Jn 1:42 - Meta’

⁴² Wɨ̀ nyaʼa ghà əne nɨŋ ə Saimòn mbɨ wò əsɨ Yeso. Yeso nyaʼa nèŋ ə Saimòn ghà ni, “Àwɔ̀ yɨə Saimòn wan Jɔ̌n. Bə̂d bɨrɨ sɨə tɔŋ əwe ni Sefàs.” Ɨkum wɔ̂ ənɨ ɨŋgam Grik yɨ ni Pità.

Ikan feg

⁴² Ane, Andrò ya niŋ aməd ghò abə Yeso. Yeso ya nèn Sayimùn, si ghà ibo gha, “Ìwe ikum ya Sayimùn, ŋwan Jɔn, si ya gha, mbi biri se kàrà awe ane Sefàs.”

Jn 1:42 Referans Kwoze

1 Kɔrèn 15:5

Wɨ̀ nyaʼa jwɨ̀ ɨfě Pità, bə̀ jwɨ̀ ɨfě bə̂d tom mbe wum chɔ̀b rɨbe.

1 Kɔrèn 3:22

Kɨ̀ à kɨ ə Pɔ̂l, kɨ̀ ə Àpolòs, kɨ̀ ə Pità, kɨ ɨsɨg wɔ̂, kɨ ɨ̀tènɨ̀, kɨ ɨvɨ, kɨ ə nyùmə̀ wɔ̂, kɨ nyùmə̀ we nɨ bɨrɨ yeʼe, Ŋwìə̀ fə nàʼ ɨghɨ mbɔ̂ jìm ɨ nən.

1 Kɔrèn 1:12

Ənû nɨ mɨə ghàə̀ yɨ ni wɨ mɔʼ rəbɔʼ nən wɨə ghàə̀ ni tə wɨə beenɨ əbɔʼ ə Pɔ̂l, wɨ cherə wɨə ghàə̀ ni tə wɨə beenɨ əbɔʼ ə Àpolòs, wɨ cherə wɨə ghàə̀ ni tə wɨə beenɨ əbɔʼ ə Sefàs, wɨ cherə wɨə bə̀ yɨə ghàə̀ ni tə wɨə beenɨ əbɔʼ ə Kristo.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

1 Kɔrèn 9:5

Zɨ̀ rɨ wa kuʼi ni tɨ̀ yenə mbɨ mba məyi nɨ ben ə Kristo ɨchî nɨ bə̂d tom cherə mbɨ ə bɔŋgɔb Ə̀nùŋɨ̀sɨg mbɨ Pità ə ghɨ̀ə̀ ə?

Matìyò 10:2

Tɔ̂ yɨ rɨkum bə̂d tom mbe wum chɔ̀b rɨ̀be: Wɨ rɨtu yɨə Saimòn nɨ mbɨ nyaʼə bə̀ tɔŋ ənɨ Pità mbɨ Andrù nɨ nyaʼə aŋgɔb məd; Jems wan Zebèdiî mbɨ Jɔ̌n nɨ nyaʼə aŋgɔb məd;

Lk 5:8

Ənɨ Saimon Pità nyaʼa zə əne, wɨ̀ nyaʼa gù ə si ɨfě Yeso ghà ni, “Nɔʼ e rɨ ɨban num, kyɨ Ə̀nùŋɨ̀sɨg, ɨmbə̀ʼ ɨghəm nɨ mɔ̌ yɨə wə̀d nɨə ghɨ̀ ɨnû rɨbɔ̀ŋ.”

Jn 21:2

Saimon Pità mbɨ Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni wan ŋwìə̀, mbɨ Natanaèl, nɨ nyaʼa rɨ ə Kanà ə Galiliî, mbɨ ə bɔn Zebèdiî mbɨ mə̀mə̀ə̀nɨ̀-ɨnû Yeso cherə be nyaʼa əsɨ ə mɔʼ.

Mk 3:16

Mbaŋə̀ te nɨ wɨ̀ nyaʼa chɔʼɔ yɨə: Saimòn, nɨ wɨ̀ nyaʼa chu əməd ni Pità;

Jn 13:18

“Chəi mɨə ghà ɨnû mbɔ̂ ɨmbə̀ʼ mbə̀n mɨjìm. Mə kyerɨ bə̂d mbe nɨ mə̀ fə chɔʼɔ. Àyɨə ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə berɨ jwɨ ənɨ rəsìʼ ni, 'Wə̀d we nɨ nyaʼa jɨgɨ mbɨ num fə bèŋ ənɨ mɨ wə̀d pə̀n'.

Lk 6:14

Saimòn, nɨ wɨ̀ nyaʼa chu əməd ni Pità mbɨ aŋgɔb məd nɨ nyaʼə Andrù. Wɨ̀ nyaʼa bə̀ chɔʼ ə Jems, Jɔ̌n, Filip, Bàtòlòmiù,

Gàlesìyà 1:18

Ənɨ ɨghəm ɨwu nyaʼa chè ɨtad, mə nyaʼa kɔʼ wò ə Jèrusalèm ɨ wò zə ə Pità. Mə nyaʼa pè chubɨ mbɨ məd ɨni wum chɔ̀b rɨ̀tân.

Gàlesìyà 2:11

Ənɨ Pità nyaʼa yeʼe ə Antiɔ̀k, mə nyaʼa ghàm əbɔʼ əməd ɨfě bə̂d. Mə nyaʼa ghàm əbɔʼ əməd ɨmbə̀ʼ ɨghəm nɨ wɨ̀ nyaʼa ghɨ̀ ənû nɨ rɨ kuʼ i.

Jn 4:16

Yeso nyaʼa ghà ɨ bɔ ni, “Ndə̀ wo tɔŋ e ɨnom, wɨrɨ bə̀ndɨ̀ yeʼe əgha.”