Ɨnû 8:2 - Meta’

² Mə nyaʼa zə mbɨ̀aŋgɨrə̀ mbe sambe nɨə təm ɨfě Ŋwiə̀. Mbɨ nyaʼa nàʼ tàŋ sambe əmbɨ mɨ̀mə̌d.

Ikan feg

² Ane, mə̀ ya bàd mbè angirə̀ mbe ìsàmbe ne tə̀mə imbìghè abə Ŋwiye. Mbi ya nàʼ tàŋ ìsàmbe inɔb.

Ɨnû 8:2 Referans Kwoze

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Lk 1:19

Aŋgɨrə̀ we nyaʼa wììrɨ̀ ɨ bɔ ni, “Mɔ̌ yɨə Gebre we nɨə təm ɨfě Ŋwiə̀. À yɨə Ŋwìə̀ tom əmɨ ni mə̀ yeʼe ghàm ɨ ne bə̀ ghà ɨkə̂n chɔ̀m wɔ̂ ɨ ne.

Ɨnû 8:6

Mbɨ̀aŋgɨrə̀ mbe sambe nɨ nyaʼa yim tàŋ te sambe nyaʼa tekɨ ə ɨnyod nɨ fə.

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Ɨnû 16:1

Mə nyaʼa zu gɨ̂ kǎ kǎ nɨ nyaʼə yeʼə rɨŋga mbàn Ŋwìə̀. Gɨ̂ ze zɨə nyaʼə ghà əmbɨ mbɨ̀aŋgɨrə̀ mbe sambe ni, “Mbə̀ nɨŋ ɨŋgupɨ ɨkaŋ mbe sambe nɨ ɨsə ɨtəm Ŋwiə̀ yeʼ ɨŋga wò sab ɨgwɨ ə si.”

Ɨnû 15:1

Mə nyaʼa zə ənweenɨ-ənû ə cherə ɨkaŋ. Ənweeenɨ-ənû ze ə nyaʼa chè əbɔ. Mbɨ̀aŋgɨrə̀ sambe mbɨə nyaʼə əŋgu. Mbɨ nyaʼa yim ŋgəʼ rɨ kǎ kǎ sambe, nɨ yeʼ te nɨ sɨ nwìə̀. Ŋgəʼ te mɨ fə mì i, ka Ŋwìə̀ bɨrɨ wɨrɨ sə i ɨtəm.

Matìyò 24:31

Tàŋ mɨ ghàm rɨ̀kǎ, wɨ̀ tom mbi mbɨ̀aŋgɨrə̀ ɨba ɨsɨg mbe kwè ni mbɨ fetɨ mbi bə̂d mbe nɨ wɨ̀ chɔʼɔ, kɔ rɨ ənɨ ɨbu ɨsɨg fibɨ̀ wò pè ənɨ wɨ cherə.

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

1 Kɔrèn 15:52

ənɨ ɨkə nyumə̀. Zɨə bɨrɨ ghɨ̀ ɨghabɨ ɨchî nɨ wə̀d ə gwìpə̀ əghə. Ənû zɔ̂ ə bɨrɨ ghɨ̀ ənɨ ə nyùmə̀ we nɨ tàŋ ze nɨ sɨ nwìə̀ bɨrɨ ghàm, ɨmbə̀ʼ ɨghəm nɨ tàŋ bɨrɨ ghàm, Ŋwìə̀ nɔ̀ ɨvɨ bə̂d əne chəi mbɨ bɨrɨ nɔ wɨrɨ kwɨ. Wɨ̀ bɨrɨ bɨ kwepɨ əwa.

1 Tèsàlonikà 4:16

Ənɨ ə nyùmə̀ we nɨ Ə̀nùŋɨ̀sɨg ziə bɨrɨ swiʼ rɨkaŋ, bə̂d bɨrɨ zu ɨŋgam ka ka, zu gɨ̂ aŋgɨrə̀ kyeŋ bə̀ zu tàŋ Ŋwìə̀. Bə̂d mbe nɨ nyaʼa ben ə Kristo bɔŋ kwɨ bɨrɨ be zwemə.

Ɨnû 1:4

À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Ɨnû 8:13

Mə nyaʼa nèŋ, əne zə ɨzam nɨ nyaʼə fid əton ɨkaŋ. Ɨ wɨə nyaʼə ghàmə̀ rɨ̀kǎ ghàə̀ ni, “Ŋgəʼ bɨrɨ nyɨ, ŋgəʼ bɨrɨ nyɨ, ŋgəʼ bɨrɨ nyɨ ɨgun ə bə̂d mbe nɨ yeʼ ɨgwɨ ə si ənɨ ə nyùmə̀ we nɨ mbɨ̀aŋgɨrə̀ cherə tad fə tə tàŋ!”

Ɨnû 9:1

Aŋgɨrə̀ we nɨ pe ənɨ mbɨ mɨtân nyaʼa fə i tàŋ, əne mə nyaʼa zə fɨtəmɨ nɨ nyaʼa nɔʼ rɨkaŋ feŋ ɨgwɨ ə si. Mbɨ nyaʼa nàʼ əfiʼ tɨ ənɨ ɨchû ɨbɨgɨ nɨ chəi ɨnwǐ ɨ bɔ.