Jn 11:44 - Meta’

⁴⁴ Lazarɔ̀s nyaʼa jwɨ̀, kɨrɨ mbɨ tɨbabɨ ngywɨ̌ te nɨ mbɨ nyaʼa nib ɨwu məd mbɨ ɨbɔ məd fɔrɨ mbɨ ze nɨ mbɨ nyaʼa nib ɨfě məd əŋgu. Ənɨ wɨ̀ nyaʼa jwɨ̀ əne, Yeso nyaʼa ghà əmbɨ bə̂d mbe nɨ nyaʼa əŋgu ni, “Mbə̀ za tɨbabɨ ngywɨ te, sàŋ ni wɨ̀ wò i.”

Ikan feg

⁴⁴ Lazarɔ̀s ya gàd nɔ̀ʼ, dù inga iseg we. Ibo məd tì ìfe məd fɔrɔ ighog məd yaya kiri biri inipi ane ndwi linèn ze ne mbi ya nipi awu məd inga. Yeso ya si ghà abə bəd mbe ne ya yaʼi angu gha, “Mbə̀ zara aməd sàŋì, wì gho.”

Jn 11:44 Referans Kwoze

Jn 5:25

Mə ghà rəsìʼ ɨ nən ni nyùmə̀ wɨə yeʼe, əne nyùmə̀ rəŋgu fə yeʼe i, nɨ ɨvɨ bə̂d bɨrɨ zu gɨ̂ Wan Ŋwìə̀. Mbe nɨ zu bɨrɨ wɨrɨ tènə̀.

Jn 20:7

bə̀ zə ngywɨ̌ ze nɨ mbɨ nyaʼa nib ətu ə Yeso əŋgu. Chə nyaʼa i ngywɨ̌ ze əbɔʼ tɨbabɨ ngywɨ̌ linen te, àyɨə zɨ nyaʼa kad ənɨ i ɨghəm chub i əsɨ əfibɨ̀.

Fìlipì 3:21

Məd bɨrɨ kwepɨ ta nyamnyod tɔ̂ nɨə kwɨə, əne ghɨ̀ tɨ̀ berɨ nyamnyod ɨghabɨ zɨ məd ze nɨ wɨ̀ nyaʼa zwemə mbɨ zɨwən. Wɨ̀ bɨrɨ ghɨ əne ənjìm ɨka we nɨə ghɨ̀ ni wɨ̀ tumbɨ ɨghɨjìm.

Jn 10:30

Mɔ̌ mbɨ mɨ Mbǎʼ wɨ ənɨ ənû ə mɔʼ.”

Jn 5:21

Ɨchî nɨ Mbǎʼ ə zwemnɨ ə bə̂d bə̀ nàʼ ɨ̀tènɨ̀ əmbɨ mɨ̀mə̌d yɨə bə ɨchî nɨ Wan ə nàʼ ɨ̀tènɨ̀ əmbɨ wə̀d we nɨ wɨ̀ ghaʼi.

Lk 7:15

Mbaŋə̀ ze nɨ nyaʼa kwɨ nyaʼa nɔ̀ʼ chubɨ kɔ ghamɨ. Yeso nyaʼa nàʼ əməd əmbɨ ɨŋgɔb məd.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Jn 19:40

Mbaŋə̀ tɔ̂ rɨ̀be nyaʼa swi əvɨ ə Yeso, nib ɨŋga tɨbabɨ ngywɨ̌ linen əka ɨnun. Mbɨ nyaʼa fə zɔʼ ngywɨ̌ ze ənɨ tɨtiirɨ te ɨchî nɨ tɨkə tɨ mɨ̀Jû nɨ tweŋ wə̀d nyaʼa chwiə.

Mk 5:43

Yeso nyaʼa sɨ jeŋgɨ patɨ mɨ̀mə̌d ni tɨ mbɨ tɔ gha əwən ənû ze əmbɨ wə̀d mɔʼɔ. Wɨ̀ nyaʼa bə̀ yì ghà əmbɨ mɨ̀mə̌d ni mbɨ naʼ əghɨ ə mɔʼɔ əmbɨ wan əyi we ni wɨ̀ jɨg.

Jn 20:5

Wɨ̀ nyaʼa pè gundɨ nèŋ ɨŋga ɨsì we, zə tɨbabɨ ngywɨ̌ linen te, àyɨə chəi wɨ̀ nyaʼa nyɨ ɨŋga.

Jn 11:39

Ənɨ Yeso nyaʼa pè əŋgu, wɨ̀ nyaʼa ghà ni, “Mbə̀ chɨ ɨti wɔ̂!” Màta nɨ nyaʼə njàbɨ mbaŋə̀ ze nɨ nyaʼa kwɨ, nyaʼa ghà ɨ bɔ ni, “Ə̀nùŋɨ̀sɨg, mə kyerɨ ni ɨfɔ wɨə sɨə jwɨ̀ə̀, ɨmbə̀ʼ ɨghəm nɨ rə̀chɔ̀ŋ yɨ ɨni kwè nɨ wɨ̀ fə kwɨ.”

Lk 19:20

Wə̀d ə̀fàʼì cherə nyaʼa wò pè ghà ni, 'Masà, à yɨ e ɨkab gôl we wɔ̂. Mə kəʼ kod ɨŋga əghɨ ə gywɨ wò nùŋ.

Jn 11:43

Ənɨ wɨ̀ nyaʼa gha ənû zɔ̂, wɨ̀ nyaʼa kyeŋ rɨkǎ ghà ni, “Lazarɔ̀s, jwɨə yeʼe!”