ̀ŋ, wɨ̀ bɨrɨ bɨ waʼ mbɨ bə̂d mɨ̀jìm rɨŋga ɨsɨg.

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.

Rm 3:29

Ŋwìə̀ wa kɨə mei wɨ mɨ̀Jû ə? Ka məd wa kɨə bə i Ŋwìə̀ bə̂d mbe nɨ kaʼi mɨ̀Jû ə? Ee, məd yɨə bə̀ ə Ŋwìə̀ bə̂d mbe nɨ kaʼi mɨ̀Jû,

Lk 2:32

Məd yɨə ɨzeŋɨ zeŋɨ we nɨ bɨrɨ ghɨ ni bə̂d mbe nɨ kaʼi mɨ̀Jû kyerɨ ə Ŋwiə̀. Wɨ̀ bɨrɨ ghɨ ni bə̂d wumnɨ mɨ̀Izre nɨ yeʼ mbe bə̂d.”

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

Efesùs 3:11

Əzɔ̂ yɨ ənû nɨ wɨ̀ nyaʼa fə taŋɨ bɔŋ wɨ̀ nyaʼa sɨə tekɨ ɨsɨg. Wɨ̀ fə chè ənjìm ə Kristo Yeso a Ə̀nùŋɨ̀sɨg ghɨ̀ ənû rəŋgu.

Efesùs 1:5

Wɨ̀ nyaʼa fə bè chɔʼ nùŋ ni wɨ̀ bɨrɨ nɨŋ əwa ənɨ mbi bɔn ənjìm ə Yeso Kristo. Wɨ̀ nyaʼa chɔʼ əne ɨchî nɨ wɨ̀ nyaʼa kaŋ ghaʼ bə̀ kəb nɨ ghɨ.

Rm 4:17

Ə zɨ ɨŋga Ə̀ŋwàʼnɨ̀ ə Ŋwiə̀ ni Ŋwìə̀ nyaʼa ghà əmbɨ Abràham ni, “Mə fə ghɨ̀ e ənɨ ə mbǎʼ ɨgwɨ ɨbeŋ nɔnɔʼ.” Abràham yɨ a mbǎʼ ɨfě Ŋwiə̀ we nɨ wɨ̀ nyaʼa nuŋ fîŋ ɨgwɨ məd. Məd yɨə Ŋwìə̀ we nɨə nàʼ ɨ̀tènɨ̀ əmbɨ ɨvɨ bə̂d. Məd wɨə bə̀ ghàə̀ ni ɨghɨ mbe nɨ chə nyaʼa i mbɨ yeʼ əŋgu.

Ɨ̀fàʼì 18:10

Mə wɨ mbɨ ne, əne chəi wə̀d mɔʼɔ nɨ tɨ̀ wɨ̀ kɔ əwe ənɨ ə ndàn, kɨ̀ nɨ tɨ̀ wɨ̀ ghɨ̀ əghəm ənɨ ə ne, ɨmbə̀ʼ ɨghəm mbɨ bə̂d ə nɔʼ ɨŋga əsɨ zɔ̂.”

Jn 12:32

Əne mɔ̌, ənɨ mbɨ fə nɔ əmɨ ɨkaŋ, mə bɨrɨ suŋ bə̂d mɨjìm ənɨ ə num.”

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Jn 1:12

Àyɨə mbɨ mɔʼɔ nyaʼa nɨŋ əməd bə̀ ben ɨnû mbe nɨ wɨ̀ nyaʼə ghàə̀, əne wɨ̀ nyaʼa nàʼ ɨka əmbɨ mɨ̀mə̌d mɨjìm ni mbɨ yeʼ bɔn Ŋwiə̀.

1 Jɔn 3:1

Mbə̀ zə ɨchî nɨ Mbǎʼ ghaʼ əwa chè əbɔ. Əze ə fə ghɨ̀ wɨ̀ tɔŋ əwa ni tɨ̀ yɨ mbi bɔn. Tɨ̀ yɨə kàŋ mbɨwən. Əton nɨ chəi ɨsɨg kyerɨ əwa yɨ ni chəi wɨ̀ nyaʼa be kyerɨ əməd.

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

1 Jɔn 3:10

Ɨchî nɨ tɨ̀ rɨ̀ kyerɨ bə̂d mbe nɨ yeʼ bɔn Ŋwiə̀ mbɨ mbe nɨ yeʼ bɔn Debɨ̀rə̀ yɨ ni: Kaʼ wə̀d we nɨ chəi wɨə ghɨ̀ ɨnû nɨ kuʼnɨ, kɨ̀ we nɨ chəi wɨ̀ ghaʼ wi aŋgɔb yɨ i wə̀d Ŋwìə̀.

Lk 15:8

“Kɨ̀ à kɨ əyi wi nɨ berɨ ɨkab chuʼ wum, nɨ wɨ fibɨ̀ nim i, nɨ chəi wɨ̀ bɨrɨ che ənam, zə̀ nəb jeŋgɨ kə̀b pè ənɨ wɨ̀ zə ə?