Ɨnû 5:8 - Meta’

⁸ Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.

Ikan feg

⁸ Anyumə̀ ne wì ya niŋi àŋwàʼrì ze, ighi izɔm mbe ikwè tì itog bəd mbe ìghum ibe chɔ̀b ikwè, ya gundi aseg imbìghè abə Ŋwan njə̀g we. Wə̀d mɔ̀ʼɔ imɔʼ abɔ̀ʼ inɔb ya nyimi inɔŋi ngyeŋ bə̀ nyìmi ikaŋ ne mbi ya tangi ane gol. Ìnen ya sweg inga ikaŋ mbe. Ìnen we ya ichaʼri Ŋwiye ìwi bəd Ŋwiye.

Ɨnû 5:8 Referans Kwoze

Ɨnû 4:10

bə̂d kyeŋ mbe ɨwum be chɔ̀b rɨkwè gundɨ ə si ɨfě məd we nɨ chub ɨgun ətən ɨfɔ̀n, wumnɨ əməd we nɨ ten i koŋ. Mbɨ màʼrɨ̀ tə rɨdəm mɨfɔ̀n ə si ɨfě ətən ɨfɔ̀n ze, kwerɨ ɨkyî ghà ni,

Ɨnû 5:14

Ɨghɨ mbe ɨkwè nɨ yeʼ ɨkǎ nyaʼa wììrɨ̀ ni, “À yɨ əne!” Bə̂d kyeŋ mbe nyaʼa gundɨ ə si wumnɨ ə Ŋwiə̀ bə̀ wumnɨ Wan njɨ̀g.

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 19:4

Bə̂d kyeŋ mbe ɨwum be chɔ̀b rɨ̀kwè mbɨ ɨghɨ mbe ɨkwè nɨ yeʼ ɨkǎ nyaʼa gundɨ ə si wumnɨ ə Ŋwiə̀ nɨ nyaʼa chubɨ ɨgun ətən ɨfɔ̀n. Ɨ mbɨə nyaʼə wumnɨə ghàə̀ ni, “À yɨ əne! Tɨ yiirɨ ə Ŋwiə̀!”

Ɨnû 5:6

Mə nyaʼa zə Wan njɨ̀g nɨ nyaʼa təm ɨŋga mɨgharə̀ ətən ɨfɔ̀n, ɨŋga mɨgharə̀ ɨghɨ mbe ɨkwè nɨ yeʼ ɨkǎ bə̀ təm əkaʼ bə̂d kyeŋ mbe. Zɨə chub ɨghabɨ ni mbɨ nyaʼa fə kyemɨ Wan njɨ̀g we, àyɨə ɨ zɨ i ɨkǎ. Zɨ̀ nyaʼa berɨ ndɔŋ sambe mbɨ əghə ə sambe. Əghə ze sambe yɨ ɨzwî mbe sambe nɨə fàʼ əmbɨ ə Ŋwiə̀, nɨ Ŋwìə̀ nyaʼa cha ɨŋga ɨsɨg jìm.

Ɨnû 4:8

Ɨghɨ mbe ɨkwè ɨ mɔʼ mɔʼ nyaʼa berɨ tɨbabɨ̀ rɨ̀fuə. Əghə ə nyaʼa swi ɨgun bə̀ swi əton tɨbabɨ te. Ɨghɨ mbe mbɨə nyaʼə kwerɨ ɨkyî əziə mbɨ ɨzimɨ zɨ rɨ sob. Ɨ mbɨə nyaʼə kwerɨə ni, “Ə̀nùŋɨ̀sɨg Ŋwìə̀kɔʼ ə zeŋ, ə zeŋ, ə zeŋ. Məd yɨ we nɨ nyaʼa bei əŋgu, nɨ yeʼ əŋgu rɨ̀nîn, nɨ bɨrɨ wɨrɨ yeʼe!”

Ɨnû 15:7

Əghɨ ə mɔʼ rəbɔʼ ɨghɨ ɨkwè mbe nɨ yeʼ ɨkǎ nyaʼa nàʼ ɨŋgupɨ ɨkaŋ sambe nɨ mbɨ nyaʼa tekɨ ənɨ ə gôl əmbɨ mbɨ̀aŋgɨrə̀ mbe sambe. Ɨsə ɨtəm Ŋwìə̀ we nɨ tən i koŋ koŋ nyaʼa swi ɨŋga ŋgupɨ ɨkaŋ mbe.

