Jems 2:9 - Meta’

⁹ Mbə mɨ yeʼə ghɨ̀ əghə, njɨ mbə fə ghɨ̀ ənû rɨbɔ̀ŋ. Əne ɨkə fə yim əwən ɨchî nɨ wɨ̀ yim bə̂d nɨ fə gù ɨkə.

Ikan feg

⁹ Mbə̰ mə̀ ya ghìyə̀ ighə, nji mbə fə ghì anug tibɔ̀ŋ. Ane, nɔ̀ʼɔ̀ we nyìmi awən icheg ne we nyìme bəd ne gùghə̀ mə̀nɔ̀ʼɔ̀.

Jems 2:9 Referans Kwoze

Jn 8:9

Ənɨ mbɨ nyaʼa zu ənû zɔ̂, mbɨ nyaʼa kɔ wo əwən ɨ mɔʼ mɔʼ, kɔ rɨ ənɨ mbɨ kyeŋ wò nwì ənɨ mbɨ kwa. Mbɨ nyaʼa sàŋ ə Yeso tə̀zìʼ wi mbɨ əyi we nɨ nyaʼa kɨrɨ təm ɨfě məd.

1 Jɔn 3:4

Wə̀d jìm we nɨə ghɨ̀ ənû rɨbɔ̀ŋ fə gù ɨkə, ɨmbə̀ʼ ɨghəm nɨ ənû rɨbɔ̀ŋ yɨ ənû nɨ gu ɨkə.

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Jn 16:8

Ənɨ wɨ̀ yeʼe, wɨ̀ bɨrɨ ghɨ ni bə̂d mbe rɨŋga ɨsɨg kyerɨ ni tɨkɔndɨ tɨ mɨ̀mə̌d ɨmbə̀ʼ ɨnû rɨbɔ̀ŋ, ɨmbə̀ʼ ənû nɨ ghɨ ɨnû nɨ kuʼnɨ fɔrɨ ɨmbə̀ʼ ɨchî nɨ Ŋwìə̀ bɨrɨ saʼ ɨsɨg rɨka kuʼi.

Jn 8:46

À kɨə we rəbɔʼ nən nɨ tɨ̀ wɨ̀ chwi ənû rɨbɔ̀ŋ ə mɔʼɔ ze nɨ mə̀ ghɨ ə? Mə mɨ yeʼə ghà rəsìʼ, njɨ əton nɨ chəi mbə̀ ben ənû ze nɨ mɨə ghàə̀ kɨ ɨmbə̀ʼ ə yè ə?

Jûd 1:15

ɨ saʼ bə̂d mɨ̀jìm chə mɨ̀mə̌d, bə̀ zɨ̀ ɨsaʼi ɨgwɨ ə bə̂d mɨ̀jìm mbe nɨ chəi mbɨə wumnɨ ə Ŋwiə̀. Wɨ̀ bɨrɨ zɨ ɨsaʼi ɨgwɨ mɨ̀mə̌d ɨmbə̀ʼ ɨnû ɨzɨg mbe nɨ chəi bə̂d mbe nɨə wumnɨ ə Ŋwiə̀ ə ghɨ̀ə̀. Wɨ̀ bɨrɨ bɨ zɨ ɨsaʼi ɨmbə̀ʼ mɨŋgam rɨbɔ̀ŋ jìm mbe nɨ bə̂d mbe nɨə ghɨ̀ ɨnû rɨbɔ̀ŋ, nɨ chəi mbɨə wumnɨ ə Ŋwiə̀ ə gha ɨmbə̀ʼ əməd.”

Gàlesìyà 2:19

Mə wɨə nyaʼə nùŋ rɨ̀kə, əne tɨ̀nîn, mə fə zə ni chəi ənɨ tɨ̀ rɨkə weerɨ əmɨ. Əne mə yɨ ɨghabɨ ə wə̀d nɨ rɨkə fə zwiirɨ, ɨmbə̀ʼ mə̀ chubɨ ɨkǎ fàʼ əmbɨ ə Ŋwiə̀. Mbɨ fə kòmbɨ̀ əmɨ əzed ə baʼnɨ mbɨ Kristo,

1 Kɔrèn 14:24

Àyɨə bə̂d mɨjìm mɨ yeʼə ghà ɨkə̂n Ŋwiə̀, əne we nɨ chəi wɨ̀ ben ə Kristo, kɨ̀ we nɨ chəi əməd əbɔʼ ɨfetɨ bə̂d Kristo yeʼe nyɨ, wə̀d jìm bɨrɨ ghɨ wɨ̀ kyerɨ ni tə wɨə ghɨ̀ ɨnû rɨbɔ̀ŋ, əne ɨnû jìm mbe nɨ mbə̀ə ghàə̀ bɨrɨ saʼ əməd.

Ɨ̀fàʼì 10:34

Pità nyaʼa kɔ ghamɨ ghà ni, “Tɨ̀nîn mə kàŋ kyerɨ ənɨ rəsìʼ ni chəi Ŋwìə̀ ə ghɨ̀ ɨghə.