Jn 11:27 - Meta’

²⁷ Màta nyaʼa wììrɨ̀ ɨ bɔ ni, “Ee, kyɨ Ə̀nùŋɨ̀sɨg, mə ben ni àwɔ̀ yɨə Wə̀d we nɨ Ŋwìə̀ zɔʼɔ, bə̀ ben ni àwɔ̀ yɨə Wan Ŋwìə̀ we nɨ nyaʼa wo yeʼe ɨŋga ɨsɨg.”

Ikan feg

²⁷ Màta ya ywìtì gha, “E! Anɔŋisəg, mə bḛ gha àghò ya wə̀d we ne Ŋwiye zɔ̀ʼi. Àghò ya Ŋwan Ŋwiye we ne ya beri ni yeʼe igun isəg.”

Jn 11:27 Referans Kwoze

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Jn 6:69

Tɨ̀ fə benɨ bə̀ kyerɨ ni àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Jn 6:14

Ənɨ bə̂d mbe nyaʼa zə ənû ə yiirɨ ze nɨ Yeso nyaʼa ghɨ̌, mbɨ nyaʼa ghà ni, “Wɔ̂ yɨə kàŋ ə wə̀d ɨ̀kə̀n we nɨ nyaʼa wo yeʼe ɨŋga ɨsɨg!”

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Jn 4:42

Mbɨ nyaʼa ghà əmbɨ əyi we ni, “Tɨ̀ fə benɨ tɨ̀nîn, kaʼi ɨmbə̀ʼ ənû ze nɨ à kəʼ gha ɨ na. Tɨ̀ fə ben ɨmbə̀ʼ ɨghəm nɨ tɨ̀ fə zu ənû ze nɨ məd ghǎ, əne tɨ̀ kyerɨ ni məd yɨə kaŋə Wə̀d we nɨ bɨrɨ chɨ ɨsɨg jìm rəŋgəʼ.”

Jn 1:49

Natanaèl nyaʼa wììrɨ̀ ɨ bɔ ni, “Əchwiə̀-ɨnû, àwɔ̀ yɨə Wan Ŋwìə̀! Àwɔ̀ yɨ ɨfɔn mɨ̀Izre!”

Lk 2:11

Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Matìyò 11:3

ni mbɨ biirɨ ɨ bɔ ni, “Àwɔ̀ wa kɨə wə̀d we nɨ bə̂d ɨ̀kə̀n nyaʼə ghàə̀ ni wɨ̀ bɨrɨ yeʼe, kɨ̀ rɨ̀ wa wom wɨ cherə ə?”

Matìyò 16:20

Ənɨ wɨ̀ nyaʼa gha əne, wɨ̀ nyaʼa sɨ jeŋgɨ patɨ mə̀mə̀ə̀nɨ̀-ɨnû mbe ni tɨ mbɨ tɔ gha əmbɨ wə̀d mɔʼɔ ni tə yɨə Wə̀d we nɨ Ŋwiə̀ zɔʼɔ.

Ɨ̀fàʼì 8:37

Filip nyaʼa ghà ni, “À mɨ ben ə Yeso Kristo ənɨ e fîŋ jìm, mə we tɨ̀ mə nàʼ mɨnib ɨ ne.” Wə̀d kyeŋ we nyaʼa wììrɨ̀ ni, “Mə ben ni Yeso Kristo yɨə Wan Ŋwìə̀.”]