Ɨnû 8:3 - Meta’

³ Aŋgɨrə̀ cherə, nɨ nyaʼa yim əkaŋ nɨ mbɨ tekɨ ənɨ ə gôl, nyaʼa yeʼe təm ɨban ɨkwi ɨjə̀ŋ ə̀fààrɨ̀. Mbɨ nyaʼa nàʼ ɨneŋ nɔnɔʼ ɨ bɔ ni wɨ̀ nyam əbɔʼ ɨ̀kɔ̀ŋgɨ̀ bə̂d Ŋwiə̀ mɨ̀jìm əne tɔ̀n ɨgun ɨkwi ɨjə̀ŋ we nɨ mbɨ nyaʼa tekɨ ənɨ ə gôl, nɨ nyaʼa ɨfě ətən ɨfɔ̀n ə Ŋwiə̀.

Ikan feg

³ Angirə̀ ndəŋ ya yeʼe pè təm ane ikwijə̀ŋ àfàtì tì akaŋ ìnen mɔ̀ʼɔ ne mbi tangi ane gol. Mbi ya nàʼ ìnen nɔʼ nɔʼ ibo gha wì fɔti abɔ̀ʼ tichaʼri Ŋwiye te ne bəd Ŋwiye məjìm naʼi, si tòn igun ikwijə̀ŋ àfàtì we ne mbi tangi ane gol. Ikwijə̀ŋ àfàtì we ya yaʼ imbìghè abə atən ifɔn ze.

Ɨnû 8:3 Referans Kwoze

Ɨnû 5:8

Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.

Ɨnû 8:4

Ndiʼ ze nɨ nyaʼə jwɨ̀ rɨ ənɨ ɨneŋ we nyaʼa fɔtɨ əbɔʼ ɨ̀kɔ̀ŋgɨ̀ bə̂d Ŋwiə̀, əne nɔ̀ʼ rɨ ɨkye əbɔ aŋgɨrə̀ we wò ɨfě Ŋwiə̀.

Lk 1:10

Ənɨ wɨ̀ nyaʼə tɔ̀n ɨneŋ we, ɨnɔ̂n bə̂d jìm we nɨ nyaʼa əŋgu, wɨə nyaʼə kɔ̀ŋgɨ̀ ə Ŋwiə̀ ɨsɨg.

Ɨnû 9:13

Aŋgɨrə̀ we nɨ pe ənɨ mbɨ rɨ̀fuə nyaʼa fə i tàŋ, əne mə nyaʼa zu gɨ̂ nɨ nyaʼa rɨ ənɨ ə ndɔŋ te rɨkwè nɨ nyaʼa ənɨ rɨbu ɨkwi ɨjə̀ŋ ə̀fààrɨ̀ we nɨ mbɨ nyaʼa tekɨ ənɨ ə gôl. Ɨkwi ɨjə̀ŋ we wɨə nyaʼa ɨfě Ŋwiə̀.

Mə̀Hibrù 9:4

Ɨkwi ɨjə̀ŋ ə̀fààrɨ̀ nɨ mbɨ nyaʼə tɔn ə ɨneŋ ɨgun wɨə nyaʼa ɨŋga ətu ə nəb ze. Mbɨ nyaʼa tekɨ ɨkwi ɨjə̀ŋ we ənɨ gôl. Tɨkub ə fɨso nɨ mbɨ nyaʼa zɔʼ ɨba jìm ənɨ ə gôl zɨə nyaʼa bə ɨŋga ətu ə nəb ze. Fɨkyiŋ nɨ mbɨ nyaʼa tekɨ ənɨ ə gôl zɨ ə manà ɨŋga mbɨ mbàŋ Eròn nɨ nyaʼə chə̀ʼə̀ fə nyaʼa bə ɨŋga ətu ə nəb ze. Ɨbapɨ əti mbe ɨbe nɨ mbɨ nyaʼa ŋwaʼnɨ tɨkə ɨgun nyaʼa bə ɨŋga ətu ə nəb ze.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

Rm 8:34

À kɨə we nɨ bɨrɨ gha ni mbɨ fə gù ɨsaʼi ə? À wa kɨə Kristo Yeso nɨ nyaʼa kwɨ, ee, nɨ Ŋwìə̀ nyaʼa zwemnɨ, nɨ chub əbà əbɔ ə jɨgɨ ə Ŋwiə̀, kɔ̀ŋgɨ̀ əməd ɨgwɨ mba ɨtu ə?

