Ɨnû 2:2 - Meta’

² Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.

Ikan feg

² mə kyèri inug mbe ne àghò we ghìyə̀. Mə kyèri icheg ne àghò fə fàʼi ane ika bə̀ kyèri icheg ne àghò fə nyìʼi inug aton ngəʼ. Mə kyèri gha chəyi àghò kɔ̀ŋi ni bàd bəd mbe ne ghìyə̀ inug tibɔ̀ŋ. Mə bə̀ kyèri gha àghò fə kwàʼrì bəd mbe ne gha mbɔb ya bədtɔm ne mbɔb kayi bədtɔm. Àghò fə kwàʼrì ane bàd gha mbɔb ya bəd inug ako.

Ɨnû 2:2 Referans Kwoze

1 Jɔn 4:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.

1 Tèsàlonikà 5:21

àyɨə mbə̀ zweʼrɨ mɨkə̂n mbe jìm, yim mbe nɨ bɔŋɨ,

Ɨnû 3:8

Mə kyerɨ ɨnû mbe nɨ àwɔ̀ ə ghɨ̀ə̀. Zə, mə fə fìʼ ɨchû nəb ɨ ne nɨ chəi wə̀d nɨ tɨ̀ wɨ̀ wùb. Mə kyerɨ ni e ɨka ə kə, àyɨə à fə ghɨ̀ ɨnû mbe nɨ mə̀ nyaʼa gha ɨ ne. Mə bə̀ kyerɨ ni chəi à ton əmɨ.

2 Timotì 2:19

Àyɨə əchɨ ə nəb ə ka ka ze nɨ Ŋwìə̀ fə zi ə kàŋ təm kàànɨ̀. Mbɨ ŋwàʼnɨ̀ ɨgun ni, “Ə̀nùŋɨ̀sɨg ə kyerɨ bə̂d mbe nɨ yeʼ mbɨ məd,” mbɨ ni, “Wə̀d jìm we nɨə ghà ni tə yɨə wə̀d Ə̀nùŋɨ̀sɨg berɨ waʼ ɨnû rɨbɔ̀ŋ.”

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

Gàlesìyà 1:7

Kaʼi ni ɨkə̂n chɔ̀m cherə wɨ əŋgu, àyɨə bə̂d mɔʼɔ mbɨə bùùrɨ̀ mbə ɨtu. Ɨ mbɨə bə̀ kə̀b beŋ ɨkə̂n chɔ̀m ɨmbə̀ʼ ə Kristo.

Ɨnû 3:1

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we ɨŋga ɨfetɨ bə̂d Kristo we rɨ ə Sadìs ni, 'Ɨŋgam wɔ̂ yɨ rɨ əmbɨ wə̀d we nɨ yɨm ɨzwî Ŋwiə̀ mbe sambe bə̀ yim rɨtəmɨ te sambe. Ɨ wɨə ghàə̀ ni, mə kyerɨ ɨnû mbe nɨ àwɔ̀ ə ghɨ̀ə̀: mə kyerɨ ni à wɨə ghɨ̀ ɨghabɨ ni à wɨə kɨrɨ ɨkǎ, àyɨə à fə kwɨ.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

Ɨnû 2:9

Mə kyerɨ ɨchî nɨ àwɔ̀ ə zəə ŋgəʼ bə̀ kyerɨ ɨchî nɨ à kwaŋɨ, àyɨə àwɔ̀ yɨə wə̀d ɨkab. Mə kyerɨ ɨnû mbe nɨ bə̂d mbe nɨə ghà ni mbə yɨə mɨ̀Jû, àyɨə kaʼi mbɨwən, ə ghàə̀ ɨmbə̀ʼ chəkɨ e ɨkum. Mbɨ yɨ rɨŋga ɨfetɨ Satàn.

Ɨnû 2:6

Àyɨə ənû ə chɔ̀m ze nɨ à ghɨ̌ yɨ ni: à bàn ɨnû mbe nɨ bə̂d mbe nɨə beenɨ əbɔʼ Nikolaùs ə ghɨ̀ə̀, àmei ɨchî nɨ mə̀ bə bàn.

Ɨnû 3:15

Mə kyerɨ ɨnû mbe nɨ àwɔ̀ ə ghɨ̀ə̀. Chəi àwɔ̀ ə nòmə̀ kɨ̀ beə zwɨ̀ə̀. Mə kə̀b ni à nomə kɨ̀ ni à zwɨ ə!

Matìyò 7:23

Mbɨ mɨ ghà əne, mə bɨrɨ ghà əmbɨ mɨ̀mə̌d ni, 'Chəi mə kweʼ kyerɨ əwən. Mbə̀ nɔʼ rɨ ɨban num, mbə̀n bə̂d nɨə ghɨ̀ ɨnû rɨbɔ̀ŋ.'

Jn 6:6

Wɨ̀ nyaʼa ghà ənû zɔ̂ ɨmbə̀ʼ zweʼrɨ ə Filip, ɨmbə̀ʼ ɨghəm nɨ məd ziə nyaʼa kyerɨ ənû ze nɨ wɨ̀ bɨrɨ ghɨ̀.

Ɨnû 2:5

Əne kɔndɨ ɨchî nɨ à nyaʼa beə bɔŋ à nyaʼa sɨə gùə̀! Beŋ e fîŋ sɨə wɨrɨə ghɨ̀ ɨnû mbe nɨ à nyaʼə beə ghɨ̀ə̀. À mɨ ton ghɨ e əne, mə bɨrɨ yeʼe əsɨ ne, pè chɨ̀ əghɨ ze nɨ àwɔ̀ ə te ənam ɨgun rɨ əsɨ ze nɨ zɨə yeʼ əŋgu.