Jn 11:26 - Meta’

²⁶ Kaʼ wə̀d mɔʼɔ we nɨ yeʼ i ɨkǎ nɨ ben əmɨ bɨrɨ nɔ kwɨ i. À ben ənû zɔ̂ ə?”

Ikan feg

²⁶ Wə̀d ne yaʼi izɔm ne nɔŋi ibḛfiŋ igun inum, chəyi wì biri nɔ̀ʼ ku. Àghò bḛ anug azo̰?

Jn 11:26 Referans Kwoze

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 14:10

Chəi à ben ni mə wɨ ənɨ ənû ə mɔʼ mbɨ ə Mbǎʼ fɔrɨ ni Mbǎʼ wɨ ənɨ ənû ə mɔʼ mbɨ num ə? Ɨŋgam we nɨ mə̀ gha ɨ nən, chəi mə̀ ghà əmɨ ənɨ mɨ ɨghəm. À yɨə Mbǎʼ we nɨ yeʼ ənɨ ənû ə mɔʼ mbɨ num we ə ghɨ̀ ɨnû mbe nɨ wɨ̀ kəbɨ.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Matìyò 9:28

Ənɨ Yeso nyaʼa nyɨ ə nəb, mɨfɨgɨ̀ mbe nyaʼa wò əsɨ məd. Əne Yeso nyaʼa biirɨ əmbɨ mɨ̀mə̌d ni, “Mbə̀ ben ni mə we tɨ̀ mə ghɨ̀ mbə̀ zə ɨsɨ ə?” Mbɨ nyaʼa wììrɨ̀ ni, “Ee, kyɨə masà.”

Jn 9:35

Ənɨ Yeso nyaʼa zu ni mbɨ fə fid mbaŋə̀ ze rɨŋga nəb ə̀kàtɨ̀, wɨ̀ nyaʼa wo kə̀b əməd zə, biirɨ ɨ bɔ ni, “À ben Wan Wə̀d ə?”

Mk 9:23

Yeso nyaʼa ghà ɨ bɔ ni, “À ghà ni, 'A mɨ yeʼ nɨ tɨ̀ à ghɨ̀ ənû ə mɔʼɔ!' Kyerɨ ni chəi ənû ə mɔʼɔ nɨ tɨ̀ zɨə chè wə̀d we nɨ benɨ.”

Matìyò 26:53

Chəi à kyerɨ ni mə we tɨ̀ mə dì əmbɨ mɨ Mbǎʼ, wɨ̀ kɨ chà mɨnɔ̂n mbɨ̀aŋgɨrə̀ nɨ che mɨnɔ̂n wum chɔ̀b rɨ̀be ni mbɨ yeʼe wèèrɨ̀ əmɨ ə?

Jn 6:47

Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.