Ɨnû 7:2

Mə nyaʼa zə aŋgɨrə̀ cherə nɨ nyaʼə kɔʼ rɨ əbà ze nɨ nyùmə̀ ə jwɨ̀ə̀. Wɨ̀ nyaʼa yim əghɨ ze nɨ Ŋwìə̀ we nɨ yeʼ ɨkǎ ə zɨ̀ ənweenɨ ɨgwɨ mbi bə̂d. Wɨ̀ nyaʼa kyeŋ rɨkǎ əbɔʼ mbɨ̀aŋgɨrə̀ mbe mɨkwè nɨ nyaʼa berɨ ɨka nɨ ghɨ əghəm ənɨ ə si bə̀ ghɨ̀ ənɨ rɨ̀bàà.

Ɨnû 6:9

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ tân, mə nyaʼa nèŋ əton ɨkwi ɨjə̀ŋ ə̀fààrɨ̀, əne zə ɨzwî bə̂d mbe nɨ mbɨ nyaʼa zwiirɨ ɨmbə̀ʼ ɨchî nɨ mbɨ nyaʼə ghà ɨŋgam Ŋwiə̀ fɔrɨ ɨmbə̀ʼ ɨchî nɨ mbɨ nyaʼa yim ɨŋgam Ŋwiə̀ wɨ kàànɨ̀.

Ɨnû 10:1

Mə nyaʼa zə aŋgɨrə̀ cherə nɨ berɨ ɨka nɨ nyaʼə swiʼə rɨkaŋ yeʼe. Ngywɨ̌ aŋgɨrə̀ we yɨə nyaʼə pàʼ. Tə̀nàbə nyaʼa kad ətu əməd. Ɨfě məd wɨə nyaʼə te ɨchî nɨ nyùmə̀ ə teə. Ɨwu məd mbɨə nyaʼa ɨghabɨ ə təʼ nɨə berɨə ɨchî nɨ ɨwid ə berɨə.

Ɨnû 8:5

Aŋgɨrə̀ we nyaʼa nɨŋ əkaŋ ze, swe ənɨ mbɨ̀akyiwid nɨə ghə̀ʼə̀, maʼ ɨgwɨ ə si. Wɨ̀ nyaʼa chɨ̀ mbɨ̀akyiwid mbe rɨ ənɨ ɨkwi ɨjə̀ŋ ə̀fààrɨ̀ we. Ənɨ wɨ̀ nyaʼa ghɨ̀ əne mbə̀ŋ nyaʼa kùm, gɨ̂ rɨ mɔʼɔ ghàm, ɨbi mbə̀ŋ ŋwàŋ, si bə̀ wùd.

Ɨnû 14:18

Aŋgɨrə̀ cherə, nɨ nyaʼa berɨ ɨka ɨgwɨ ɨwid, nyaʼa jwɨ̀ rɨ ɨban ɨkwi ɨjə̀ŋ ə̀fààrɨ̀ pè kyeŋ ənɨ ə gɨ̂ kǎ kǎ əmbɨ we nɨ berɨ ɨbi tɔtɔ we ni, “Nɨŋ fe ɨbi tɔtɔ nɨ kwəŋ ɨghɨ əŋgu sopɨ ɨza vaìn tɨ ənɨ ɨzed vaìn mbe rɨ ɨgwɨ ə si, ɨmbə̀ʼ ɨghəm nɨ rɨtam vaìn te rɨ ɨgwɨ ə si fə tə̀nə̀.”