Ɨnû 15:2

Mə nyaʼa zə əghɨ ə mɔʼɔ nɨ nyaʼa ɨghabɨ ə rɨ̀bàà mɨ̀manèm nɨ mbɨ nyamɨ mbɨ ɨwid. Mə nyaʼa bə̀ zə bə̂d mbe nɨ nyaʼa baŋ nyam kyeŋ rɨtu ze, baŋ anèŋ məd bə̀ baŋ ə nombà we nɨ təm ənɨ ɨkum məd. Mbɨ nyaʼa təm ɨban rɨ̀bàà mɨ̀manèm we mbɨ mɨnoŋɨ ŋgyi nɨ Ŋwìə̀ nyaʼa naʼ əmbɨ mɨ̀mə̌d.

Jn 5:23

Wɨ̀ fə ghɨ̀ əne ɨmbə̀ʼ bə̂d mɨjìm wumnɨ Wan ɨchî nɨ mbɨə wumnɨ ə Mbǎʼ. Kaʼ wə̀d we nɨ chəi wɨə wumnɨ ə Wan, wɨə bə̀ wumnɨ i Mbǎʼ we nɨ nyaʼa tom Wan.

Mə̀Hibrù 1:6

Ənɨ Ŋwìə̀ nyaʼa cha i wan fə̀d ɨŋga ɨsɨg, wɨ̀ nyaʼa ghà ni, “Mbɨ̀aŋgɨrə̀ Ŋwìə̀ mɨ̀jìm berɨ wumnɨ əməd.”

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Ɨnû 4:6

Əghɨ ə mɔʼɔ zɨə nyaʼa ɨfě ətən ɨfɔ̀n ze ɨghabɨ rɨ̀bàà mɨ̀manèm nɨ tɨ̀ wə̀d zə ɨghɨ ənjìm, ɨchî nɨ mbɨə zə ənjìm ə kristal. Ɨghɨ mɔʼɔ ɨkwè nɨ yeʼ ɨkǎ, nyaʼa təm kad ətən ɨfɔ̀n ze ənɨ ɨba məd mbe ɨkwè. Əghə ə nyaʼa swi ɨgwɨ ɨghɨ mbe ɨfě bə̀ fɔrɨ ə njìm.

Ɨnû 5:11

Mə nyaʼa wɨrɨ nèŋ əne zu gɨ̂ mbɨ̀aŋgɨrə̀ əkam mbɨ əkam fɔrɨ chuʼ mbɨ ə chuʼ. Mbɨ nyaʼa təm kad ətən ɨfɔ̀n ze, kad ɨghɨ mbe ɨkwè nɨ yeʼ ɨkǎ bə̀ kad bə̂d kyeŋ mbe.

Ɨnû 5:12

Ɨ mbɨə nyaʼə kwerɨ ɨkyî ənɨ ə gɨ̂ kǎ kǎ ghàə̀ ni, “Wan njɨ̀g we nɨ mbɨ nyaʼa kyemɨ ə kùʼ ni mbɨ naʼ ɨka, naʼ mbɔ̂n, naʼ ɨwe, naʼ ɨwumnɨ bə̀ naʼ ɨzeŋɨ zeŋɨ ɨ bɔ. Wɨ̀ bə̀ kùʼ ni mbɨ zɨ əbɔrəbɔd ɨgwɨ məd!”

Ɨnû 6:1

Mə nyaʼa zə ənɨ Wan njɨ̀g we nyaʼa kyeʼrɨ ɨneŋ rɨtu rəbɔʼ mɨneŋ mbe sambe. Mə nyaʼa bə̀ zu gɨ̂ əghɨ ə mɔʼ rəbɔʼ ɨghɨ mbe ɨkwè nɨ yeʼ ɨkǎ ɨchî nɨ zɨ̀ nyaʼa gham ɨghabɨ ɨchî nɨ mbə̀ŋ ə kùmə̀. Zɨ̀ nyaʼa ghà ni, “Yeʼe!”

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.